Цоо шинэхэн ламинат шал маань чийгнээс болж овойгоод бүр хайран санагдаад байсан юм, харин ухаалаг найз маань яаж үүнийг засахыг надад зааж өглөө

Ламинат – орчин үеийн засал чимэглэлд өргөн ашиглах болсон. Загварлаг бөгөөд ямар ч хэв маягтай нийцнэ. Өнгө, үнийн сонголт их, өөрийн санхүүгийн чадамжиндаа тааруулаад авах бүрэн боломжтой. Гэхдээ ламинат шалтай хүмүүс амархан гэмтэж болохыг сайн мэддэг. Өнөөдөр бид чийгнээс болж овойсон шалны тухай ярилцах болно.

Ямар ч мөнгө заралгүйгээр асуудлыг шийдэх аргыг бид танд танилцуулъя.

Ламинат шал овойж боссон тохиолдолд яах вэ?

Юуны түрүүнд яагаад овойгоод байгаагийн учрыг олцгооё. Мэдээж гол шалтгаан – чийг. Ламинат шалны ихэнх төрөл усанд тэсвэргүй байдаг юм. Усанд автах нь бүү хэл багахан чийгийг ч тэвчихгүй. Үүнээс болоод шал овойж эхэлнэ.

Угаалгын эсвэл аяга таваг угаагч машин эвдэрч ус алдах нь бий. Мөн байнга нэг газраа байдаг гэрийн тэжээвэр амьтны аягатай ус асгарч болно. Нойтон гуталтайгаа орж ирээд л үүдэндээ тайлж орхидог. Ерөнхийдөө шалны гадаргуу дээр чийгтэй зүйл удаан байх бүх тохиолдол хамаарч байгаа юм. Шалыг овойлгохгүйн тулд энэ бүх шалтгаануудаас л зайлсхийвэл зохино.

Заримдаа ус алдаагүй байхад ч гэсэн шал овойсон байхыг олж мэддэг. Энэ тохиолдолд үнэхээр яахаа мэдэхгүй. Гэхдээ асуудлыг шийдэх арга бий, маш энгийн бөгөөд найдвартай арга.

Ламинат шалыг яаж аврах вэ?

Юуны түрүүнд бүх усыг шавхаж ав. Ламинат шалны гадаргууг алчуураар арчиж сайтар хатаа. Шал бүрэн хатахаараа эргээд анхны хэлбэртээ орж болно. Хэрвээ овойсон хэвээрээ байвал дараагийн арга хэмжээг авна.

Цаасан алчуур эсвэл даавуу бэлд. Аль болох нимгэн байх ёстой, гэхдээ байгалийн цэвэр гаралтай материал байхыг анхаараарай. Өндөр хэмд хайлахааргүй даавуу байх ёстой.

Одоо индүү аваад дунд хэм дээр тохируулна. Индүүний уурыг унтраа. Даавуугаа овойсон шалан дээр дэлгэж тавиад хэд хэдэн удаа индүүднэ. Болгоомжтой байгаарай, шалаа түлэх вий. Даавууны доор шал яаж байгааг байнга шалгана. Хэдэн минутын дараа шал эргээд хэвэндээ орсон байх ёстой юм. Ламинат шал овойсон бол яах вэ гэдэг асуултын хариултыг би танд хэлж өглөө.

Ламинат шалыг яаж арчлах вэ?

Энэ төрлийг шалыг удаан хугацаанд сайхнаар нь хадгалж үлдэхийг хүсвэл байнга арчилж байгаарай. Тоос сорогчоор сорох гэж байгаа бол паркетан шаланд зориулсан тусгай хошууг нь заавал хийнэ. Ширүүн үстэй сойзоор шалаа угаахаас зайлсхий. Ер нь шалаа угаахдаа маш болгоомжтой хандаж заншаарай. Хэтэрхий нойтон алчуураар арчих хэрэггүй. Бага зэрэг чийгтэй алчуураар арчаад дараа нь хуурай цэвэрлэгээ хийвэл зохино.

Бидний зөвлөгөө танд тус хүргэнэ гэж найдаж байна. Орон сууцанд ламинат шал тавих нь зөв, буруу гэж барилгачид маргалдаж л байг. Харин бид гоёмсог шалаа зөв арчилж сурцгаая.

Уншигч танд энэ нийтлэл тус болсон уу? Эсвэл танд бусдадаа санал болгох өөр сайн арга байгаа юм биш биз?

12

Гоё

3

Хөөрхөн

2

Ха Ха

2

Тэнэглэл

1

Гайхмаар

1

Бахархмаар

0

Харамсалтай

0

Буруу

Баярлалаа!