Дэлхийн улс орнуудын котлет хийх 7 төрлийн жор

“Хажууд байгаа хүндээ ч өгөмгүй” амттай котлет хиймээр байна уу? Дэлхийн улс орны гэрийн эзэгтэй нарын жоруудаас түүвэрлэн танд танилцуулахаар бэлдлээ.

“Куббе” араб котлет

Орц:

• Татсан мах – 500 г
• Шар будаа эсвэл жижиг үрийн ямар ч будаа байж болно – 150 г
• Сонгино – 2 дунд зэргийн
• Овоолон самар
• Амтлагчууд – хар перец, кориандр, кумин
• Давс
• Ургамлын тос

Хийх арга:

1. Татсан махаа гурван хэсэгт хуваана.
2. Хоёр хэсгийг нь чанасан будаа, хэрчсэн сонгинотойгоо холино. Давс, амтлагчуудаа хийгээд сайтар базаад 10 минут орчим хөргөгчинд амраана.
3. Үлдсэн татсан махаа сонгинотой холиод болтол нь хуурна. Нунтагласан самартайгаа холино, энэ бол хачир болох юм шүү.
4. Хөргөгчнөөс татсан махаа гаргаж ирээд бөмбөлөг хийхдээ хачир болох махаа голд нь хийнэ. Бөмбөлгөө хавтгайлаад халаасан тосонд болтол нь шарна.
5. Ногоо, йогурт зэргээр хачирлаад таваглаарай.

“Уштиц” серби котлет

Орц:

• Татсан мах – 1 кг орчим /гахай, үхрийн/
• Сонгино – 1,5 ш
• Сод – 1 ц.х
• Газ ихтэй цэвэр ус – 2/3 стакан
• Утсан цээж мах – 150 г
• Брынза – 150 г
• Амтлагчууд – амтат чинжүү, перец, давс, ногоон навчит ногоонууд
• Сармис – 5 хумс

Хийх арга:

1. Татсан мах дээр жижиглэн хэрчсэн тал сонгино, амтлагчууд, сод, газтай цэвэр ус хийж сайтар базаад хөргөгчинд 12 цаг тавина.
2. Том ширхэгтэй үрүүл дээр бяслаг, цээж махаа жижиглээд, сонгино, сармисаа хэрчээд татсан махандаа хийж базна.
3. Хэвлээд зөөлөвтөр гал дээр шарна. Болохын өмнө нь тагийг таглаад хэдэн минут байлгана.
4. Өөрийн хүссэн хачир болон салаттай хамт иднэ.

Шотланд нүд

Орц:

• Татсан мах – 800 г
• Чанасан өндөг – 6 ш
• Талх – 400 г
• Сүү – 0,5 стакан
• Амтлагч – давс, ногоон навчит ногоо
• Бүрэхэд: нэг түүхий өндөг, 2 х.х гурил эсвэл хатаасан талхны үйрмэг

Хийх арга:

1. Талхаа жижиглээд сүүндээ дэвтээнэ.
2. Татсан мах дээр дэвтээсэн талхаа хийгээд амтлагчуудаа хийнэ. Сайтар базна.
3. Махаа 6 хэсэгт хуваагаад хавтгайлах бөгөөд чанасан өндгөө хийж битүү орооно.
4. Бөмбөлгөө эхлээд түүхий өндөг, гурилд өнхрүүлж шарах шүүгээнд 40-50 минут шарна.
5. Төмсний нухаш эсвэл ногоогоор хачирлан иднэ.

Шведийн хүрэн манжингийн котлет

Орц:

• Чанасан төмс – 1 ш
• Даршилсан хүрэн манжин – 100 г
• Татсан мах – 300-400 г
• Сонгино – 1 ш
• Сүү – 100 г
• Өндөг – 1 ш
• Талхны үйрмэг
• Давс, амтлагч

Хийх арга:

1. Татсан мах, өндөг, сүүгээ холиод базна.
2. Сонгиноо жижиглэн хэрчээд шарах бол төмсөө үрүүлээр үрж жижиглэнэ. Хүрэн манжингаа нарийхан хэрчинэ. Бүгдийг нь татсан маханд хийж амтална.
3. Котлетний хэлбэр оруулж талхны үйрмэгээр бүрж шарна.
4. Чанасан төмс болон даршилсан өргөст хэмхтэй иднэ.

