Харбины олон улсын 29 дэх цас мөсний фестиваль

Жил бүрийн өвөл Хятадын зүүн хойд хэсэгт Оросын хилийн ойролцоо Харбин хотод Олон улсын цас мөсний фестиваль болдог. Маш хүйтэн өвөл болдог учраас Мөсөн хот гэж нэрлэгддэг тус хотод яг одоо 29 дэх удаагийн цас мөсний фестиваль “Харбины Олон улсын цас мөсний фестиваль 2013” нэрийн дор болж байна. Энэ 5-ны өдөр нээлтээ хийж, агаарын температур хасах хэмтэй байх хугацаанд нээлттэй байх уг фестивалийн Сонгхуа голын эрэг дээр сүндэрлэн боссон цас мөсөн баримал, барилга байгууламжууд маш үзэсгэлэнтэй, сүрлэг байдлаараа сонирхогчдыг татдаг байна.Уг фестивалийн хамгийн чухал үзмэр болсон цас мөсөн баримал, байгууламжуудыг голдоо хөндий бүхий мөсөн блокнуудаар хийж, хөндийгөөр нь ЛЕД /LED/ гэрэл оруулан гэрэлтүүлсэн учир шөнийн тэнгэрийн харанхуйг гэрэлтүүлсэн гайхамшиг болдог аж. Энэхүү фестивальд хүрэлцэн ирсэн зочид Дэлхийн шилдэг цас мөсөн баримал урлаачдын уран гар, ухаанаар бүтсэн цас мөсөн гайхамшгуудыг үзэж сонирхох, Мөсөн Хот /City of Ice/-ын дээгүүрх баярын буудлагыг үзэж сонирхох, аварга том мөсөн гулсуурнууд дээр яг л хүүхэд байхдаа гулсуур дээр гулгадаг байсан шигээ гулган зугаацдаг байна. 1963 оноос эхтэй энэхүү цас мөсний фестиваль цаг агаарын байдлаас шалтгаалан сар гаруйн хугацаанд үргэлжилж, зочдын хөлд дарагддаг гэнэ.1. 2013.1.5. Хятадын Харбин хотын Олон улсын цас мөсний фестивалийн нээлтэнд оролцохоор Цас мөсний ертөнц /Ice and Snow World/-д хүрэлцэн ирсэн хүмүүс. Энэ жилийн Цас мөсний ертөнц гэрлэн чимэглэл бүхий сүрлэг мөсөн ордон шилтгээнүүд, үлгэрийн баатруудын мөсөн баримлуудаас бүрджээ. (AFP/Getty Images)

2. 1-р сарын 5-ны өдөр Фестивалийн нээлтийн ёслол дээр Цас мөсөн ертөнцийн мөсөн гулсуур дээр гулгаж байгаа зочин. (AFP/Getty Images)

3. Фестивалийн нээлтийн ёслолын үеэр Цас мөсний ертөнцөд ирсэн хүмүүс тэнгэрийг бүхэлд нь чимэх баярын буудлага салютыг үзэж байна. (AFP/Getty Images)

4. 2013.1.6. Харбин дахь 29 дэх удаагийн Олон улсын цас мөсний феставалийн том мөсөн баримал байгууламжийн дэргэдүүр морин тэрэгтэй явж байгаа хүмүүс. (Diego Azubel/European Pressphoto Agency)

5. 2013 оны Харбины Олон улсын цас мөсний феставальд хүрэлцэн ирсэн хүмүүс. (AFP/Getty Images)

6. Цас мөсөн ертөнцийн цасан баримлын өмнө зургаа авахуулж байгаа зочин. (AFP/Getty Images)

7. ЛЕД гэрлээр чимэглэгдсэн сүрлэг цас мөсөн ордон шилтгээн, шидэт үлгэрийн баатрууд энэхүү мөсөн гайхамшгийн оронд ер бусын халуун дулаан уур амьсгалыг бүрдүүлэх аж. (AFP/Getty Images)

8. Цас мөсөн ертөнцийн дээгүүр гэрэлтэн буй салют. (AFP/Getty Images)

9. 29 дэх удаагийн цас мөсний фестивалийн мөсөн блокоор хийсэн хонгилоор алхаж байгаа эмэгтэй. (Diego Azubel/European Pressphoto Agency)

10. 2013.1.6. Харбины цас мөсөн фестивалийн хажуухан дахь Харбин Поларлэнд Аквариум /Harbin Polarland Aquarium/-д цагаан халимтай үзүүлбэр үзүүлж байгаа шумбагчид. Энэхүү аквариум нь уг фестивалийг үзэж сонирхохоор ирсэн гадны зочдын нүдийг хужирлах үзмэрүүдийн нэг нь юм. (Diego Azubel/European Pressphoto Agency)

11. Харбин Поларлэнд Аквариум дотор сэлж байгаа оцон шувуунууд. (Diego Azubel/European Pressphoto Agency)

12. Харбин Поларлэнд Аквариумд лонхноос хооллож байгаа мөрөг загаснууд. (Diego Azubel/European Pressphoto Agency)

13. 29 дэх удаагийн Харбины Олон улсын цас мөсний фестивалийн үеэр зохион байгуулагдсан Өвлийн сэлэлтийн үйл явдалд оролцож байгаа сэлэгч Сонгхуа голын мөс шиг хүйтэн усанд сэлж байна. (Diego Azubel/European Pressphoto Agency)

14. Фестивалийн үеэр хуримаа хийсэн 16 хосын нэг хэсэг. (Diego Azubel/European Pressphoto Agency)

15. Фестивалийн үеэр Наран арлын цэцэрлэгт хүрээлэн /Sun Island Park/-д Германы хөгжмийн зохиолч Людвиг ван Бетховен /Ludwig van Beethoven/-ы том цасан баримлын өмнө зогсоод зургаа авахуулж байгаа эмэгтэй. (Diego Azubel/European Pressphoto Agency)

16. Сонгхуа голын хөлдүү мөсөн дээгүүр түрээсийн тоглоомон танк унан явж байгаа эр. (Diego Azubel/European Pressphoto Agency)

17. Наран арлын цэцэрлэгт хүрээлэнд том цасан баримлын өмнө зургаа авахуулж байгаа эмэгтэй. (Diego Azubel/European Pressphoto Agency)

18. Фестивалийн нээлтийн үеэр аварга том мөсөн цамхгийн ард гэрэлтэн харагдах салют. (Diego Azubel/European Pressphoto Agency)

19. Цас мөсний фестивалийн мөсөн гулсуур дээр гулгаж байгаа эр. (Diego Azubel/European Pressphoto Agency)

20. Цас мөсний фестивалийн нээлтийн үеэр мөсөн байгууламжуудын дээгүүр гэрэлтэн цацарч байгаа баярын салют. (Associated Press)