Цэцэг усалгааны дуслын систем хэрхэн хийх вэ?

Гэрээ олон хоногоор орхих хойгуур хэн нэгнийг цэцэг усалж өгөөч гэж гуйхад хүрдэг. Бид та бүхэнд усалгааны хамгийн энгийн аргаас танилцуулж байна.

Магадгүй та гэртээ байсан ч гэсэн цэцгээ услахаа мартдаг бол дуслаар услах систем танд хэрэг болох нь.

Энэ аргаар услахад таны цэцэг ямартай ч 3 долоо хоногтоо усаар дутагдахгүй. Уг системийн ажиллах зарчим нь хөрсөнд зохих чийгийг тогтмол өгч байдагт оршино. Ийм системийг өөрийн гараар хийхэд таниас их зүйл ч шаардаад байхгүй.

 

Өөрийн гараар усалгааны системийг хэрхэн хийх вэ?

• 2 литрийн сав (цэцгийн савны хэмжээнээс шалтгаалж таны ус хийх савны хэмжээ тодорхойлогдоно)

• Савныхаа дээд хэсгийг тайрч авна

• Тайрч авсан дээд хэсгийг доош эргүүлээд буцаагаад савандаа углана

• Савны уртын нийт хэмжээнд 2 см өргөнтэй тэгш өнцөгт зурж хайчилж авна.

• Эмнэлгийн дуслын системийн тариа цуглуулах хоолой (системийг дусалд залгахад дээд хэсэгт дусалж цугладаг хэсэг) тагийг хутгаар зүсэж авна.
• Халаасан нарийн төмөр утсаар савны тагийг цоолно.

• Савны таг болон эмнэлгийн дуслын системийн хоолойд нимгэн цавуу түрхэж сайтар наана.

• Зүүний углуургын хэсгийг цэвэрхэн авна.

• 4 болон 6 мм гуурсыг хооронд нь скочоор нийлүүлж холбоно.

• Зүүгээ нэг хоолойд углана.
• Хоолойн зүүгүй талыг бэлдсэн таганд углаад устай саванд байрлуулна. Харин зүүтэй тал цэцэг дээр дуслахаар байрлуулна.

• Зүү, хоолойг скочоор сайтар наана.

 

Бэлэн боллоо!

Усалгааны хурд – секундэд 1 дусал. Ийм байдлаар услахад 8 минутад 10 куб орчим ус дусална гэсэн үг. Хөрс чийгтэй байхаас гадна зохих агаараар дутахгүй. Олон хоногоор явахаасаа өмнө өөрийн гараар хийсэн дуслын системийг шалгаж үзэх хэрэгтэй.