2015 оны хамгийн өндөр орлоготой 20 тамирчин

Хөлбөмбөг, теннис зэрэг спортын төрлүүд дэлхийн хүмүүсийг хөгжөөдөг. Эдгээр төрлийн тамирчид ч туйлын алдартай байдаг. Тэдний зарим нь бүр дэлхийн хэмжээний од болсон тохиолдол ч бий. Тэд зөвхөн спортоосоо гадна зар сурталчилгаа болон бусад эх сурвалжаар мөнгө олж байдаг.

Ингээд та бүхэндээ 2014 оны эцсийн байдлаар хамгийн их орлого олсон 20 тамирчныг танилцуулья. Энэхүү жагсаалтыг дэлхийн алдартай Forbes сэтгүүл гаргажээ:

1. Флойд Мэйвезер Жр. (105 сая доллар)

Америкийн мэргэжлийн боксчин, 5 төрлийн дэлхийн аварга тэрээр дэлхийн хэмжээний 10 цолыг хүртсэн ба өдгөөг хүртэл нэг ч ялагдал хүлээгээгүй явна. Тэрээр 1977 оны 2 сарын 24-ний өдөр Мичиганы Гранд Рапидст боксдидын гэр бүлд мэндэлжээ. Түүний нийт хөрөнгийн хэмжээ 280 сая доллар ба тансаг машин авахдаа гар татдаггүй нэгэн гэнэ.

2. Кристиано Роналдо (80 сая доллар)

Португалийн үндэсний багийн ахлагч тэрээр дэлхийд алдартай нэгэн юм. Тэрээр мөн Рийл Мадрид багт довтлогч хийдэг. Хөлбөмбөгийн зарим мэргэжилтнүүдийн үзэж байгаагаар Роналдо бол дэлхийн хамгийн сайн тоглогч ажээ.

3. Леброн Жеймс (72.3 сая доллар)

Леброн нь NBA-гийн Miami Heat багийн сагсан бөмбөгийн мэргэжлийн тоглогч. Тэрээр олон янзын зар сурталчилгаанд тоглож асар их мөнгө олдог нэгэн. Тэрээр нэгэнтээ Америкийн хамгийн нөлөө бүхий, алдартай тамирчдын нэг болж байсан түүхтэй.

4. Лионель Месси (64.7 сая доллар)

Аргентины алдарт хөлбөмбөгчин Мессигийн фенүүд дэлхийн өнцөг булан бүрт бий. Тэрээр Аргентины үндэсний багийн ахлагч бөгөөд Испаний FC Barcelona багт довтлогч хийдэг. Гайхалтай авьяаслаг тоглогч маана 21 насандаа FIFA World player оны шилдэг тоглогч, Ballon d’Or шагналуудыг хүртэж байсан юм.

5. Коби Брайнт (61.5 сая доллар)

Америкийн мэргэжлийн сагсан бөмбөгийн тоглогч тэрээр NBA-гийн Los Angeles Lakers-т тоглодог ба NBA аварга шалгаруулах тэмцээнд 5 удаа түрүүлсэн. Тэрээр All-NBA-гийн гишүүнээр 15 удаа, All-Star-ын гишүүнээр тус тус 16 удаа сонгогдож байжээ.

6. Тайгер Вүүдс (61.2 сая доллар)

Дэлхийн №1 тоглогч байсан тэрээр өөрийн дээд амжилтыг эвдсэн үзүүлбэрээрээ 1997 оны Мастерс тэмцээнд түрүүлж байсан юм. Тэрээр гольфын дээд амжилтын тоогоороо нэгт бичигддэг. PGA-ийн Оны шилдэг тоглогчоор 11 удаа тодорч байсан нь ч мөн рекорд хэвээрээ л байна.

7. Рожер Федерер (56.2 сая доллар)

Шведийн мэргэжлийн теннисчин түүнийг олон тоглогч, тэмцээн хөтлөгчид бүх цаг үеийн хамгийн шилдэг тоглогч гэж үздэг. Эрэгтэйчүүдийн нээлттэй тэмцээний дэлхийн дээд амжилтууд түүнийх. Тэрээр нийт 302 долоо хоногийн турш дэлхийн №1 тоглогч байсан.

8. Фил Микельсон (53.2 сая доллар)

Энэхүү чадварлаг мэргэжлийн гольфчин PGA Tour–ийн нийт 42 тэмцээнд түрүүлсэн байдгаас Мастерын цолыг 3 удаа, PGA аваргын тэмцээнд 1 удаа, Нээлттэй аварга шалгаруулах тэмцээнд 1 удаа түрүүлжээ. 1970 онд Калифорнид мэндэлсэн түүнийг зүүн гараа огцом савладаг болохоор “Солгой” гэж хочилдог.

