Зөвхөн Япон улсад хийж болох 20 зүйл

Нийтлэгч: Лука

Огноо: 2015/09/08

Total24
24

Япон улсаар аялна гэдэг нь огт өөр ертөнцөөр аялахтай ижил байдаг. Тэдний юм бүхэн жуулчдын анхаарлыг татдаг нь гайхаад байх зүйл биш юм.

Вибратор баар

Ердөө 20-хон доллар төлөөд та Shibuya’s Vibe Bar Wild One-оор үйлчлүүлж болно. Ороход тань тусгай бээлий өгөх бөгөөд та бааранд байх 330 төрлийн вибраторыг үзэх боломжтой. Тоглоом бүрт хүрч, тоглоом бүрийг асааж болох ч зориулалтын дагуу хэрэглэж болохгүй. Энэхүү баараар зөвхөн эмэгтэйчүүд эсвэл дурлалт хосууд л үйлчлүүлэх эрхтэй байдаг.

Мариогийн ертөнцөд зоог барих

Maidreamin Digitized Cafe и Dining Bar-д та Франц үйлчлэгчийн хувцастай охидоор үйлчлүүлж болно. Дээрээс нь нэмээд таныг бага насны дурсамжийг сэргээсэн гайхалтай Марио тоглоомын ертөнц угтах болно.

Илүү таашаалтай бейсболын тоглолт үзэх

Япон улсын бейсбол танд хөгжөөн дэмжигчдийн сүлд дуулал, шарсан зуушыг хүргэх болно. Тоглолтууд 3 сараас 10 сар хүртэл үргэлжилдэг.

Содон танилтай хамт кофе уух

Ганцаардлыг олон хүнтэй цагийг өнгөрөөж тайлах биш, олон амьтадтай байж тайлах нь зөв гэж зарим Япончууд үзжээ. Токио хотын Bunny Rabbit Cafe-д та зохих төлбөрийг нь төлөөд 30 бүжингээс сонгон хамт цагийг өнгөрөөж болно. Мөн энэхүү кафед шар шувуу хүртэл бий.

Эмэгтэй хүний хөхийг мэдрэх

Япончууд сонин хачин юм тахин шүтэх нь их. Мэдээж тэдний нэг нь эмэгтэй хүний хөх юм. Окаямад байрлах Каруба сүмд үр төл олон байхыг бэлгэдсэн шүтээн байдаг байна. Харин Удо хийдэд бурхдын эх үр хүүхдүүдээ хөхүүлж буй баримал байдаг байна.

Гайхалтай баараар зочлох

Park Hyatt Tower-ын орой дээр New York Bar байрласан байдаг. Энэхүү газрын гол чимэг нь дээд зэрэглэлийн виски нь биш, харин Токио хотын гайхалтай үзэмж юм.

Сумо бөх үзэх

Хэрэв та Япон улсаар аялах гэж байгаа бол Сумо бөхийн барилдааныг заавал үзэх хэрэгтэй. Жил бүр 6 тэмцээн өөр өөр хотуудад болдог бөгөөд тасалбар олох амархан биш байдаг.

Сакэ архины нууцыг мэдэх

Та Кобэ хотод очихоор шийдсэн бол сакэ архийг хийх олон аргуудын нэгийг ч болтугай мэдэх боломж бий. Кобэ хотын 40 ширхэг үйлдвэр Японы будааны дарсны 30%-ийг үйлдвэрлэдэг байна. Үйлдвэрүүдийн ихэнх нь сакэ гаргах аргыг Англи хэл дээр танилцуулдаг.

20$-ын тоглоомын төв

Та ердөө хорин доллар төлөөд видео тоглоом, сур харваа, сагсан бөмбөг, ширээний теннис, хөл бөмбөг, бадминтон, боулинг гээд бараг л хүссэн бүхнээрээ тоглож болно. Энэхүү газрын нэр нь Round1/Spo-Cha.

