Урт өдрийн дараа амарч алжаалаа тайлахыг хүн бүр хүсдэг нь мэдээж. Гэвч шөнийн турш унтаж амрахад таны бие бүрэн амарч чаддаг уу? Манай сайт уншигч танд унтаж амрахдаа хөлнийхөө завсар эсвэл өвдөг доороо дэр хийж унтвал биед ямар өөрчлөлт гарах талаарх мэдээллийг бэлтгэн хүргэж байна.
Нуруу цэх болно.
Хүний унтдаг байрлал сээр нурууны ясанд шууд нөлөө үзүүлж байдаг бөгөөд судалгаагаар хажуулдаж унтах үед хүний нурууны байрлал хазайж эхэлдэг нь ажиглагдсан тул хөлнийхөө завсар дэр хийж сээр нурууны ясыг эгцэлж унтахыг зөвлөдөг ажээ.
Үе мөч, нурууны доод хэсгийн өвдөлтөөс ангижруулна.
Нурууны архаг хууч өвчтэй, нурууны доод хэсгээр зовуурьтай байгаа хүмүүс унтах үедээ хөлнийхөө засвар дэр хийж унтсанаар сээр нуруу бүрэн амарч, нуруу орчмын өвдөлт намжих эерэг нөлөөтэй байдаг.
Жирэмсний үед дэр ашиглах нь хамгийн үр дүнтэй.
Бие давхар байхдаа унтах үед дэр ашиглах нь олон талын ач холбогдолтой байдгийг мэргэжилтнүүд онцолжээ. Жирэмсний үед хэрэглэх зориулалттай C болон U хэлбэрийн дэр нь бие давхар хүний биеийн ядаргааг тайлж, нуруунд ирэх ачааллыг багасгах нөлөө үзүүлдэг аж.
Гэхдээ дэрийг зөв байрлуулж унтах нь чухал.
- Өөрийгөө ихэвчлэн ямар байрлалд унтдаг гэдгийг тодорхойлоорой.
- Бэлхүүс болон ор хооронд сул зай үлдээхгүйгээр дэрээ байршуулахыг зориорой.
- Хөлний завсарт дэр байрлуулах үед сээр нурууны яс тэгширсэн эсэхийг шалгаарай.
- Хэрэв та хоёр хөлөө өвдгөөр нь нугалж унтдаг бол хоёр дэр ашиглах ч боломжтой.
Гэхдээ ийнхүү дэр тавьж унтах шийдвэр гаргахдаа эмчтэй зөвлөх шаардлагатай гэдгийг анхаарна уу.
Дэрийг нуруу болон хөл доор зэрэг байршуулах боломжтой.
Хэрэв та дээш харж унтдаг бол нурууны доод хэсэгт алчуур тавьж, хөл доороо дэр байрлуулж унтсанаар сээр нуруу амарч, нурууны өвчин намжих эерэг нөлөөтэй. Ийнхүү нуруун доор алчуур тавьснаар сээр нурууны яс цэх болж, бүрэн амрах нөхцөл бүрддэг ажээ.
Таны хувьд ямар байрлалтай унтдаг вэ?
Гайхмаар
Буруу
Тэнэглэл
Гоё
Ха Ха
Хөөрхөн
Бахархмаар
Харамсалтай