9. Рафаел Надал (44.5 сая доллар)

Испаний мэргэжлийн теннисчин тэрээр өдгөө дэлхийн №1 тоглогчид тооцогдож байна. Олон мэргэжилтнүүд түүнийг бүх цаг үеийн хамгийн шилдэг талбайн тоглогч гэдэг. Grand Slam singles цолыг 14 удаа авч, 2008 оны Олимпийн алтан медалийг хүртэж байсан. Түүнээс өмнө тус тэмцээнд Андре Агасси ялж байсан билээ.

10. Мэтт Райан (43.8 сая доллар)

NFL-ийн Atlanta Falsons багт тоглодог Америк хөлбөмбөгийн тоглогч. Тэрээр Ирландын Католик гэр бүлээс гаралтайн дээр шаггүй гольфчин нэгэн гэнэ шүү.

11. Мэнни Пакьяо (41.8 сая доллар)

Филипиний мэргэжлийн боксчин, улс төрч тэрээр дэлхийн хамгийн анхны 8 төрөлт дэлхийн аваргын тэмцээнд ялж, 10 цолыг хүртсэн хүн юм. 4 өөр жингийн ангилалтай аваргын тэмцээнд түрүүлсэн хамгийн анхны тамирчин мөн. Америкийн Боксын сэтгүүлчдийн холбооноос 2000-аад онд түүнийг “10 жилийн шилдэг тамирчин”-аар шалгаруулсан байдаг.

12. Златан Ибрахимовик (40.4 сая доллар)

Шведийн мэргэжлийн хөлбөмбөгчин тэрээр Шведийн үндэсний багийн ахлагч юм. Тэрээр мөн Францын Paris Saint-Germain клубт довтлогчийн албыг хашдаг. 1981 онд Шведийн Малмод төрсөн түүнийг бүх цаг үеийн хамгийн шилдэг довтлогч гэж үзэж байна.

13. Деррик Роуз (36.6 сая доллар)

Чикаго Буллсын тоглогч тэрээр 1988 онд Чикагод төрсөн ба сагс тоглохыг 3 ахаасаа сурсан гэдэг.

14. Гарет Бейл (36. 4 сая доллар)

Велсийн хөлбөмбөгийн тоглогч тэрээр Велсийн үндэсний баг болон La Liga club Real Madrid багт довтлогч хийдэг юм. 1989 онд Велсийн Кардиф-д мэндэлсэн түүнийг гайхалтай хурд, хөндлөн туулах чадвараар нь мэдэхгүй хүн ховор биз ээ.

15. Радамел Фалкао (35.4 сая доллар)

Колумбын хөлбөмбөгийн довтлогч юм. Тэрээр Колумбын үндэсний баг болон AS Monaco багуудад тоглодог. 1986 онд Колумбын Санта Матрад мэндэлсэн бөгөөд дэлхийн шилдэг довтлогчдын нэг юм.

16. Неймар (33.6 сая доллар)

Тэрээр Бразилийн үндэсний баг болон FC Barcelona-д довтлогч хийдэг. Сао Паулогийн Моги дас Крузест 1992 онд төрсөн ба 19 насандаа буюу 2011 онд Өмнөд Америкийн оны шилдэг хөлбөмбөгчнөөр тодорч байсан туйлын авьяаслаг тоглогч юм. Домогт Пеле түүнийг ихэд үнэлдэг билээ.

17. Новак Жоковик (33.1 сая доллар)

Сербийн мэргэжлийн теннисчин Grand slam singles цолыг 6 удаа хүртжээ. Тэрбээр 101 долоо хоногийн турш дэлхийн №1 тоглогч байсан. Югославийн Белградад 1987 онд мэндэлсэн.

18. Мэттью Стэффорд (33 сая доллар)

Америк хөлбөмбөгийн тоглогч тэрээр Detroit Lions багт тоглодог. Флорида мужид мэндэлсэн ба нэг улирлын дотор 4570 м зайд бөмбөг шидсэн 4 дэх хамгаалагч болсон түүхтэй.

19. Льюис Хэмилтон (32 сая доллар)

Формула 1-ийн нисгэгч өдгөө Mercedes AMG багийн өмнөөс уралдаж байна. 2008 оны Формула 1-ийн ялагч тэрээр 1985 онд Английн Хэртфордшайрт төржээ.

20. Кевин Дурант (31.9 сая доллар)

Тэрээр NBA-гийн Oklahoma City Thunder багийн мэргэжлийн сагсан бөмбөгийн тоглогч. Тэрээр NBA-гийн Хамгийн үнэ цэнэтэй тоглогч, NBA Оны шилдэг тоглогч болж Олимпийн алтан медаль хүртэж байсан билээ.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!