Гэрийн тань цонх цантаж, хөлөрдөг бол ганцхан удаа энэ аргыг хэрэглээд л цонхны цангаас үүрд салах болно

Өвөл болгон бид нэг л асуудалтай тулгардаг – цонхны цанталт болон хөлрөлт. Хэмийн эрс өөрчлөлтөөс болоод чийгшил нэмэгдэж таагүй нөхцөл байдал үүсгэдэг. Гэхдээ сэтгэл санаагаар унах хэрэггүй дээ, бид цонхны цангаас нэг мөр салах аргыг танд танилцуулж байна.

Цонхны цанталтаас хэрхэн салах вэ?

Цанталт зөвхөн муухай харагдаад зогсохгүй мөн амаргүй асуудал үүсгэж болзошгүй. Хүний эрүүл мэндэд хортой хар хөгц үүсэх таатай орчныг бий болгодог юм. Тийм учраас илүүдэл чийгийг байнга арилгаж байх ёстой. Мэдээж өдөр болгон хөлөрсөн цонхоо арчаад байж болох л юм. Гэхдээ үүнээс илүү үр дүнтэй арга байх ажээ.

Чийгтэй хувцас

Юуны түрүүнд цонх цантсан үед юу хийх ёсгүйг мэдэж авцгаая. Бидний зарим нэг үйлдэл чийгшлийг улам нэмэгдүүлэхэд хүргэдэг. Жишээ нь, өрөөндөө угаасан хувцас хатаах. Хувцас хатаахад чийгшил нь ууршиж шилэн дээр буух тул цонх улам илүү хурдан цантаж эхэлнэ.

Тийм учраас өрөөндөө аль болох хувцас хатаахгүй, хатаавал цөөхнөөр нь хатаахыг хичээгээрэй. Боломж нь байдаг бол тагтан дээр эсвэл хатаагч машинд хатаана. Эсвэл нэг жижигхэн өрөөнд хувцас хатаах үедээ халаагуур ажиллуулж чийгийг богино хугацаанд арилгана.

Тасалгааны цэцэг

Харамсалтай нь бидний ногоон ургамал өөртөө чийг ихээр цуглуулдаг. Ургамал өөртөө чийг цуглуулаад зогсохгүй өөрийн орчин тойронд чийгийг бий болгодог. Нэг газар хэдий хэр их ургамал байна төдий чинээ их чийг байна гэсэн үг. Тийм учраас цонхны тавцан дээр байгаа ургамлаа авах. Тэнд байх ямар ч ашиггүй болоод байна шүү дээ.

Тасалгааны цэцгийг ер нь өвөлд урьдчилан бэлдэж, нэг дор олон цэцэг байрлуулахгүй гэртээ тарааж тавихыг хичээгээрэй. Ингэж байж л цонхыг цантахаас аварч чадна.

Цонхны цанталтыг давсаар арилгах

Бид чийгшлийг өөрийнхөө боломжоор багасгалаа. Харин одоо илүүдэл чийгийг ямар нэгэн зүйлд шингээх хэрэгтэй. Энэ үед ердийн давс хэрэг болно. Цанталт арилгах тал дээр найдвартай үр дүн өгдгөөрөө алдартай. Давс өөртөө чийгийг сайн шингээдэг. Мөн сөрөг энергийг ч зайлуулж чаддаг!

Юу хийх ёстой вэ? Цонхныхоо ойролцоо давс хийсэн сав тавиарай. Ингээд л давс өөртөө илүүдэл чийгийг шингээх болно. Хэсэг хугацааны дараа давс хатуурна. Энэ үед давсыг хэдхэн минут богино долгионы зууханд хийж хатаана. Буцаагаад цонхны тавцан дээрээ тавина.

Та цонхны цанталтаас салах аргыг мэдэж авлаа. Маш энгийн арга, гэхдээ үр дүнтэй. Өвлийн бэлтгэлүүд танд хэрэг болж мэдэх юм. Гэр орноо тув тухтай байлгахад ч тустай.

14

Хөөрхөн

7

Гоё

6

Ха Ха

6

Буруу

5

Гайхмаар

3

Бахархмаар

3

Тэнэглэл

2

Харамсалтай

Баярлалаа!