Галын котлет

Орц:

• Тослог ихтэй цөцгий
• Тахианы мах – 800 г
• Цагаан талхны зах – 350 г
• Сонгино – 400 г
• Цөцгийн тос – 200 г
• Оливийн тос – 1 х.х
• Давс, амтлагч

Хийх арга:

1. ¾ хэмжээтэй цөцгийн тосоо дөрвөлжин жижиглээд хөлдөөгчид хийнэ.
2. Үлдсэн цөцгийн тосондоо сонгиноо шараад татсан махандаа хийнэ.
3. Цөцгийндөө талхны захаа дэвтээгээд татсан махандаа хийж базна. Мөн хөлдөөсөн цөцгийн тосоо хийгээд сайтар базаад 30 минут орчим хөргөгчинд хийж амраана.
4. Махаа котлетний хэлбэрт оруулж талхны үйрмэгт өнхрүүлнэ, хурдан хийнэ шүү.
5. Шарах шүүгээнд хоёр талаас нь болтол нь шарна.
6. Өөрийн дуртай хачиртай хамт иднэ.

Бяслагтай япон котлет

Орц:

• Гахайн махны таташ – 400 г
• Өндөг – 2 ш
• Дунд зэргийн сонгино – 1 ш
• Хатуу бяслаг – 100 г
• Цуу – 5 х.х
• Хатсан талхны үйрмэг – 200 г
• Давс, амтлагч
• Наранцэцгийн тос

Хийх арга:

1. Наранцэцгийн тосонд сонгиноо шарна.
2. Татсан махандаа шарсан сонгино, өндөг, хатсан талхны үйрмэгийн тал, цуу, давс болон амтлагчуудаа хийж базна.
3. Махаа 6-7 хэсэгт хувааж хавтгайлаад голд нь бяслагаа хийж битүүлж котлетний хэлбэрт оруулна.
4. Шаргал өнгөтэй болтол нь хайруулын тавганд шарна.
5. Будаа, ногоо зэрэг хачиртай терияки соусаар амтлан иднэ.

“Хасан Паша” турк котлет

Орц:

• Үхрийн мах – 400 г
• Сонгино – 1 ш
• Өндөг – 1 ш
• Давс, амтлагч
• Бяслаг (хайлдаг)
• Нухшинд: 2-3 том төмс, 0,5 стакан сүү, 1 х.х цөцгийн тос, амтлагч, давс
• Соусанд: улаан лоолийн паста, 1 стакан ус, чимх давс, перец

Хийх арга:

1. Татсан махаа хэрчсэн сонгино, өндөг, амтлагчтай базна. 10 минут хөргөгчинд амраана.
2. Төмсөө чанаад сүү, давс, амтлагчаа хийж нухна.
3. Татсан махаараа дунд зэргийг бөмбөлөг хийж дунд нь нүх гаргаарай. Завь шиг хэлбэртэй болох бөгөөд шарах шүүгээнд 15-20 минут шарна.
4. Урлагийн бүтээлээ шарах шүүгээнээс гаргаад завь болгонд бяслаг, дээрээс нь төмсний нухшаа хийнэ.
5. Улаан лоолийн пастаг устай хольж амтлагчаар амтлана. Бэлэн болсон соусаа махан дээрээ асгаад буцаагаад шарах шүүгээнд хийж төмсний нухаш шаргал өнгөтэй болтол нь шарна.
6. Ямар ч салаттай цуг идэж болно эсвэл дангаараа ч сайхан амттай.

10

Хөөрхөн

4

Ха Ха

3

Буруу

3

Тэнэглэл

2

Гайхмаар

1

Гоё

1

Бахархмаар

0

Харамсалтай

Баярлалаа!