Оройн хоолны загасаа өөрөө барих

Zaou ресторанд та хооллохын тулд уурга, дэгээ, тор ашиглан оройн зоогоо өөрөө барих ёстой байдаг. Харин баригдсан загасыг буцааж хийж болохгүй тул ямар ч үнэтэй байсан худалдаж авах ёстой байдаг байна. Барьсан загасаа хэрхэн болгохыг харин та өөрөө мэднэ биз.

Үхрийн мах “Кобэ”-г идэх

140 грамм үхрийн мах 90$ гэдэг гэвэл та итгэх үү? Японы алдарт зоог болох Кобэ нь түүхий үхрийн мах бөгөөд тун амттай гэнэ.

Хамгийн амттай вискиг амталж үзэх

Шотландын алдарт вискиг 2014 онд тэргүүлсэн Ямазаки үйлдвэрийн виски Японых.

Капсул загвартай зочид буудалд хонох

Киотогийн Nine Hours Kyoto зочид буудал нь өөрийн содон загвараараа бусдыг ихээр татдаг байна. Жижигхэн мөн хямд энэхүү зочид буудал нь бодож байгаагаас тань тухтай. Эрэгтэй эмэгтэйчүүд тус тусын бүхээгт унтдаг бөгөөд нэмэлт үйлчилгээнд Wi-fi, хяналтын камер ордог байна.

Худалдааны машин

Бид автомат машинаас ундаа, амны зугаа л худалдаж авдаг бол Японд өндөгнөөс авахуулаад дотуур хувцас хүртэл худалдаж авч болдог гэнэ.

Олон нүцгэн хүмүүстэй нэг өрөөнд байх

Япон улсын халуун усны газар буюу “Онсэн”-д та орвол хувцасгүй, танихгүй олон хүмүүстэй нэг усны саванд орно гэсэн үг юм. Гэхдээ энэ нь эрүүл мэндэд нэн тустай байдаг гэнэ.

Караокед дуулах

Япон улсын караоке нь хувийн орон зай өгдгөөрөө онцлог юм. Та хэнээс ч ичиж зоволгүй өөрийн дотор буй дуучныг ил гаргаж болно.

Хайрын зочид буудалд хоноглох

Хэрэв та залуу, дээрээс нь эцэг эхтэйгээ амьдардаг бол хайртай нэгэнтэйгээ дотно хугацааг өнгөрүүлж чадахгүй байх боломж өндөр. Ийм асуудалд зориулж Япончууд цагаар хөлсөлж болох өрөөтэй хайрын зочид буудлыг үүсгэжээ. Онцлог нь энэхүү газрын өрөө бүр тус тусын чимэглэл, тоноглолтой байдаг.

Цүкижи далайн бүтээгдэхүүний захыг үзэх

Аквариумаас өөр олон төрлийн загас харж болох газар бол далайн бүтээгдэхүүний зах юм. Цүкижи захын бүтээгдэхүүнүүд загасанд дурладаг хэний ч болов хорхойг хөдөлгөх болно.

Фүжи уул руу шөнө авирах

Шөнө уул руу гарч байгаа шалтгаан нь үүр цайхыг харах явдал юм. Харамсахгүй гэдгийг амлая. Хамгийн тохиромжтой улирлууд нь 7, 8-р сарууд юм. Гол нь 4:30 гэхэд амжиж орой дээр нь гарах юм шүү.

Хачирхалтай баярт оролцох

Фүкүокад Tamaseseri хэмээх баярыг тэмдэглэдэг гэнэ. Энэ баяраар загасчид болон будааны тариаланчид хоорондоо хэн хамгийн их ургац хураахаа үзэн өрсөлддөг байна.
Өөр нэгэн баяр нь эр бэлэг эрхтний баяр юм. Зөвхөн энэ баяраар хүмүүс эр бэлэг эрхтний хувцас өмсөж, эр бэлэг эрхтний хэлбэртэй амттан, зууш хэрэглэдэг байна.