Урт үс огтхон ч зохиогүй 13 жүжигчин

Өнөөгийн кино урлагт нүүр хувиргагч, хувцас загвар бүтээгчид жүжигчдийг яаж л бол яаж хүссэнээрээ хувиргаж чадах болжээ. Зарим нэгэн жүжигчдэд нүүр хувиргалт зэрэг нь зохицоогүй байх нь бий. Энэ удаад бид урт ус огт зохиогүй эрэгтэй жүжигчдийг нэрлэхээр шийдлээ. Эрчүүдийн хувьд үсний засалт чухал байдаг, тэгэхээр өөрт нь зохиогүй урт үстэй болж хувирсан тэдний хувьд үнэхээр гамшиг нүүрлэсэн мэт санагдсан болов уу …

Орландо Блум

Орландо Блумийг үзэгчид хоёр дүрээр нь илүү сайн таних болсон, Питер Жэксоны цуврал киноны Леголасын дүр, нөгөө нь далайн дээрэмчний сэдэвтэй кинонд тоглосон Уилл Тернерийн  дүр. Тус дүрүүдийн үсний засалтыг сайн бодох ёстой байсан юм. Жишээ нь Леголасыг одойчуудаас арай өөр төрхөөр ялгаруулж болох л байсан. Мөн Уиллийн үсийг богиносгохгүй бол тэр чинь дархан хүн ш дээ, үсээ галд шатаачих вий дээ гэмээр урт үс нь зохицоогүй юм.

Жефф Брижес

Энд олон хүний санал зөрөлдөх байх: Жефф Брижестэд урт үс зохисон, харин “Iron Man”-нд гарсан халзан үс бол ёстой зохиогүй гэх нь ч бий. Харин зарим нь урт үснийхээ ариун цэврийг сахих хэрэгтэй гэнэ. Үсээ засуулаад, самнаад тэгээд адал явдалдаа орохгүй дээ …

Жан-Клод Ван Дамм

Урт үс тамирчин хүнд амжилт авчрахгүй гэдгийг хэн хүнгүй мэдэх байх. Үүнийг бокс болон тулааны спортоор хичээллэдэг хүмүүс нотлоно – жинхэнэ тамирчин дундаас тийм урт үстэй хүн ганц ч байхгүй. Угтаа бол Жан-Клод Ван Дамм зараа үсний засалтыг сонгодог, харин “Hard Target” кино дээр нойтон химитэй гарч ирсэн нь 1980-аад оны поп-дуучин бүсгүйчүүдийн шүлсийг асгаруулж байжээ. Хэдий урт үстэй ч гэсэн дайснуудаа ялсан, гэхдээ цааш нь ургуулаагүй нь ямар нэгэн шалтгаантай байсан байх.

Мэл Гибсон

Австрали гаралтай Мэл Гибсоныг үсэндээ хэтэрхий их анхаарал тавьдаг гэж бүү зэмлэ. Жишээ нь “Mad Max”-ийн Макс Рокатански цахилгаан байхгүй, бензин нь хүний амиас ч үнэтэй тийм ертөнцөд үсээ хэрхэн арчлаад байгаа нь маш сонирхолтой. Мөн 13-р зууны Хойд Европын викингчүүдийн толгойд үсээ сайхан засах ухаан байх ажээ. “Braveheart”-ийн гол баатар эрэлхэг зоригоороо бусдыг тэргүүлээд зогсохгүй, мөн үс арчилгаагаараа бусдыг тэргүүлдэг нь илт.

Дуэйн Жонсон

Өнөөдөр бид Дуэйн Жонсоны халзан толгойд нэгэнт дасжээ. Түүнийг урт үстэй байсан үеийг дурсахаар олон жилийн өмнөх түүхийг сөхөж байгаа мэт. Жишээ нь, түүнийг алдаршуулсан нэгэн киног дурсахад болно “The Scorpion King”. Эртний Египетийн нэгэн хөлсний алуурчны дүрийг бүтээдэг – урт үстэй нь нэг харахад аймшгийн ч юм шиг, нөгөө талаар инээдтэй ч юм шиг. Булчинлаг бие нь урт үстэйгээ огтоос зохицоогүй.

Жонни Депп

Жонни Деппийн урт үстэй дүр нь богино үстэйгээсээ илүү олон. Урт ч бай, богино ч бай түүнд бүгд зохино. “Dead Man”-д ч муугүй харагдана. Мөн Тим Бертонтой хамтрахаараа бүр ч догь эр болно, “Суни Тод”, “Sleepy Hollow” кинонуудад Жоннигийн үс замбараагүй хэдий ч түүний чадварлаг жүжиглэлтэнд нь огт нөлөөлөөгүй юм.

