Энэхүү бялууны үнэрийг авахад л бага нас минь нүдэнд харагддаг. Хэдхэн зүйлийг ашиглаад хийхэд л гайхалтай амттай “Наполеон” бялуу бий болно шүү дээ.
Орц:
Бялуунд:
- 1 стакан сүү
- 5 стакан гурил
- 400 гр маргарин
Кремэнд:
- 3 өндөгний шар
- 2,5 стакан элсэн чихэр
- 250 гр цөцгийн тос
- 1 стакан сүү
- 0,5 стакан гурил
Бялуу бэлтгэх арга:
- 5 стакан гурилаа шигшинэ. Дээр нь өрөөний температурт байлгасан маргаринаа жижиглэж нэмнэ.
- 1 стакан сүүгээ бага багаар нэмж зуурмагаа хурдан хутгана. Бэлэн болсон зуурмаг гарт наалддаг.
- Зуурмагаа тэнцүү хуваагаад түс бүрт нь 7 хэсэг болгон хуваана (нийт 14 ширхэг болно). Нимгэн илдээд цэвэрхэн хуурай листэн дээр тавина.
- Шарах шүүгээнд 5-7 минут алтан шаргал өнгөтэй болтол 200 хэмд жигнэнэ. Гол нь хэтрүүлж болохгүй. Бялуу амархан хугарах тул листнээс бүдүүн хутгаар салгавал тохиромжтой.
- Бялуунаас жоохон хэсгийг аваад бор шаргал болтол жигнээрэй. Бэлэн болсоны дараа хөргөөд нухаж үйрмэг болгоно.
Крем бэлтгэх арга:
- 3 өндөгний шараа 3 хоолны халбага элсэн чихэр, 3 хоолны халбага гурилтай холино. Дээрээс нь бага зэрэг сүү нэмж зөгийн бал мэт зууралдсан болгоно.
- Үлдсэн сүүгээ (0,5 л) буцалгаад холимогтоо нэмж холиод буцалгана. Хөргөнө. Тосоо 2 стакан элсэн чихэртэй холино. Халбагаар кремээ нэмж хийгээд дунд зэргийн хурдтай зөөлөн болтол хутгана.
- Бялуун дээрээ түрхэж дээр дээрээс нь давхарлана. Бялууны үйрмэгээ дээрээс нь асгана. Үйрмэг бага зэрэг үлдээгээрэй.
- Дээр нь хавтан тавиад устай сав зэрэг хүндхэн зүйл тавьж хонуулаарай. Өглөө хүндрүүлэгчийг аваад хажуугаар нь урссан кремийг гадуур нь түрхээд үйрмэгээ цацна.
Зочин
2016/01/12 at 17:28
таалагдлаа