Тэмээг сургаж, гэршүүлэн тэжээнэ гэдэг тийм ч ер бусын содон зүйл биш. Ази болон Африкын олон газарт хоёр болон нэг бөхтэй тэмээ амьдардгийн дотор тэмээ нь Монгол, Казакстан зэрэг орнуудын хөгжилд тодорхой байр суурийг эзэлж, эдийн засгийн хувьд чухал амьтдын нэгд тооцогддог. Гэтэл Дэлхийн хөгжилтэй орнуудын нэг Англи улсын жирийн нэгэн айл гэрт тэмээ тус өрхийн нэг гишүүнд тооцогдон амьдарч байна гэдэг тийм ч ердийн зүйл биш юм. Британий Fossett-ынхон хэмээх сонирхолтой гэр бүлийн зургийн цомгоор аялж, тус гэр бүлийн хүндэт гишүүн болсон тэмээтэй танилцацгаая.Энэхүү зураг дээр Rebecca болон Joseph Fossett нар 13 настай Daisy охин, 10 настай Leo хүү мөн Kazak нэртэй тэмээнийхээ хамт харагдаж байна. Йоркшир мужийн Айдликот сууринд амьдардаг Fossett-ын гэр бүлийнхэн Kazak-аас гадна Ruby, Sahara, Sophia, Veneta нарын тэмээнүүдтэй. Тэд тэмээнүүдээ гэрийнхээ хажууханд байх талбайд бэлчээрлүүлдэг байна. (Picture: Richard Grange / Barcroft India)
Сургуульдаа явахдаа ч тэд тэмээгээ унах нь бий.
Rebecca хэлэхдээ “Тэд бол бидний гэр бүлийн нэг хэсэг. Хүүхдүүд маань биднээс илүү тэмээгээ хайрлах юмаа гэж наргиан болгодог.” гэсэн байна.
Тус гэр бүлийн таван жилийн турш тэжээж байгаа тэмээнүүдийн гурав нь хоёр бөхтэй, гурав нь нэг бөхтэй тэмээ юм. Циркчин гэр бүлд төрж өссөн Joseph-ын хувьд 2000 кг хүртэл жинтэй энэ амьтдыг маллах баялаг туршлагатай нэгэн юм.
52 настай Joseph хэлэхдээ “Намайг жаахан байхад надад тэмээ байдаг байсан учир би тэмээнд маш их хайртай болсон. Манайд олон нохой, муур, өмхий хүрэн байдаг байсан. Мэдээж хэрэг амьтан тэжээнэ гэдэг зардалгүй хэрэг биш. Гэхдээ би цайны төлөө амьтдаа худалдаагүй. Бид бол Нэгдсэн Вант улсад бүхэл бүтэн сүрэг мал тэжээдэг цорын ганц гэр бүл. Бид юуг ч өөрчлөхийг хүсэхгүй байгаа.” гэсэн байна.
Rebecca-гийн хэлснээр хүмүүсийн дунд тэмээний нэр хүнд тийм ч сайн биш бөгөөд хүмүүс тэмээг муу ааштай, үргэлж тургиж нулимж байдаг, муухай үнэртэй амьтан гэж боддог. Гэвч энэ бол үнэн зүйл биш. Тэд хүмүүст хайртай, тэд цэцэрлэгийн хаалганы дэргэдүүр хэн нэгэн хүн өнгөрөх бүрт тийшээ очдог гэнэ.
Энэ амьтдыг тэжээхэд жилд хэдэн мянган фунт зарцуулдаг. Жилдээ 400 хүртэл тооны боодол өвс идэж, хэдэн мянган галлон ус уудаг тэмээнүүддээ Fosset-ын гэр бүл чихрийн манжин, арвай, овьёос өгдөг байна. Тэмээнүүд нь гүзээлзгэнэ болон амттанд маш дуртай. Гэрийн эзэн Joseph “Тэд бол тийм ч хямдхан амьтад биш. Бид хэдий хэмжээний мөнгө зарцуулдаг болохоо тодорхойлж мэдэхгүй. Бид тэмээний асаргаа арчилгаа, малын хашааны засварт хэдийг зарцуулдагаа мэдэхгүй. Бид тэдэнд ямар их мөнгө зарцуулах хэрэгтэй болдгийг мэддэг учир танд энэ амьтныг тэжээгээрэй гэж хэлж чадахгүй.” хэмээн өгүүлжээ.
Rebecca хэлэхдээ “Хүмүүс тэмээг маань хөлслөх дуртай. Хүүхдүүд тэмээнүүдэд маань хайртай. Хүмүүс тэмээнүүдийг маань тэмээн поло, тэмээ унах тэр ч бүү хэл хуримын тээврийн хэрэгсэл болгохоор хөлсөлж авдаг.” гэжээ.
Хэдхэн жилийн өмнөх энэхүү гэр бүлийн зурагт Fosset-ын гэр бзл залуу Kazak-ын хамт гал тогооныхоо өрөөнд байгаа нь харагдаж байна.
DELLOPTIPLEX
2012/06/26 at 17:46
haha balai yuma
joker_telmuun
2012/06/26 at 22:09
зарим нь монгол тэмээнүүд байна
Зочин
2012/06/26 at 23:48
bi buruu sonsoogui bol zovhon mongold l 2 bohtei temee bdag gsn
ass_kiss
2012/06/26 at 23:56
nice
xoosh
2012/06/27 at 22:05
m
o
n
g
o
l
o
o
s
s
h
a
a
t
s
a
n
y
u
m
b
i
s
h
v
v
v
v
v
s
d
a
Зочин
2012/06/28 at 17:48
itgemeergui ymaa