Ер бусын онцгой содон төрхтэй амьтад

Нийтлэгч: Жаргал

Огноо: 2015/12/13

Total0
0

Цахим ертөнцөд гэрийн тэжээвэр амьтад зориулагдсан олон хуудас, бүртгэл байдаг. Хэн нэгэн нохой эсвэл муурны блог байнгын уншигчидтай, идэвхтэй дагагчидтай байх нь түгээмэл. Тэдгээр хуудас, блогуудын интернэт хэрэглэгчдийн анхаарлыг татдаг гол зүйл нь тухайн нохой эсвэл муурны ааш аяг, царай төрх, нүүрний хувирлыг харуулсан хөгжилтэй, өхөөрдмөөр зурагнууд байдаг.

Мөнхийн сэтгэл хангалуун бус царайтай байдаг Эрл нохой, Локи нэртэй вампир муур, өрөвдмөөр уйтгартай царайтай Луху муур, “Мөстлөгийн үе” хүүхэлдэйн киноны баатрыг санагдуулам Заппа нохой бол дэлхийн хэмжээнд алдартай болсон амьтад. Гэхдээ онцолж хэлэхэд эдгээр амьтад бүгд эрүүл мэндийн янз бүрийн шалтгаанаар нүүр царайны хачирхалтай төрхтэй болсон юм байна. Заппагийн хувьд гэхэд насжилтын улмаас олонх шүдээ алдсанаар хэл нь гадагшаа унжих болсон бол Луху нялх байхдаа нүдний ноцтой халдвараар өвчилж, Эрл нохой буруу хазалттай болохоор доод шүднүүд нь ил харагддаг аж. Хэдий тийм боловч энэ нь тэднийг сайн эзэнтэй болоод зогсохгүй дэлхий нийтэд танигдахад нь саад болоогүй юм.

1. Айова мужийн Эрл нэртэй нохой

Түүний эзэн Derek Bloomfield-ийн өгүүлснээр тэр цоо эрүүл гэнэ.

Баргар царайтай харагддагийн шалтгаан нь түүний шүднүүд буруу хазалттай.

Үргэлжийн дүнсгэр царай нь Эрлийг дэлхий дахинд алдаршуулжээ.

Гадаад төрхөөрөө тэр үргэлж хүмүүсийн анхаарлыг татдаг.

Нохойны эзэн хэлэхдээ “Эрлийн нэр тэр даруй түгж эхлэхэд бид үнэхээр гайхсан шүү.” гэжээ.

“Тэр анх төрөхдөө л ийм төрхтэй төрсөн ба малын эмч түүнийг бусад гөлөг шиг л эрүүл гэсэн байна. Тэр хэдий уйтгартай, баргар харагддаг ч биднийг үргэлж инээлгэж, бидэнд баяр баяслыг авчирч байдаг.” гэж эзэн нь хэлсэн байна.

2. Ил цухуйх хоёр соёоноосоо болж цус сорогч гэж хочлогдох болсон Локи муур

Муурны эзний хувьд муур нь яагаад ийм болсныг мэддэггүй гэнэ.

Эзэн нь хэлэхдээ “Би түүнийг асрах газраас авахдаа л түүний гадаад төрхийн тухай юу ч дурсаагүй.” гэжээ.

Луху нэртэй энэ муужгай Бээжинд амьдардаг.

Энэ өхөөрдмөөр бас өрөвдмөөр төрхтэй муужгай аль хэдийнээ интернэт од болжээ.

Олон хүмүүс түүний эзнээс Лухуг хөгжилтэй байдаг уу гэж асуудаг байна.

Түүний уйтгартай царайнд инээмсэглэл огт тодордоггүй мэт.

Гэхдээ түүнд уйтгарлах шалтгаан огтоос байхгүй, учир нь Луху, Бархер ба Барди нэртэй хоёр мууртай хамт амьдардаг.

3. Заппа нохой

“Ice Age” хүүхэлдэйн киноны Sid-тэй адилхан гэдгээрээ алдартай.

Тэрээр 15 настай бөгөөд хэдэн жилийн өмнөөс насжилтын улмаас шүднүүд нь унаж эхэлснээр ийм төрхтэй болжээ.

Нохойны эзэн Sadie болон Rosalie Millen нарын хэлснээр Заппа хэдэн жилийн өмнөөс хэлээ гаргаж эхэлсэн гэнэ.

Заппагийн эзэд хэлэхдээ “Заппагийн онцгой гоо үзэсгэлэн түүнийг бидний хувьд улам ч үнэ цэнэтэй болгосон төдийгүй хөгширч буй амьтдыг яг л залуутай нь адилаар хайрлаж, бүр ч ихээр асарч халамжлах хэрэгтэй гэдгийг бусдад харуулах болсон.” гэжээ.