Зомби нарын дайралтын үеэр нуугдаж, амь гарахад хамгийн хэцүү, тааруухан газрууд

Зомби, сүг сүүдэр бүхий олон киног бид мэднэ. Хэдийгээр аймшигтай байдаг ч иймэрхүү кино үзэхээс нэг их татгалздаггүй. Хотын харангуй гудамжаар амилсан хүүрнүүд хаа сайгүй хэсүүчилж, таны араас тасралтгүй мөшгиж байна гэж төсөөл дөө. Танд туслах хэн ч үгүй, хэнд ч итгэж болохгүй, ядаж байхад гэрэл гэгээ ч байхгүй, хаашаа ч харсан тас харанхуй нөмрөөд л. Тэгвэл зомби нарын сүрэг агшин хормоор хүрээгээ тэлж, дэлхий ертөнц дээр халуун цустай, амьд хүн үлдэхгүй болох тийм цаг ирэх үед амилсан хүүр болон хувирах аюулаас өөрийгөө хамгаалах хамгийн тохиромжтой газар юу юм бол, мөн хамгийн аюултай газрууд юу юм бол, ийм л бодлууд бидний толгойд эргэлдэх биз. Тэгвэл ердөө зомби нар л хөлхөлдөж, амьд хүнийг хайн шиншлэх хамгийн тааруухан газруудыг дараах жагсаалтаас мэдэх боломжтой юм. Гэхдээ зөвхөн кинонд л тийм зүйл болдог нь үнэхээр азтай хэрэг. Гэвч орчлон ертөнц, юмс үзэгдэл та бидний тааж мэдэхийн аргагүйгээр хувьсан өөрчлөгдөж байгаа энэ үед мэдээд авахад илүүдэхгүй ч юм билүү.

Эмнэлэг

Зомби болж хувирна гэдэг нь нэг ёсондоо халдвар авна гэсэн үг. Мэдээж зомбид хазуулж, түүний хохирогч болсон хүмүүс эмнэлэг рүү илгээгдэх боловч эцсийн бүлэгт тэд бүгд халдвар авсан учир эмнэлэг нь эргээд зомби нарын үүр уурхай болж хувирна. Хэрвээ та гэмтэл бэртлийн улмаас ч юм уу эмнэлэгт хэвтэж байсан бол өөрийгөө зомби нарын нэг болсон гэж бодохоос өөр аргагүй болж дээ.

Худалдааны төв

Орчин үеийн соёл биднийг худалдааны төв бол аюул осолгүй, хангамж сайтай, шинэ найз нөхөдтэй болох хамгийн тохиромжтой газар гэсэн итгэлд хөтөлсөн боловч дээр дурдсан нөхцөл байдалд харин ч бүх зүйл эсрэгээрээ эргэх болно. Энд таны адил бодлыг тээж ирсэн маш олон хүмүүс байх ба тэдний дунд байх ухаантай болох гэж ядсан тэнэгүүд таны хамгаалалт, бэхлэлтийг нураах болно. Тэдэнтэй хамт тэнд байгаад байвал тэд ч, та ч бүгд зомби нарын олз болох болно.

Замын бөглөрөл дунд

Хэрвээ та зомбитой кино үздэг бол энэ газар нь жинхэнэ аюул гэдгийг мэдэж авсан байлгүй. Хүмүүс хүн ам төвлөрсөн газраас ум хумгүй зугтахаар хичээж, хурдны замуудыг зорихдоо бусад хүмүүс ч бас өөрсдийнх нь адил бодож, ийшээ зүглэсэн болохыг очингуутаа л ухаардаг. Тэндээс амьд үлдэгсэд түгжигдэн зогсох машинуудаа орхин ойролцоох худалдааны төв, дэлгүүрүүдийг зорьдог. Гарах гарцгүй болсноо ухаарч, сандарч цөхрөн улайрсан хүмүүс нэг нэгнийгээ гишгэлэн дайрч давшлахаасаа ч сийхгүй. Танд байгаа ганцхан сонголт бол энэхүү хүн сүрэг таныг орхих хүртэл хүлээх л юм.

