iOS төхөөрөмжүүдэд зориулсан олон тооны залгуур сууринууд бий. Тэгвэл таны iPhone, Apple Watch ухаалаг цаг, гадна USB батерей болон бусад USB төхөөрөмжүүдийг цэнэглэдэг залгуур суурины тухайд юу хэлэх вэ? Тийм ээ, энэ бол LED ширээний гэрэл юм. MiTagg компаний хамгийн сүүлийн санхүүжилт цуглуулж байгаа NuDock Power Station Lamp ширээний гэрэл нь аль хэдийнээ 30,000 доллар цуглуулаад байгаа нь үйлдвэрлэл удахгүй эхлэх гэж байгаагийн тэмдэг юм.
Apple-ын ухаалаг гар утас, ухаалаг бугуйн цаг зэргээс гадна таблет гэх мэт төхөөрөмжүүдийг цэнэглэх энэ ширээний гэрлийн жижиглэнгийн үнэ 249 доллар байх ба мөнгөлөг, сансрын саарал гэсэн хоёр өнгөний сонголттойгоор гарах юм байна. Бүтээгдэхүүний хүргэлтийн үйлчилгээ 7-р сард эхэлнэ хэмээн тооцоологдож байгаа ажээ.