Мэтт Дэймон

“The Martian”, “Ocean’s Eleven” болон “Борн”-ыг бүтээхдээ дандаа жижиг үстэй байдаг. Харин “Behind the Candelabra” кинонд Мэтт тэс өөр төрхтэй – ижил хүйстэн эстрадын дуучны дүрд хувирна. Өнгөрсөн зууны 70-80-аад оны үеийн дуучин урт цайвар үстэй, Modern Talking хамтлагийнханыг санагдуулам дүрд хувирчээ.

Николас Кейж

Жүжигчний карьер нь нурахад түүний үс ямар ч нөлөөгүй байсан гэдгийг хэлэх нь зүйтэй болов уу. Гэсэн хэдий ч зарим дүрүүдийн үсний засалт үнэхээр анхаарал татмаар – өнгөгүй, буржийсан урт үс. Энэ төрхийг “Con Air” киноны гол дүрийг санаж байна уу? Тэр хүн ямар гэмт хэрэг хийсэн болоод бусдаас тусгаарлагдах нь чухал биш харин үснийхээ засалтын төлөө бусдаас тусгаарлагдах ёстой юм биш үү гэмээр.

Том Круз

Биеийн өндрөөрөө гайхагдаад байхгүй ч гэсэн эр зоригоороо Том Круз хэнээс ч дутахгүй. Тэрээр үсээрээ тэгж их оролдуулаад байддаггүй жүжигчин. Түүнийг ойлгож болно оо, “Interview with the Vampire”-д Европын угсаатны дүрийг бүтээхэд ороосон үстэй байх нь ойлгомжтой, харин “Magnolia”-гийн дүрийн “гажиг” засалтанд Том Круз өөрөө сайн дураараа хувирсан гээд төсөөл дөө.

Гари Олдман

Гари Олдман дүрд тоглохдоо гадна төрхөө байнга өөрчлөөд байдаггүй нэгэн. Дотоод сэтгэлээрээ дүрээ гаргахыг эрхэмлэдэг түүнийг нэгэн найруулагч нүүр хувиргалтаар өөрчилж чадсан байна. Люк Бессоны найруулсан “The Fifth Element”-ийн дайсны дүр, “Harry Potter and the Prisoner of Azkaban”-ын Олдманы дүрд мөрөө шүргэсэн үстэй тоглодог. Аймшгийн дүрд хувирах ёстой тэрээр зөөлөн үстэй төрхийг бүтээжээ.

Мэнди Патинкин

“The Princess Bride” кино танд юуг ч бодогдуулахгүй байгаа бол та багадаа кино үздэггүй нэгэн байсан бололтой. Мэнди Атинкин “Homeland” олон ангит киноны үеэр нэгэн далайн дээрэмчний дүрийг бүтээсэн юм. Түүний бүтээсэн дүрээс үсэндээ анхаарал тавьдаггүй нэгэн заваандуу эрийг харж болно.

Микки Рурк

Бас нэгэн тамирчин болох Микки Рурк өөрийн ажлын гарааныхаа сүүл хэсгээр урт гэзэг тавьж эхэлсэн. “Nine ½ Weeks” кинонд тоглож байх үед тэрээр залуу байсан бөгөөд гадаад төрх болон үсэндээ илүү мөнгө үрэх ямар ч шаардлага байсангүй. Харин нас нэмээд ирэхийн цагт гадна төрхөндөө нилээдгүй мөнгө зарах болжээ. Ядаж байхад “Iron Man2”-т урт үс ургуулах ямар ч хэрэг байсан юм?

Жон Траволта

Жон Траволта бүсгүйчүүдийн зүрх сэтгэлийг шархлуулж байсан нь саяхан мэт, түүний өтгөн хар үс нь хэнээс ч дутахааргүй. Цаг хугацаа өнгөрөхийн сацуу загвар нь ч өөрчлөгдөх аж. Түүний урт хар өтгөн үс нь аймшгийн харагдах болжээ. Мөн “Hairspray” киноны дүрд хиймэл урт үс хийж тоглосноос гадна эмэгтэй хүний дүрд хувирсан гээд та бод доо.

5

Тэнэглэл

1

Гайхмаар

1

Ха Ха

0

Гоё

0

Хөөрхөн

0

Бахархмаар

0

Харамсалтай

0

Буруу

Баярлалаа!