Өчигдөр буюу 2015 оны 3-р сарын 1-нд Mobile World Congress-т болсон хэвлэлийн бага хурлаар Samsung Electronics компани Samsung Galaxy S6 болон Samsung Galaxy S6 Edge ухаалаг гар утаснуудаа танилцуулсан. Тус брэндийн тэргүүлэх зэргийн бүтээгдэхүүний хамгийн сүүлийн үеийн шинэ загвар болон танилцуулагдсан энэ ухаалаг гар утаснууд Samsung-ын дүр төрхийг дахин шинэчилсэн загварууд байлаа.
Хүнхэр загвар, металл болон шилэн хэсгүүдээс бүрдэх уг хоёр ухаалаг гар утас хоорондоо зэгсэн адилхны дээр хоёулаа Android 5.0 Lollipop үйлдлийн системийг дэмжиж ажилладаг байна. 5,1 инчийн өндөр нягтаршилтай дэлгэц бүхий энэ хоёр ухаалаг утасны Galaxy S6 Edge нь их биеийн хоёр урт талыг бүрхсэн хоёр тал руугаа хүнхэр шилэн хүрээгээрээ анхаарлын төвд өрсөлдөж байгаа юм.
Өндөр чанартай металл загвар, сайжруулсан хурууны хээ танигч зэрэг шинэ онцлогуудаас гадна Samsung-ын анхдагч том дэлгэцээ үргэлжлүүлэн ашигласан уг загваруудын баруун зүүн ирмэг нь үл ялиг дугуйрсан загвартай. Gorilla Glass 4 шил, бүүдгэр, хөнгөнцагаан хайлшин хүрээ бүхий энэ загварууд ардаа 16 мегапикселийн камер, таны зүрхний хэмнэлийг хянах мэдрэгчийн үүргийг давхар гүйцэтгэдэг ЛЕД флаш зэргээр тоноглогджээ.
Түүнчлэн суугдмал батерей, microSD card-ны оролтгүй болсон, камерыг хурдан ачаалах боломж, илүү ухаалаг болсон хурууны хээ танигч, утасгүй цэнэглэх боломж, хурдан цэнэглэх боломж зэргийг агуулсан энэ загварууд усны хамгаалалтгүй.
4-р сарын 10-наас эхлэн зарим газруудад худалдаалагдаж эхлэх энэ загваруудын үнэ хараахан зарлагдаагүй байгаа юм.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
Зочин
2015/03/02 at 13:26
i phoneiig duriaatsiin bishuu