Зүүдний талаарх таны мэдэхгүй ч байж болох сонирхолтой баримтууд

Зүүдлээд 5 минутын дотор сэрэх юм бол зүүдний тал хувь хадгалагдаж үлдсэн байдаг бол 10 минутын дотор сэрэхэд зүүдний 90% аль хэдийнээ мартагдсан байдаг байна. Нэрт яруу найрагч Samuel Taylor Coleridge нэгэн гайхамшигт зүүд зүүдэлж сэрээд үзгээ шүүрэн авч, цаасан дээр өөрийн зүүдний зөн совинг буулгасан нь Английн сор болсон яруу найргуудын нэг Kubla Khan хэмээх бүтээл байсан түүхтэй. Энэхүү шүлэг нь агуу их Чингис хааны отгон хүү Тулуйн хүү, Монголын эзэнт гүрний тав дахь хаан Хубилай хааны тухай бүтээл юм байна.

Сохор хүмүүс ч зүүдэлдэг

Төрөхдөө хараатай байсан ч ямар нэгэн байдлаар хараагүй болсон хүмүүс зүүдэндээ юмсыг харж чаддаг. Харин төрөлхийн хараагүй хүмүүс өөрсдийн сонсох, үнэртэх, хүрэх болон сэтгэл хөдлөлийн мэдрэмжтэй холбоотой зүүд зүүдэлдэг байна.

Эрэгтэй эмэгтэй хүмүүсийн зүүд ялгаатай

Хүн бүр зүүдэлдэг ч эрэгтэй болон эмэгтэй хүмүүсийн зүүд болон биеийн хариу үйлдэл нь ялгаатай байдаг. Эрчүүд бусад эрэгтэй хүмүүсийг зүүдлэх нь их байдаг бол эмэгтэйчүүдийн зүүдэнд эрэгтэй болон эмэгтэй хүн үзэгдэх тохиолдол адил байдаг байна. Нэмж хэлэхэд эрэгтэй болон эмэгтэй хүний аль аль нь бодит амьдрал дээрх сексийн хүсэл мөрөөдлөөсөө үл хамааран секстэй холбоотой зүүд зүүдэлдэг бөгөөд энэ үедээ эрэгтэй хүний бэлэг эрхтэн хөвчирч, эмэгтэйчүүдийн үтрээний цусан хангамж нэмэгддэг байна.

Та зүүдэндээ дур тавьж чадна

Та өөрийгөө зөвхөн бодит амьдрал дээр л сексийн таашаал эдэлж чадна гэж бодвол эндүүрэл. Хүн зүүдэндээ ч дур тавих тохиолдол байдаг ба энэ тохиолдолд ямар нэгэн нойтон үр дүнгүй мөртлөө бодит амьдрал дээрхээс илүү хүчтэй, тааламжтай мэдрэмж төрүүлдэг байна.

Бид зөвхөн мэддэг зүйлээ л зүүдэлдэг

Бидний зүүдэнд хэн нэгэн үл таних хүн үзэгдэх нь бий. Гэвч үнэн хэрэгтээ та тэр хүнийг огт танихгүй, таны оюун санаа үл таних хүний дүр төрхийг бий болгосон гэсэн үг биш юм. Таны зүүдэндээ харсан тэр үл таних этгээд бол бодит хүний царай зүс байдаг бөгөөд таны урьд өмнө нь хэзээ нэгэн цагт харж байсан хүн байдаг байна. Бид амьдралынхаа явцад маш олон хүний царайг харсан байдаг ба тэднийг санахгүй байсан ч бидний тархинд тэр хүний зүс царай хадгалагдан үлдсэн байдаг төдийгүй зүүдээр дамжин бидэнд харагдаж байгаа нь энэ ажээ.

Хүн бүр өнгөтөөр зүүдэлдэггүй

Хараатай хүмүүсийн 12% нь бүрэн хар цагаан зүүд зүүдэлдэг бол үлдсэн хувь нь бүрэн өнгөт зүүд зүүдэлдэг. Эрдэмтэд 1915-1950-аад оныг хооронд зүүдний ихэнх хэсэг нь хар цагаан байдаг гэж үздэг байсан ч энэ онол 1960-аад оноос өөрчлөгдөж эхэлсэн байна. өнөөдөр 25-аас доош насны хүмүүсийн 4,4 % нь хар цагаан зүүд зүүдэлдэг. Саяхны нэгэн судалгаагаар зүүдний өнгөний дээрх өөрчлөлт нь хар цагаан кино, зурагт өнгөт болтлоо хувьсаж хөгжсөнтэй холбоотой байж магадгүй гэсэн таамаг гарсан байна.

