Хүн бүр эмч, хууль, гүйцэтгэх захирлууд өндөр цалинтай ажилладаг гэдгийг мэддэг бөгөөд иймэрхүү өндөр цалин пүнлүүтэй ажил хийхийн тулд заавал академийн боловсролтой, өндөр мэдлэг боловсролтой байх шаардлагатай байдаг. Гэхдээ ямар ч коллежийн боловсролгүй ч зэгсэн их мөнгө олох боломжтой ажлууд олон байдаг. Магадгүй өөрийгөө дээд боловсрол эзэмшээгүй учир сайн ажил олох боломжгүй гэж бодож байгаа хэн нэгэн байвал танд боломж байгаа юм байна гэдгийг эндээс олж харахыг үгүйсгэх аргагүй юм.
Хот Дог /Hot Dog/-ны худалдаачин
Нью Йоркын гудамжин дахь хот догны худалдаачид жилдээ 100,000-аас дээш долларын орлого хийж чаддаг.
Сувд цуглуулагч шумбагч
Хэрвээ та халуун бүсэд амьдрах дуртай мөн усанд шумбах дуртай бол танд тохирох нэг ажил бий. Гэхдээ энэ нь энэ ажлыг аюулгүй гэж хэлсэн хэрэг биш юм. Аварга махчин загаснууд болон бусад төрлийн аюултай далай тэнгисийн бодгалиуд хөлхсөн Австралийн тэнгисийн ёроол руу шумбахад өдөрт 1200 доллар олох боломжтой.
Дуу оруулагч
Хүүхэлдэйн кино эсвэл зар сурталчилгааны видеонд дуу оруулаад хэдийг олдог юм бол гэж та хэзээ нэгэн цагт бодож байсан уу? Дуу оруулагчид 5 минутанд 325 доллар олдог бөгөөд жилд дунджаар 50,000-80,000 доллар олдог.
Морь сургагч
Хэрвээ та моринд хайртай, морьдтой хамт цагийг өнгөрүүлэхдээ дуртай байдаг бол яагаад морь сургагч болж болохгүй гэж? Жилдээ 50,691 доллар олох боломжтой энэ ажлыг хийхийн тулд танд ахлах сургуулийн гэрчилгээ болон морь сургах дадлага туршлага байхад л хангалттай.
Хувийн худалдагч
Хувийн худалдагчид жилдээ 25,000-аас эхлээд 100,000-аас дээш хүртэл долларыг олдог. Долоо хоногийн аль ч өдөр, баярын өдрүүдэд ч ажилладаг энэ хүмүүсээс өндөр зохион байгуулалт, худалдааны чадвар, цагийн менежмент шаарддаг.
Хавч баригч
Хэдийгээр амархан, аюулгүй ажил биш боловч хавч баригч 8 долоо хоногт 50,000 доллар олох боломжтой. Хавчны улирал их богино, бас хүйтэн, шуурганы улирлын үеэр тохиодог. Хавч баригч дээрх мөнгийг олохын тулд хэдэн сараар явах хэрэгтэй болдог.
Нягтлан бодогч
Олон хүн хангалттай мөнгө олдоггүй мөртлөө уйтгартай суугаа ажил гэж бодон нягтлан бодогчийн ажлын байрыг сонирхдоггүй. Хэрвээ та ганцаараа ажиллах дуртай бас тоонд дуртай бол 41,000-аас эхлээд 200,000 орчим доллар олох боломжтой энэ ажлыг анзаарч нэг хараарай.
Хог цуглуулагч
Хог цуглуулагчид хаана амьдардагаасаа хамааран авдаг цалин нь өөр өөр. Умардын томоохон хотуудад жилдээ 80,000 орчим доллар авдаг бол өмнөд рүү явах тусам цалин нь 35,000 доллар хүртэл доошилдог байна.
Хүн хөшөө
Хүүхэлдэйн киноны баатар шиг хувцаслаж, нүүр амаа будуулаад дэлгүүрийн цонх эсвэл гудамжинд зогсож байгаа хүмүүс хэр ажиллаж байгаа болон хэрхэн хувцасласнаасаа хамаарч цагийн 25-200 доллар олдог.
Гэмт хэргийн газар цэвэрлэгч
Дундаж цалин нь 50,400 доллар байдаг ч энэ ажлыг хийхэд хийж байгаа ажлаасаа баяр баясгаланг мэдрэх гэдэг зүйлийг огтоос бодох хэрэггүй болно.
Төрөлтийн багш
Төрөх явцын талаар мэдээлэл өгдөг энэ ажлыг хийхийн тулд заавал эмч байх шаардлагагүй. Зөвхөн энэ чиглэлээр коллежийн зэрэгтэй төгссөн, тодорхой хэмжээний дадлага туршлагатай байхад л болно. Төрөлтийн багш нарын жилийн дундаж цалингийн хэмжээ 54,506 доллар байдаг.
Бүхээгт сууж мөнгө хураагч
Жилийн 45,000 долларын орлого олдог энэ ажлыг хийхэд өдөр шөнө ялгалгүй хэдэн цагаар жижигхэн, хаалттай бүхээгт сууж, дэргэдүүр өнгөрөх машинуудын эздээс мөнгө хураах шаардлагатай болдог.
5
Ха Ха4
Гайхмаар3
Тэнэглэл2
Буруу1
Гоё0
Хөөрхөн0
Бахархмаар0
Харамсалтай
Зочин
2015/09/14 at 13:07
hotdog dajgvi ajilshig sanagdchilaa bs hawch barig 2iig bol hiiwel hiichih l ym bna bi dalai tengist durtai bs hawchinii mahand durtai bolhoor tiishee ywsanch yahaw