Аавынхаа оpшуулгын ёслол дээр даруулсан зурагнуудаа Инстаграмдаа нийтэлсэн инфлюенсер бүсгүй маш их шүүмжлэл хүлээн авснаар өөрийн Инстаграм хуудсаа устгажээ.
Jayne Rivera хэмээх бүсгүй аавынхаа нээлттэй байгаа авсны өмнө даруулсан зургаа, “Амгалан нойрсоорой аав аа, та миний хамгийн сайн найз байлаа. Аз жаргалтай сайхан амьдралаар амьдарч чадсан гэж итгэж байна” гэсэн тайлбартайгаар нийтэлсэн юм.
Daily Mail хэвлэлийн мэдээллэж буйгаар тэрээр уг зурагныхаа тайлбарт #dadless буюу аавгүй гэсэн утга бүхий хаштаг хэрэглэсэн байжээ. Тэрээр Инстаграм хуудастаа нийт 8 зураг оруулсан бөгөөд инээмсэглэсэн, мөрөн дээгүүрээ хүлээж ядсан царай гаргасан, хоёр гараа залбирч буй мэт алгаа хавсарсан зураг нийтэлсэн байсан юм.
Түүний хувьд энэхүү гэрэл зургуудаараа аавыгаа хүндлэл дүүрэн үдэн гаргасан гэдгээ харуулахыг зорьсон ч түүний дагагчид энэ үйлдлийг нь байж боломгүй бүдүүлэг, зохисгүй үйлдэл байлаа хэмээн шүүмжилжээ.
Тэдгээр гэрэл зургуудыг харсан дагагч нар нь, “Огтхон ч сайхан зүйл алга. Нээлттэй байгаа авсных нь өмнө зураг даруулах нь тийм ч зөв зүйл биш байна. Амгалан нойрсог”, “Арай ч дээ, ой гутмаар үйлдэл байна”, “Ийм зүйл нийтэлснээрээ чи өөрийгөө хэн гэдгийг бидэнд сайн таниуллаа” гэх мэт сэтгэгдлээ бичиж үлдээжээ.
“Hi, my name is Jayne Rivera and I like taking photo shoots during my dad’s funeral. Yup, that’s him in the casket.”
She’s posted EIGHT photos on Instagram in various poses.
🤦🏼♂️🤦🏼♂️🤦🏼♂️🤦🏼♂️🤦🏼♂️🤦🏼♂️🤦🏼♂️🤦🏼♂️🤦🏼♂️🤦🏼♂️ pic.twitter.com/IN80MOvm4V— Myron My (@myronmy9) October 26, 2021
this Instagram model’s father passed away,,,, and she did a photo shoot with the open casket…. pic.twitter.com/u1EVNxaajz
— Mac McCann (@MacMcCannTX) October 26, 2021
Ийнхүү маш их шүүмжлэл авсан Флорида мужийн инфлюенсер бүсгүй өөрийн 84,000 дагагчтай Инстаграм хуудсаа устгажээ. Инстаграм хуудаснаас гадна тэрээр Тик Ток сүлжээнд загвар, аялал болон усны хувцастай бичлэгүүдээрээ олны анхаарлыг татаж 300,000 дагагчтай болоод байсан юм.
Одоогоор тэрээр ямар нэгэн мэдэгдэл хийж, олон нийтээс уучлалт хүсээгүй байна.