Найман хөл бөмбөгийн талбайг нийлүүлсэн хэмжээний зай бүхий аварга том бөмбөлгөн хэлбэрт барилга дотор байрлах мөнхийн ногоон диваажинг та бүхэнд танилцуулъя. Гадаа дүн өвөл болж байхад энэхүү барилга дотор халуун орны үзэсгэлэнт цэцэрлэг ногоорон усан паркд зугаацах хүмүүсийн хөөр хөгжөөн үргэлжилнэ. Герман улсын Rietzneuendorf-Staakow мужид орших хуучин нисэх онгоцны байрыг энэхүү тансаг усан парк болгон тохижуулжээ.
7 хоногийн турш 24 цагаар ажиллах уг усан паркд байнгын 26 хэмийн дулаантай, тохирсон чийглэгтэй байдаг ба дулаан орны дал, мангро модод ургаж, цахирмаа цэцэг цэцэглэдэг байна. Tropical Islands Resort нэртэй энэ газарт халуун орны ойд дуулддаг том жижиг төрөл бүрийн шувуудын жиргээ, далавчны дэрхийн дэвэх чимээ гээд бүхий л чимээ сонсогддог. Паркын усан сангуудын хамгийн томынх нь хөвөөгөөр 200 метр урт цагаан элсэн эрэг сунана.
Энд ирсэн зочид жижиг зочид буудалд 2 хоног хүртэл хугацаагаар байрлаж, Тай массаж хийлгэн, зоогийн газарт хооллож, далайн эрэг дээр яаж хөгжилддөг билээ яг л тийм байж болно. Усан сангуудын гэрэлтүүлэг нь бүхэл шөнөжингөө ч зугаацах боломжийг олгоно. Түүнчлэн хүүхдүүдэд зориулсан тусгай тоглоомын талбайтай.
Батжаргал Эрдэнэболд
2015/12/29 at 23:55
tropic island uu
Батжаргал Эрдэнэболд
2015/12/29 at 23:55
goy shd
999999-
2016/01/15 at 18:41