Британи оюутнууд шээснээс цахилгаан гаргаж авч байна

Английн Бристол хотын Баруун Английн их сургуульд саяхан нэгэн үр ашигтай суултуурын загварыг суулгажээ. Оюутны баарны гадаа байрлуулсан энэхүү бие засах газрын суултуур нь шээсэн дэх микробыг өсгөснөөр цахилгаан эрчим хүч гарган авдаг байна. Дуусашгүй нөөц болох хаягдал бүтээгдэхүүнийг үр ашигтай ашиглах энэ технологи нь ‘ногоон’ байх нэг үндэс юм хэмээн Бристолын БиоЭнергийн төвийн захирал, профессор Ioannis Ieropoulos хэлжээ.

Цахилгаан эрчим хүч нь бие засах газрыг гэрэлтүүлэхэд ашиглагдаж байгаа аж. Шээсний хүчээр цахилгаан эрчим хүч гаргах энэхүү суултуурыг гамшгийн бүс дэх дүрвэгчдийн баазад ашиглах зорилгоор бүтээсэн байна. Энэхүү төслийг тус их сургууль болон тусламжийн Oxfam агентлаг хамтран хэрэгжүүлж байгаа юм. Бүтээгчид нь дээр дурдсан бүс дэх бие засах газрууд гэрэлтүүлэггүй байх нь хүмүүст аюул учруулах нэг нөхцөл болно гэж үзэж байгаа аж.

“Хэрвээ бид ариун цэврийн газрын орчныг гэрэлтүүлж чадвал энэ газар руу явж байгаа хүмүүсийг аюулгүй байлгахад тус болох болно.” хэмээн Oxfam дахь ус, эрүүл ахуйн салбарын тэргүүн Andy Bastable өгүүлжээ. Мөн хэрвээ туршилт амжилттай болвол цахилгаан эрчим хүчний боломжгүй янз бүрийн газруудад ашиглахыг зорих болно гэсэн байна.

Бристол хотын хувьд хүний ялгадсыг эрчим хүчинд хувиргахад ашиглаж байгаа анхны тохиолдол энэ биш юм. Өнгөрсөн жил Бристол болон Бат хотуудын хооронд явж эхэлсэн автобус нь 4 хүний 1 жилийн турш ялгаруулах ялгадаснаас гаргаж авсан хийгээр 300 хүртэл км замыг туулах юм.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!