Лондонд амьдардаг гэрэл зурагчны “Love Me” фото төслийн зурагнууд

Нийтлэгч: Лука

Огноо: 2012/06/24

Total0
0

Дэлхий дахинд бүтээлүүдээрээ үзэсгэлэн гаргаж, олон арван сэтгүүлийн хуудаснаа бүтээлүүдээ хэвлүүлсэн гэрэл зурагчин Zed Nelson нь баримтат гэрэл зургийн чиглэлээр томоохон шагналуудыг хүртсэн алдартай нэгэн. Тэрээр саяхан нэг ном хэвлүүлсэн нь залуу нас болоод гоо сайханд чиглэсэн Дэлхий нийтийн шаналалд хөтөлсөн соёлын болон зар сурталчилгаа, арилжааны хүчнийг тусган харуулсан байна. “Love Me” нэртэй энэхүү төсөлд гоо сайхны талаарх Барууны явцуу үзэл Дэлхийн хэмжээнд тархсанаар даяаршлын шинэ хэлбэр бий болж, балмад бүдүүлэг брэнд бий болж байгааг илчлэн харуулжээ.Таван жилийн турш үргэлжилсэн “Love Me” фото төсөлд багтсан гоо сайхны мэс засалчид, бодибилдингийн тамирчид, хоолны дуршил алдагдах эмгэг болоод гоо сайхны карьер хөөсөн бусад оролцогчдын зурагнуудыг энд толилуулж байна.

Америк, Техас муж, Даллас хот. Эрүү нүүрний мэс засалч Kevin McBride өөрийн эмчлүүлэгчдийн мэс ажилбарын өмнөх болон дараах үеийн зургуудыг харуулж байна. Хялбархан өргөх мэс ажилбар гэхэд 8000 долларын ханштай байдаг.
[ XopoM.com ] фото

Америк, илүүдэл жинтэй хүмүүст зориулагдсан эрүүл мэндийн зуслан. Эхлэн суралцагчдын дасгал сургуулилт.
[ XopoM.com ] фото

Бразил, Рио де Жанейро. Гоо сайхны мэс засалч Oaks болон түүний эхнэр Angela нар.
[ XopoM.com ] фото

АНУ, Лас Вегас. Мисс Олимпия тэмцээний тайзны ард.
[ XopoM.com ] фото

Хятад. Бээжин. Хамрын хэмжээг өсгөх хиймэл суулгацан хамар.
[ XopoM.com ] фото

Нэгдсэн Вант улс, Лейчестер. Хиймэл хөхний үйлдвэр.
[ XopoM.com ] фото

33 настай Shirley Ferreira. Луйврын хэргээр 14 жилийн ялаар шийтгүүлсэн. Рио де Жанейро дахь Talavera Bruce эмэгтэйчүүдийн хорих ангид жил бүр Miss Penitentiary хэмээх гоо бүсгүйн тэмцээн болдог. Тэмцээний ялагч 14 инчийн зурагт, үс хатаагч, гоо сайхны бүтээгдэхүүнээр шагнуулдаг байна.
[ XopoM.com ] фото

31 настай Belkis Estrella Maldonado, аялал жуулчлалын хөтөч. Хар тамхи тээвэрлэсэн хэргээр 4 жилийн ялаар шийтгүүлсэн. Шоронд жил бүр болдог гоо бүсгүйн тэмцээний оролцогч.
[ XopoM.com ] фото

Сенегал, Дакар. Шинэхэн загвар өмсөгчид.
[ XopoM.com ] фото

АНУ, Лас Вегас. Олимпия тэмцээний ялагч Ronnie Coleman.
[ XopoM.com ] фото

Иран, Тегеран. Иран улс Дэлхийд хамрын хэлбэр өөрчлөх мэс ажилбар хамгийн их хийлгэдэг орон. 19 настай Elham хамартаа мэс засал хийлгэснийхээ дараа ээжийнхээ хамт.
[ XopoM.com ] фото

АНУ, Техас. Америк эмэгтэйчүүд 1920 онд сонгуульд санал өгөх эрхтэй болсон бөгөөд мөн онд анхны Америкийн гоо бүсгүй тэмцээн зохиогдож байсан. 9 настай Katie охин мужийн гоо бүсгүйн тэмцээний ялагч.
[ XopoM.com ] фото