Эцэс төгсгөлгүй ажил төрлөө хэсэг хугацаанд хойш тавьж өөртөө цаг гарган ганцаараа эсвэл найз бүсгүйчүүдтэйгээ цуг сууж үзэх кинонуудыг санал болгож байна.
The Break-Up
Брук болон Гэри нар хоёр жил цугтаа амьдарсны дараа хоорондоо таарч тохирохгүй гэж үзнэ. Салах шийдвэр дор нь гаргасан ч салалтын явц удаан үргэлжлэх ажээ. Киног үзээд магадгүй та нэг зүйлийг ойлгох болов уу: ганцаараа амьдарсан нь дээр үү эсвэл цугтаа байдаг л амьдралаараа амьдарсан нь дээр үү?
Love & Friendship
Бэлэвсэрч хоцорсон үзэсгэлэнт Сьюзан өнгөрсөн нөхрийнхөө эдлэн газарт ирж хэсэгтээ амьдрахаар шийднэ. Энэ хугацаанд дээдсийн хүрээнийхний хов живээс хол, өөрийнхөө санхүүгийн асуудлыг шийдэх бодолтой. Өөртөө болон охиндоо тохирох баян нөхрийн эрэлд бас сэмээрхэн гарах нь киног улам ч сонирхолтой болгожээ.
Begin again
Грета ба Дэн – тэд бол “хууччуул”: залуу – шоу бизнесийн домог, харин бүсгүй – рок дуучны хуучин найз бүсгүй байсан юм. Тэд Нью-Йоркийн төвд учирч танилцана. Тэдний хувьд энэ нь хоёр дахь боломжийг нээж өгсөн. Хайр дурлал, уран бүтээлийн шинэ эргэлт хийхэд тэд бэлэн үү?
Blue Valentine
Тэд бие биендээ хайртай, харамсалтай нь тэдний хайрын харилцаанд ан цав гарч юм л бол бие биендээ гоморхож уурлах болжээ. Дотны хүмүүсийнхээ өмнө шийдвэр гаргах цаг болжээ: бууж өгөх үү эсвэл харилцаагаа аврах уу?
Sliding Doors
Залуу бүсгүй Хеленийн хувьд тэр гал тэргэнд амжиж суусан тэр мөчөөс хувь тавилан нь орвонгоороо өөрчлөгдсөн гэж хэлж болно. Өөрөөр хэлбэл, нэг нь бодит амьдрал – галт тэргэнд амжиж суусан, нөгөө нь өөр хэмжээсээр яваа амьдрал буюу гал тэрэгний хаалга хаагдаж тэрээр сууж чадаагүй юм. Ингээд түүний амьдралын хувилбарууд таны сонирхолыг татах болно.
Miss You Already
Милли, Жэсс хоёр сайн найзууд – бүх насаараа үерхэж байгаа гэж хэлж болно. Одоо тэд 40 насыг давжээ, Милли хүндээр өвчилсөн тэр л мөчид тэдний үерхэлийн үнэ цэнэ танигдах болно.
How to Be Single
Элис найз залуугаасаа салахаар шийдэж энэ хүнд мөчийг эгч Мэг дээрээ очиж өнгөрөөхөөр шийднэ. Тэндээ шинэ ажилд орж, шөнийн амьдралаар амьдрах нэгэн бүсгүйтэй үерхэж эхэлжээ. Элис эрх чөлөөтэй, галзуу амьдрал руу шурган орохын сацуу амьдралынхаа утга учрыг ойлгохыг хичээнэ.
Revolutionary Road
Фрэнк, Эйприл өөрсдийнхөө гэр бүлийг бусдаас онцгой гэж үзнэ. Хосууд нэгэн зоригтой алхам хийхээр шийджээ – хүүхдүүдээ аваад Парист амьдрах шийдвэр гаргана. Дундаж түвшний жирийн амьдралтай хүмүүст харь оронд амьдралаа шинээр эхлүүлэх ямар байх бол?
The Diary of a Teenage Girl
70-аад оны үед Сан-Францискод амьдардаг өсвөр насны охины тухай түүх. Тэрээр ээжийнхээ найз залуутай сээтгэнэх болжээ. Сэтгэлзүйн хувьд хүнд санагдах киног үзэж дуусаад та ихийг эргэцүүлэх болно.
In Her Shoes
Махчилж орчуулбал “Түүний туфлид”, дүү охин Мегги эгч Роузийн туфлид дурлана. Эгчээсээ тэр туфлийг нь дандаа гуйж өмсөнө. Мэгги нэгэн удаа Роузын найз залууг урхидаж хөнжилдөө оруулснаас хойш эгч дүүгийн харилцаа сайнгүй болно. Мэгги эгчийнхээ гэрээс нүүж явснаас хойш тэдний амьдралд эрс өөрчлөлт гарч эхлэх ажээ.