Сайтынхаа уншигч эрчүүдийг анхаарлаа нааш нь хандуулахыг хүсье! Гэхдээ энэ нь бүсгүйчүүд үүнийг уншихын ч хэрэггүй гэсэн үг биш юм. Хайртай залуугийнхаа төлөө энэ нийтлэлийг алгасах хэрэггүй шүү. Хэрвээ залуу та сүрчигнийхээ цуглуулганд шинэ өнгө төрх нэмэх гэж байгаа бол, эсвэл бүсгүй та хайртай залуудаа шинэ үнэртэн бэлэглэх гээд ямар үнэртэн сонгохоо хараахан шийдээгүй байгаа бол энэ оны шилдэг үнэртэнд тооцогдож байгаа сүрчигнүүдтэй танилцахыг зөвлөж байна. Байгалийн модны өвөрмөц тааламжтай үнэрээс эхлээд цэвэр усан үнэртнийг хүртэл үнэрийг хадгалсан эдгээр үнэртнүүдийн дундаас та өөртөө болон найз хархүүдээ таалагдах сүрчгийг олж чадна гэж итгэж байна.
10. Usher for Men, by Usher
Америкийн дуучин Usher-ийн зохион бүтээсэн энэ үнэртний гол найрлаганд вербена хэмээх хагас модлог цэцэгт ургамал, тарвас, хан боргоцой, цагаан перец, нил цэцгийн навч, хөх лаванда цэцэгний гол, хув мод, хар илэг, зандан мод, куайак мод, мэдрэмтгий шавар гэх мэт зүйлс оржээ.
9. Montblanc Legend for men, by Montblanc
Montblanc-ын 2011 оны 4-р сард танилцуулсан энэхүү үнэртэн нь бергамот лийр, лаванда, хан боргоцойн навч, хайр энэрэл хийгээд хүч чадал, уламжлал болоод орчин үеийг санагдуулах экзотик вербенагийн найрлагаас бүтсэн.
8. NAUTICA Blue for men, by NAUTICA
Зуны улирлын төгс үнэртэн энэхүү үнэртний гол найрлага нь хув, лаванда, нимбэгний цэцэг, хагд, заар, шар дэр зэрэг аж.
7. Obsession Cologne for men, by Calvin Klein
1986 он руу хөтлөх энэ үнэртэн сэрүүн, модлог, эх газрын үнэрийг агуулсан ба задь, башир цэцэг, лаванда, бэрсүүт жүрж ба хув гол орц нь аж. Албан ажлын үеэр төгс тохирох үнэртэн юм.
6. ETERNITY for men, by Calvin Klein
Эрэгтэйлэг, сэргээм үнэртэй энэхүү сонгодог үнэртэн өдөр тутамд тохиромжтой ба хурц, сэргээм үнэртэй.
5. GUCCI GUILTY for men, by GUCCI
Зоримог, бусдаас өөр байх боломжийг олгох энэхүү үнэртэн 2011 онд танилцуулагдсан ба нимбэг, лаванда, жүржийн цэцгийн үнэрийг агуулсан. Үдшийн цагаар түрхэхэд тохиромжтой.
4. Nautica Classic for men, by Nautica
Нимбэг, шар дэр, сарнай, жасмин цэцэг, зандан мод, хөвдний найрлага бүхий энэ үнэртэн хурц, сэргээм үнэртэй ба өдрийн цагаар түрхэхэд тохиромжтой.
3. Cool Water Cologne for men, by Davidoff
Цэвэр, хүчирхэг мэдрэмжийг төрүүлэх энэ үнэртний найрлаганд лаванда, гаа, заар, цахилдаг тэргүүтэн орсон ба өдөр шөнийн аль ч цаг түрхэхэд тохиромжтой.
2. NAUTICA VOYAGE by Nautica
Дөнгөж зүссэн алим болон ногоон навчны үнэрийг санагдуулам энэ үнэртний найрлага дэвтээсэн гамба цэцэг, усны лянхуа, усны гүн дэх элементүүд, хөвдний модлог үнэр, заар, хув, царс мод зэргээс бүрдэнэ.
1. Terre D’Hermes for men, by Hermes
Маш эрэгтэйлэг, эршүүд энэхүү үнэртэн тамхи татдаг эрчүүдэд маш тохиромжтой. Царс, бэрсүүт жүрж, амтат жүрж, цахиур, перец, сарнай, тарлан шимтэглэй цэцэг, бензойн зэргийг найрлагандаа агуулжээ.
1
Бахархмаар1
Ха Ха0
Гоё0
Хөөрхөн0
Гайхмаар0
Харамсалтай0
Тэнэглэл0
Буруу
