Өнгөрөгч Ням гаригийн үдэш Шотландын Гласгоу хотноо 2014 оны MTV Europe Music Awards наадам болж өнгөрсөн. 2003 онд Шотландад энэхүү наадам болсноос хойш энэ жил ахин зохион байгуулагдсан нь энэ боловч Гласгоу хотод анх удаагаа болж өнгөрсөн хэрэг байлаа. 20 дахь жилийнхээ ойг тэмдэглэж байгаа гэдэг утгаараа урьд өмнөх жилүүдийнхээс илүү нүсэр том болж өнгөрсөн тус наадмын агшнуудыг харуулсан фото багцыг толилуулж байна.
Энэхүү наадмын нэр хүндтэй шагнал Global Icon-ыг Black Sabbath хамтлагийн гоцлол дуучин Ozzy Osbourne хүртжээ. Best Worldwide Act шагналыг Хятадын дуучин Bibi Zhou хүртсэн бол Best Hip Hop шагналыг дуучин Nicki Minaj авсан байна. 2014 оны наадмын Best Male шагналыг дуучин Justin Bieber хүртсэн нь дараалан тав дахь удаагаа энэ шагналын эзэн болсон явдал байжээ. Katy Perry, Beyonce нарын зарим уран бүтээлчид наадамд оролцож чадаагүй нь шүтэн бишрэгчдийг гонсойлгосон байна. One Direction хамтлаг энэ наадмын хамгийн олон шагнал хүртсэн нэр дэвшигч бөгөөд Best Pop, Best Live, Biggest Fans шагналуудыг хүртсэн ч өөрсдөө наадамд оролцож чадаагүй юм. Америкийн залуу дуучин Ariana Grande шоу ертөнцийн томчууд болох Beyoncé, Katy Perry, Nicki Minaj, Taylor Swift нарыг ардаа орхиж, Best Female шагналыг хүртсэн байна.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
