УДЭТ-ын Ерөнхий найруулагч Н. Наранбаатар бүтээл, “UB Media” группын ээлжит нэгэн давалгаа болох “Зүүдэнд ч оромгүй явдал буюу Рингэн дээрх балетчин” уянгын, инээдмийн жанрын шинэ кино тун удахгүй үзэгч та бүхний хүртээл болох гэж байна.
Киноны зураг авалт эхэлсэн цагаасаа үзэгчдийн хүлээлт үүсгээд буй уг киноны продюсерээр С. Ууганжаргал, оператороор Б. Отгонзориг, найруулагч, зургийн даргаар Г. Эрхэмбаяр, дууны найруулагчаар Р. Сүхдамба, зураачаар Мөнх-Оргил нар ажилласан бөгөөд кино группын ихэнхи нь өнгөрсөн сард нээлтээ хийгээд одоог хүртэл үзэгчдийг байлдан дагуулж буй “Зэрлэг цэцэгсийн хүлэмж” киноны уран бүтээлчид ажиллаж байгаа ажээ.
“Зүүдэнд ч оромгүй явдал” кино 2013 оны 11-р сарын 01-нд Тэнгис, Өргөө, Соёмбо кинотеатруудаар нэгэн зэрэг нээлтээ хийж үзэгч та бүхэнд хүрэх ажээ.
Мөн 2013 оны 11-р сарын 01-ний өдөр “Ихрүүдийн парад” анх удаа зохиогдох гэж байгаа ба 16:00 цагт Улсын Их Дэлгүүрийн урд цуглаж улмаар Тэнгис кинотеатр луу хөдлөх юм байна. Шинэ киноны нээлт Тэнгис кинотеатрт 17:00 цагаас эхэлнэ.
Уянгын, инээдмийн жанрын шинэ кино маань сүүлийн үеийн дэвшилтэт технологийг ашиглан нэг хүнийг хоёр ихэр болгож тоглуулснаараа онцлог юм. Учир нь нэг хүнийг хоёр ихэр болгосон Монголын уран сайхны кино маш ховор байдаг бөгөөд ийм төрлийн кино хамгийн сүүлд хийгдсэнээс хойш нилээдгүй хугацааг ардаа үджээ.
“Зүүдэнд ч оромгүй явдал” киноны дуу
Киноны трейлер
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