Зүүд сэтгэл мэдрэлийн өвчнөөс сэргийлдэг

Нэгэн судалгаанд оролцсон оюутнуудыг зүүдэлж эхлэх үед нь сэрээх туршилтанд оруулсан бөгөөд ингэхдээ тэднийг өдөрт 8 цаг унтуулж байжээ. Гэтэл ердөө 3-хан хоногийн дараагаас эхлэн тэдэнд төвлөрөхөд хэцүү болох, цухалдах, хий юм харах гэм мэт сэтгэцийн өөрчлөлтийн шинж тэмдэг ажиглагдаж эхэлсэн байна. Зүүдлэхээс нь өмнө сэрээснээр тэдний ердийн нойрсолтын хугацаа уртассан бөгөөд ингэснээр дээрх сөрөг үзэгдэл илэрсэн байна.

Амьтад ч мөн зүүдэлдэг

Эрдэмтэд янз бүрийн олон амьтдад ажиглалт судалгаа хийснээр хүнийг зүүдлэх үед илэрдэг тархины долгионыг амьтад ч бас үзүүлж байгааг тогтоосон. Хэрвээ зүүдэлж байгаа амьтан харахыг хүсвэл унтаж байгаа нохойг ажигла. Тэд давхиж байгаа мэт сарвуугаа хөдөлгөж, мөн зүүдэндээ ямар нэг юмтай хөөцөлдөх юм бол хуцах авиаг гаргадаг байна.

Биеийн саажилт

Нүдний түргэн хөдөлгөөнөөр тодорхойлогддог ердийн нойрсолтын үед биеийн хөдөлгөөнөөс үүдэн зүүдэнд тохиох хөдөлгөөнөөс сэргийлэн тархин дахь механизм ажилладаг бөгөөд үүнээс болж бие хөдлөх чадваргүй болдог. Гэхдээ ердийн нойрсолтын үед эсвэл дараа нь тархи сэрэхээс өмнө энэ механизм ажиллах нь ч бий.

Зүүдний нэгдэл

Бид унтаж байгаа ч бидний мэдрэмжинд нөлөөлж байгаа гадаад өдөөгчийг бид зүүднийхээ нэг хэсэг болгодог. Энэ нь бид бодит байдлаас гарч байгаа дуу чимээг зүүдэндээ сонссоноор түүнийг өөрийн зүүдний нэг хэсэг болгодог гэсэн үг юм. Жишээ нь таныг унтаж байхад хэн нэгэн хажууд тань гитар тоглоод байвал та өөрийгөө тоглолт үзэж байна гэж зүүдлэх гэх мэт.

Урьдчилан таамагласан зөгнөлт зүүд

Томоохон хүн амын дунд хийсэн хэд хэдэн удаагийн судалгааны дүнд хүмүүсийн 18-38% нь дор хаяж нэг удаа урьдчилан зөгнөсөн зүүд зүүдэлж байсан болохыг олж тогтоосон ба 70% нь танил мэт санагдах мэдрэмжийг туулж байсан байна. Зүүд урьдчилан зөгнөдөг гэдэгт итгэдэг хүмүүсийн тоо нилээд өндөр буюу хүмүүсийн 63-98% нь зүүд биелдэг гэдэгт итгэдэг гэсэн байна.

Та хурхирч байхдаа зүүдэлж чаддаггүй

Хүн хурхирч байгаа бол зүүдэлдэггүй гэсэн энэ үгийг интернэтийн бараг бүх булан тохойгоос олж болох боловч энэ нь үнэн эсэх нь эргэлзээтэй хэвээр байна. Учир нь үүнийг үнэн гэсэн эрдэмтдийн нотолгоо одоо хэр нь байхгүй байгаа юм.

Тайлбар: Нүдний түргэн хөдөлгөөнөөр тодорхойлогддог ердийн нойрсолтын үе насанд хүрсэн хүний нийт унталтын 20-25%-ийг эзэлдэг ба энэ нь нэг шөнийн нойрны 90-120 орчим минут гэсэн үг юм.

21

Гоё

8

Гайхмаар

7

Бахархмаар

6

Тэнэглэл

3

Ха Ха

3

Хөөрхөн

2

Буруу

1

Харамсалтай

Баярлалаа!