Рок тоглолт

Мянга мянган хүн үсэрч, цовхорч, хашхиралдаж ерөнхийдөө сармагчингаас ялгаагүй болсон байдаг. Хөгжим хангинаж, өсгөгчнүүд таныг хар аяндаа л дүлийрүүлж орхино. Рок тоглолтын дуу чимээнээс өөр юу ч үл дуулдана. Яг л тас харанхуй болсон кино театрын заал шиг, таны нүд зөвхөн урдаа байгаа зүйлийг л харахаас бус ард тань аюул тулаад ирчихсэн байгааг харахгүйгээс гадна амь тэмцэн хашхирах ямар ч хашхирааныг олж сонсохгүй. Гэвч гэнэтийн үймээн самуунаар юу болж байгааг ухааравч нэгэнт хожимдсон байх болно. Учир нь таны эргэн тойронд зөвхөн зомби нар л байгаа. Нэг ухаан ороход зомби нарт хэмлэгдсэн бие тань таныг гайхашруулах боловч та тэдний нэг болсон байна.

Цагдаагийн газар дахь түр хорих өрєє

Цагдаагийн газарт маш сайн бэлтгэгдэж, маш сайн зэвсэглэсэн нөхдүүд байдаг. Зомби нар дэлхий ертөнцийг эзэгнэх цаг үе ирэхээс өмнөхөн та ямар нэгэн хууль бус зүйлд орооцолдоод цагдаагийн газрын түр хорих өрөөнд ирчихсэн байлаа гэж бодъё. Гэтэл зомби нарын сүрэг цагдаагийн газрыг үл орхигдуулах төдийгүй та тэнд цоожтой камерт байгаа нь асуудлыг улам хурцатгах болно. Зомби нар бүхнийг хөнөөгөөд таны бат бөх цайзыг эвдэж чадалгүй орхих боловч танд тэндээс гарахад тань туслах хэн нэгэн үлдээгүй учир таныг хамгаалж байсан цайз эргээд таныг өлсгөлөнгөөр алах шорон болон хувирна.

Эрдэнэ шишийн тариалангийн талбай

Аймшгийн кинонууд дээр эрдэнэ шишийн талбай хэзээд хамгийн аюултай газар болон дүрслэгдсэн байдаг. Тэндхийн тариаланчид бүгд зомби нар болон хувирсан байдаг ба таныг ангуучлахаар хөөх болно. Харанхуй, хаана нь юу байгаа нь үл мэдэгдэх энэ газар жинхэнэ аюул л гэсэн үг.

Darkened Cinema

Кино театрын тав тухтай сандалд тухлан суусан таны нуруу хаалга руу харсан байх ба гэнэтийн дуу, чимээг та үзэж байгаа киноныхоо дуу гэж бодох болно. Гэтэл таны хүзүүнд зомбигийн шүдний зэвүүн даралт ирэх үед та юу болж байгааг ухаарах ба таны мэдрэх хамгийн сүүлчийн мэдрэмж бол өөрийн чинь цус аманд тань амтагдах дэндүү муухай мэдрэмж байх болно.

Нислэгийн үзүүлэх тоглолт

Нисгэгч нарын чадварыг гайхан биширч уухайлах хүмүүсийн хөгжингүй дуу чимээ аймшигт халдлагаас айн жихүүцсэн хашхираан болон хувирна. Газар дээр болж байгаа бүхнээс болж анхаарал нь сарнисан нисгэгч нар хоорондоо мөргөлдөж, гал авалцсан онгоцны хэсгүүд доор бужигнах хүмүүс болон зомби нарын дээрээс унаж, хаа сайгүй гал авалцана. Хамаг бие тань жихүүцэн чичирч, сандарч тэвдсэн та гал болон бусад зүйлд өртөлгүй үлдсэн ганц нисдэг тэрэг байгааг олж харах ба нисдэг тэргийг жолоодон энэ хараал идсэн газраас холдохыг хүсэх ч танд энэ талын ямар ч мэдлэг байхгүй болохыг ухаарна.

Гадаад улс орон

Улс орон тань эмх замбараагүй байдал, болхи муухай хагас үхдлүүдээр хахаж цацаж байна. Та англи хэлтэй бус нэгэн оронд баяр тэмдэглэж байсан бөгөөд хэрхэн тусламж гуйхаа үл мэднэ. Хэн нэгэн эмэгтэй тан руу хашхиран ямар нэгэн зүйлийг хэлэх боловч түүний хаашаа яв гэж байгааг, хаана аюул, хаана аюулгүй газар байгаа хэмээн хэлж байгааг та огт ойлгохгүй.

15

Ха Ха

13

Гайхмаар

7

Харамсалтай

6

Тэнэглэл

4

Гоё

3

Буруу

1

Бахархмаар

1

Хөөрхөн

Баярлалаа!