Өөрийн төрөлх хэлээс гадна маш олон хэлээр ярих чадвартай 10+ алдартнууд. Та тэднийг ийм олон хэл эзэмшсэн гэдгийг нь мэддэггүй байсан байх

Урлагийн хүмүүс маш олон төрлийн авъяастай байдаг гэдгийг бид бүгд мэднэ. Тэд дуулж, бүжиглэж, гадаад төрхөө ч гайхмаар хувиргаж чаддаг. Гэсэн ч тэд бүгд полиглот буюу гурваас дээш хэлээр ярих нь ховорхон шүү дээ. Аливаа хэлийг сонирхон судалдаг хүмүүс шинээр өөр бусад хэлийг сурч эхлэхэд тийм ч их хүчин чармайлт шаардахгүйгээр, өөрийн мэдэх хэлнүүдийн мэдлэг дээр тулгуурлан хялбархан сурах хандлагатай байдаг.

Манай сайт уншигч танд олон хэлээр ярих чадвартай 14 алдартнуудыг танилцуулах гэж байна.

1. Salma Hayek – 5 хэлтэй

Тэрээр унаган англи болон испани хэлтэй бөгөөд франц нөхөртэй тул франц хэлийг чамгүй сайн сурсан нэгэн гэнэ. Salma Hayek чөлөөт цагаараа франц хэлний ганцаарчилсан сургалт авдаг ажээ. Мөн тэрээр португал болон араб хэлний мэдлэгтэй.

 

2. Viggo Mortensen — 7 хэлтэй

Дани гаралтай жүжигчин эрийг бага насаа Аргентин улсад өнгөрүүлсэн гэдгийг тийм ч олон хүн мэддэггүй. Тиймээс тэрээр аргентин аялгуутай испани хэлийг гаргууд эзэмшжээ. Тэрээр АНУ, Дани болон Аргентин улсуудын иргэншилтэй бөгөөд испани, дани, англи, итали, франц хэлийг маш сайн мэдэхийн зэрэгцээ швед, норвеги хэлний мэдлэгтэй.

 

3. Shakira – 6 хэлтэй

Колумб дуучин бүсгүйн төрөлх испани хэлтэй. Ажлын шаардлага өндөртэй тул англи хэлийг маш сайн эзэмшсэн бөгөөд мөн португал, франц, итали хэлийг мөн мэддэг ажээ. Түүнчлэн түүний нөхөр хөлбөмбөгчин Gerard Piqué каталан үндэстэн тул каталан хэлийг ч сурсан байна.

 

4. Natalie Portman — 6 хэлтэй

Үзэсгэлэнт жүжигчин бүсгүй маань Израиль улсад төрж 3 нас хүртлээ тус улсдаа амьдарсан бөгөөд улмаар АНУ руу цагаачилж байжээ. АНУ-д ирээд тэрээр еврей хэлээ орхилгүй үргэлжлүүлэн судалсан бөгөөд англи хэлний хамтаар эх хэлээ хэмээн үздэг ажээ. Тэрээр хүүхэд наснаасаа гадаад хэлийг шимтэн судалдаг байсан тул франц, япон, герман, испани, араб хэлний тодорхой түвшний мэдлэгтэй гэнэ.

 

5. Penélope Cruz — 4 хэлтэй

Тэрээр төрөлх испани хэлтэй бөгөөд франц, англи, итали хэлийг төгс эзэмшжээ. Түүний тоглосон “To Rome with Love” киноноос та түүнийг итали хэлээр ямар гайхалтай ярьж буйг нь сонсох боломжтой. Мөн түүний тоглосон холливудын кинонуудаас тэрээр англи хэлээр чөлөөтэй ярьж буйг та анзаарсан биз ээ.

 

6. Tom Hiddleston — 6 хэлтэй

“Thor” киногоороо нэрд гарсан жүжигчин эр маань төрөлх англи хэлтэй бөгөөд франц, итали, испани хэлээр чөлөөтэй ярихаас гадна латин болон эртний грек хэлийг ч судалсан гэнэ. Тэрээр утга зохиол шимтэн сонирхдог тул эдгээр хэлнүүдийг судлах үндэс нь болжээ.

