Цонхгүй нисэх онгоцнууд зорчигчдод хөх тэнгэрийн гайхалтай зураглалыг харуулна

Британий технологийн судалгааны Center for Process Innovation компани өөрсдийгөө агаарын тээврийн салбарт томоохон алхмыг хийсэн хэмээн үзэж байна. Тэд нисэх онгоцнуудын цонхнуудыг байхгүй болгохыг хүсэж байгаа ба оронд нь онгоцны их биеийн уртын дагуу байрласан OLED мэдрэгч дэлгэцийг байрлуулахыг хүсэж байгаа аж. Энэхүү дэлгэц нь нисэх онгоцны гадна талд байрласан камерын тусламжтайгаар онгоцон дотор яваа зорчигчдод гадаах байдлыг панорам маягаар харуулах юм байна.

Тэдний өгүүлж буйгаар цонхнууд нь зорчигчийн нисэх онгоцонд ямар ч хэрэгцээгүй жинг нэмж байдаг хамгийн том хүчин зүйл гэнэ. Цулгуй хана нь бат бөхийн зэрэгцээ онгоцны ханыг байж болох хэмжээгээр нимгэн хийх боломжийг бүрдүүлэх аж. OLED дэлгэцнүүд нь гадаах байдлыг харах боломжийг олгохын зэрэгцээ зорчигчдод зугаа цэнгэлийн үзүүлбэр болон онгоцны үйлчлэгчийн үйлчилгээг сонгох боломжийг олгох юм байна.

Шинэ бүхнийг үгүйсгэгчид хэзээд байдгийн жишгээр кабин доторх гэрлийн бохирдол хийгээд панором маягийн гадаах байдлын дүр зураг нь нисэхээс айдаг хүмүүст тус болж чадахгүй гэсэн мэдэгдлүүд ч хийгджээ.

Онгоцны их биеийн дагуу байрласан OLED дэлгэцнүүд нь зорчигчдод гадаах байдлыг панорам маягаар харуулна.

Мэдрэгч дэлгэцнүүд нь зорчигчдод нислэгийн мэдээлэл болон онгоцны үйлчлэгчийн үйлчилгээг авах боломжийг олгоно.

Дэлгэцнүүд нь интернэт болон хэвлэл мэдээллийн үйлчилгээ авахад тусална.

Center for Process Innovation компани бүх зорчигчийн цонхнуудыг үгүй болгосноор онгоц илүү нимгэн, хөнгөн, бат бэх ханатай болно гэж мэдэгдэж байна.

Видео

1

Гайхмаар

0

Гоё

0

Ха Ха

0

Хөөрхөн

0

Бахархмаар

0

Харамсалтай

0

Тэнэглэл

0

Буруу

Баярлалаа!