Ер бусын газарт байрласан эгэл жирийн сууцнууд

Толгой хоргодож өдөр хоногийг өнгөрүүлэх байшин сууц нь хүмүүс бидний хувьд амин чухал хэрэгцээний нэг. Хүн бүрийн амьдрах гэр сууц хөрөнгө чинээнийхээ хэрээр харилцан адилгүй байх ч энд бид хамгийн өвөрмөц содон газруудад байрлах боловч энгийн л нэгэн байшингуудын фото мэдээллийг хүргэж байна. Эдгээр жирийн байшингууд нь арал дээр, хад чулуун дээр, модон дээр тэр ч бүү хэл барилгын дээвэр дээр гээд санаанд оромгүй газруудад байрлаж байгаагаараа өвөрмөц юм.

1. Paro Taktsang буюу Барын үүр хийд

Бутан дахь хамгийн алдартай хийдүүдийн нэг энэхүү хийдийн тухай домогт өгүүлснээр хийдийг үүсгэн байгуулагч гуру Padmasambhava барын нуруун дээр суун энэ газарт нисч ирсэн гэдэг. 1692 онд анх баригдаж эхэлсэн энэ хийд далайн түвшнээс дээш 3120 метрийн өндөрт хадан цохионы энгэрт, Паро хөндийн хэвлийгээс 700 орчим метрийн өндөрт байрладаг. 7 сүм бүхий энэ хийд нь олон нийтэд нээлттэй байдаг ч хөл нүцгэн эсвэл гэрийн шаахайтай орохыг зөвшөөрдөг байна.

2. Хадан завсарт байрласан байшин

Францын Бриттани мужид хоёр том боржин хадны завсарт хавчуулагдан орших энэ байшин 1861 онд баригджээ. Олон улсын аялал жуулчлалын обьект болсон энэ байшинд олны хөл хөдөлгөөн сөрөг нөлөө үзүүлж эхэлсэн тул тусгай хамгаалалтанд авсан.

3. Аварга үхэр чулуунуудын дундах байшин

Португалын умард хэсгийн Фэйф мужид орших энэ байшин хоёр том үхэр чулууны дунд хавчуулагдан оршдог. 1974 онд баригдсан энэ байшинг нэгэн фермер гэр бүл улирлын чанартай сууц болгон ашигладаг байжээ. Энэхүү байшинд цөөн тооны салхин сэнс ашигладгийг эс тооцвол гэрэл, ус зэрэг хангамж байхгүй юм байна.

4. Дээвэр дээрх байшин

Хятадын Хунань мужийн Жужоу хотод орших Жиутиан олон улсын худалдааны төвийн барилгын орой дээр байрлах энэ сууцнуудыг хүмүүс тэр бүр мэддэггүй. Гэхдээ сониучирхвал зэргэлдээх өндөр барилгаас дуран ашиглан байшин болон түүний эздийг ажиглах боломжтой. Нутгийн эрх мэдэлтнүүдийн зөвшөөрлөөр баригдсан эдгээр сууцнуудын эргэн тойронд ногоон байгууламжийг сайтар шийдэж өгсөн байна. Гэхдээ энэ улсын хувьд байшингийн дээвэр дээр байшин барьсан анхны тохиолдол энэ биш юм. Үүнээс өмнө Вухань хотын 12 давхар барилгын орой дээр 4 орон сууц баригдсан байдаг. 2011 онд Бээжин хот сүүлийн 20 жилийн хугацаанд баригдсан 12-оос доошгүй давхар барилгуудын оройг амьд ногоон дээвэртэй болгох хууль танилцуулсан. Аюулгүй байдлын үүднээс лэндскейп дизайнерууд ногоон дээврийг ихэвчлэн өвс болон намхан ургалттай ургамлаар бий болгож байгаа аж.

5. Арал дээрх байшин

Исландын өмнөд эргийн Vestmannaeyjar олтриг нь хэд хэдэн арлаас бүрддэг ба хамгийн том Heimaey арал нь 4135 оршин суугчидтай, үлдсэн арлууд нь хүн оршин суудаггүй боловч 6 нь ангийн жижиг байшингуудтай. Эдгээр арлуудын нэг дээр энэ байшин оршдог.

6. The Rock зоогийн газар

Занзибарын Michamwi Pingwe хойгт, далайн усан дотор орших хадан цохион дээр байрлах энэ зоогийн газрын нэр нь The Rock. Завиар эсвэл бүр алхаад ч очиж болох энэхүү жижигхэн зоогийн газар нь амттай хоолоор үйлчилдэг.

7. Хадан арал дээрх байшин

Гондурасын Bay Islands-ын хадан цохион дээр, 10 орчим метрийн өндөрт, шүрэн арлаар хүрээлэгдэн байрлах энэ байшин нь 6 унтлагын өрөө мөн төчнөөн тооны угаалгын өрөө бүхий 4 том гюэст хаус юм.

8. Модон дээрх байшин

Хотын чимээ шуугиант амьдралаас залхсан хүний хувьд тун сайхан сууц.

9. Хуш модон дээрх байшин

Америкийн Вашингтон мужийн хаа нэгтээ орших энэ байшингийн шал болон дээврийн нэвтлэн 200 жилийн настай хуш мод ургадаг. Байшин модон дээр 15 метрийн өндөрт байрладаг.

10. Гүүрний тулгуран дээр орших байшин

Францын Верноны билэг тэмдэг The Old Mill хэмээх энэ байшин Seine гол дээр хуучин гүүрний хоёр тулгуур баганан дээр байрладаг. Францын олон зураач нарын уран бүтээлийн сэдэл болдог байшин ажээ.

11. Жеймс Бондын арал дээрх байшингууд

Усан дунд орших аварга том хадан дээр орших энэ хоёр байшин бол үнэхээр гайхмаар харагдаж байгаа ч үнэн хэрэгтээ фотошоп программаар бүтээгдсэн юм. Анзаарч харвал хоёр хад адилхан байгаа. Тайландын Ao Phang-Nga үндэсний цэцэрлэгт хүрээлэнд, Андаманы тэнгист орших энэ хадыг Khao Phing Kan гэдэг ба 1974 оны James Bond-ын кинонд дүрслэгдсэнээр Жеймс Бондын арал хэмээн алдаршсан байна. Мөн энэ хадны орой дээр юу ч байхгүй юм.

12. Мандах нарны орны хамгийн эртний орднуудын нэг Matsumoto ордны орой дээрээ давхарлан барьсан загвар бүхий энэ барилга 1593 онд баригджээ.

2

Гайхмаар

0

Гоё

0

Ха Ха

0

Хөөрхөн

0

Бахархмаар

0

Харамсалтай

0

Тэнэглэл

0

Буруу

Баярлалаа!