 

7. Jodie Foster — 4 хэлтэй

Авъяаслаг америк жүжигчин бүсгүй маань чамгүй олон хэлээр ярьдаг ажээ. Тэрээр төрөлх англи хэлтэйгээс гадна франц хэлээр төгс ярьдаг. Мөн итали хэлийг эзэмшсэн бөгөөд герман, испани хэлний мэдлэгтэй.

 

8. Sandra Oh — 4 хэлтэй

Өмнөд Солонгос гаралтай канад жүжигчин Sandra Oh багаасаа англи болон солонгос хэлний орчинд өсөж торнижээ. Мөн тэрээр Канадын Театрын Урлагийн Их Сургуульд сурсан тул франц хэлийг гарамгай эзэмшжээ. Барселона хот түүний хамгийн дуртай хот бөгөөд энэ ч үүднээс тэрээр испани хэлийг сурсан байна.

 

9. Christoph Waltz — 4 хэлтэй

Австри-герман гаралтай Christoph Waltz герман хэлнээс гадна англи, франц хэлийг төгс эзэмшсэн нэгэн ажээ. Мөн тэрээр итали хэлний тодорхой мэдлэгтэй бөгөөд та түүний итали хэлийг “Inglourious Basterds” киноноос сонсох боломжтой.

 

10. Mads Mikkelsen — 5 хэлтэй

Дани жүжигчин Mads Mikkelsen өөрийн төрөлх дани хэлнээс гадна швед, англи, герман, франц хэлээр чөлөөтэй ярьдаг. Тэрээр швед хэлийг Швед улсын Готембургийн Баллетын Академид суралцах үедээ швед хэлийг сурсан ажээ. Мөн та түүний англи хэлийг NBC сувгийн “Hannibal” цуврал тэргүүтэй кинонуудаас нь сонсох боломжтой.

 

11. Kate Beckinsale — 4 хэлтэй

Их Британийн жүжигчин загвар өмсөгч Kate Beckinsale Окфордын “New College”-д суралцаж байх үедээ утга зохиолын франц болон орос хэлийг судалж байжээ. Хожим тэрээр их сургуулийн 3-р дамжаагаа франц соёлд уусах зорилгоор Парис хотод өнгөрүүлсэн байдаг. Ийнхүү тэрээр төрөлх англи хэлнээс гадна төгс франц хэлтэй. Мөн орос, герман хэлний мэдлэг нь түүнийг полиглот жагсаалтанд оруулахад хүргэжээ.

 

12. Hugh Laurie — 4 хэлтэй

“Dr. House” цувралаараа олонд танигдсан Их Британийн жүжигчин дуучин Hugh Laurie унаган англи хэлтэй бөгөөд мөн франц, герман, испани хэлнүүдийг их сургуулийн он жилүүддээ суралцан эзэмшсэн ажээ.

 

13. Daniel Brühl — 5 хэлтэй

Daniel Brühl Испанийн Барселона хотод төрсөн ч Германд өсчээ. Тэрээр “Би өөрийгөө европ хүн гэж тодорхойлох дуртай. Надад франц нагац нар ч бий шүү. Би багаасаа олон улсаар явж олон соёл дунд өссөн” хэмээжээ. Герман, испани, англи хэлээр төгс ярьдаг тэрээр итали хэлний мэдлэгтэй ажээ. Олон хэлний мэдлэг нь түүнийг олон улсад ажиллах боломжийг олгодог гэнэ.

 

14. Elsa Pataky — 5 хэлтэй

Жүжигчин Chris Hemsworth-ийн эхнэр испани загвар өмсөгч, дуучин Elsa Pataky хэл сурах чамгүй авъяастай нэгэн ажээ. Түүний ээж румын хүн байсан учир тэрээр төрөлх испани хэлнээс гадна румын хэлээр ярьдаг. Мөн тэрээр англи, итали, франц хэлээр чөлөөтэй ярьдаг гэжээ.

Та эдгээр полиглот алдартнууд шиг олон хэлээр ярьдаг болмоор байна уу? Эдгээр алдартнуудаас өөр олон хэлээр ярьдаг олны танил хүнийг та мэдэх үү?