Хоёр өөр ертөнцийн хоёр залуу хүний хайрын түүх.
Хайрлаж дурлахад хил хязгаар гэж үгүй. Үүнийг батлах маш олон нотолгоо ч бий. Якут, Нигер хоёрыг юу нэгтгэдэг гэж та бодож байна. Оросын хамгийн хүйтэн бүс нутаг болон африкийн халуун улс орны хооронд адил төстэй юу л байв гэж дээ? Тэгээд ч өөр хоорондоо 15 мянга гаруй километрийн зайтай оршиж байгаа газар.
Гэхдээ нэг л зүйл тодорхой байна. Энэ нь Ярослав. Ээж нь Нигер гаралтай, харин аав нь нутгийн уугуул Дмитрий болон ой гарантай тэдний хүү.
Хоёр залуугийн хайрын түүх үнэхээр сэтгэл хөдөлгөмөөр. Хосууд 5 жил гарны өмнө Петербургт танилцжээ.
Дмитрий амралтаараа Хойд нутгийн Венец үзэхээр ирсэн бол нигер бүсгүй Рут Тетте тус хотын их сургуулийг дүүргээд нутаг буцах гэж байв.
Гэхдээ бүсгүйн хувь тавилан өөрөөр эргэсэн юм. Тэр цас мөсний орноос ирсэн цэнхэр нүдэт цагаан залуутай учирчээ.
Дмитрий хотын гудамжаар алхаж түүхэн дурсгалт барилгууд, хөшөө, гүүрний зураг авахаар шийдсэн ч оронд нь энэ л бүсгүйтэй таарсан байна. Бүсгүй ч гэсэн Петербург-д өнгөрөөх сүүлчийн өдрөө хотоор зугаалахаар шийдсэн байв.
Дмитрий харийн нутгийн бүсгүйн гэрэл зургийг нууцаар дарах гэж оролдож л дээ. Даанч бүсгүй зөвшөөрөлгүй зураг авалт явагдаж байгааг анзаарсан тул Дмитрий уучлалт гуйхаас өөр аргагүй байдалд оров.
Ямар ч алдаа мадаггүй төгс англи хэлээр уучлалт гуйсан нь нигер бүсгүйг гайхшралд оруулжээ. Ингээд тэд элдвийг ярьцгаан бүхэл оройжингоо хотын гудамжаар цугтаа зугаалжээ.
Тэр цагаас хойш Рут зүрх сэтгэл нь нутаг руу нь явуулахгүйг ойлгосон гэдэг.
Тэд Петербургт үлдэцгээж хормын уулзалт нь хайр дурлалын түүх болон хувирчээ. Хэсэг хугацааны дараа Дмитрийн нутаг буцахад хүрч, яагаад гэвэл ажил төрлийн улмаас үлдэх боломжийг олгоогүй юм.
Тэдний харилцаа таван жил үргэлжилсний эцэст залуу хайртай нигер бүсгүйдээ гэрлэх санал тавихаар шийджээ.
Гэрлэх саналаа баавгайн хувцас өмсөөд Петербургийн гудамжинд тавьсан гэдэг. Бүсгүй ч удаан бодсонгүй зөвшөөрсөн хариу өгч тэд цугтаа Якутыг зорьжээ.
Нутгийн ард иргэд гэр бүлийн хосыг шоколад, зефир гэж нэрлэх болсон төдийгүй яг л реалити-шоу үзэж байгаа юм шиг залуу хосуудын хайрын түүхийг сонирхдог болсон юм.
Зүгээр ч үгүй, бүр бооцоо тавьцгаасан байгаа юм: африк бүсгүй нутгийн эрийг удахгүй орхиж явна, явахгүй гэж.
Жил өнгөрч, Рут бүсгүй явсангүй, харин ч бүр Дмитрийд хүү төрүүлж өгчээ. Нутгийн ард иргэд ярих бас нэг сэдэвтэй болсон хэрэг: “Хэнийх нь цус давамгайлсан бол?”
Энэ бооцоог ч гэсэн хэнийх нь ч тал авч чадаагүй гэдгийг шуудхан хэлье. Ярослав хүү тас хар нүдтэй, цайвар арьстай, үс нь буржгар.
Дмитрий хайртай гэргийгээ Руся гэж дууддаг, харин бүсгүй нөхрийгөө “манай аав” гэнэ. Жинхэнэ, үнэнч хайранд юу ч саад болохгүйг энэ хос өөрсдийн биеэр нотолж чадсан юм.
Гоё
Хөөрхөн
Буруу
Ха Ха
Бахархмаар
Гайхмаар
Тэнэглэл
Харамсалтай
