Хүний бие гэдэг ахин давтагдашгүй онцгой бөгөөд өөрийн гэсэн гоо үзэсгэлэнг өөртөө шингээсэн байдаг гэдгээрээ онцлогтой байдаг билээ. Гэсэн ч шарх сорви зэрэг зүйлс хүний гадаад үзэмжинд сөргөөр нөлөө үзүүлэх нь бий. Тэгвэл Вьетнам гаралтай Ngoc Like хэмээх нэгэн шивээсчин бие дээрээ сорвитой, түүнийгээ далдлахыг хүсдэг хүмүүст зориулан сорви дээр нь шивээс хийж, хүмүүст өөртөө итгэлтэй алхах боломжийг ахин олгож эхэлжээ. Манай сайт уншигч танд түүний энэхүү гайхалтай ажлын талаар мэдээ хүргэж байна.
Мэргэжлийн дизайнер болохоор сурч байх үеэс энэ бүх түүх эхэлжээ.
Мэргэжлийн дизайнер болохоор сурч байх үедээ Ngoc Like сорви дээр зүгээр нэг шивээс хийгээд хүний нүдэнд анзаарагдахгүй байх боломжгүй гэдгийг ухаарсан тул асар их судалгаа хийж, олон төрлийн сорвинууд дээр ямар байдлаар шивээс хийвэл сорви бүрэн анзаарагдахгүй болох талаар судалжээ.
Тэрээр зөвхөн сорви дарж шивээс хийхээс гадна үйлчлүүлэгчдийнхээ эрүүл мэндэд онцгой анхаарал хандуулж ажилладаг бөгөөд үйлчлүүлэгчийн бие дээрх сорвинд тохирсон, түүний гадаад төрхтэй нийцсэн шивээсний загваруудыг санал болгон хийдэг ажээ.
Бие дээрх сорвиноосоо болж гадаад үзэмждээ сэтгэл дундуур явах болсон хүмүүст тусалсан 10 жил
Хэдийгээр сорви хүмүүсийг өөрөө өөртөө сэтгэл дундуур байх шалтгаан болдог ч өөртөө өөрчлөлт хийх хүчийг хүмүүст олгодог гэдэгт тэрээр итгэдэг. Түүн дээр хэзээ ч шивээс хийлгэхгүй гэж боддог байсан хүмүүс зөвхөн тэрхүү сорвиноос болж ирж үйлчлүүлэх явдал олон гардагтай энэ нь холбоотой ажээ.
Өнгөрсөн хугацаанд тэрээр улс орон даяар маш олон үйлчлүүлэгчтэй болжээ
Түүний үйлчлүүлэгчдийн дийлэнх хэсэг нь 50-90 насны хүмүүс байдаг гэнэ. Түүнчлэн тэрээр үйлчлүүлэгчидтэйгээ байнгын холбоотой байж, өөрсдийн туршлагаа хуваалцдаг ажээ.
Түүнд ирээдүйд хийж гүйцэлдүүлэхийг хүсдэг олон зорилго бий
Тэрээр цаашдаа өөрийн энэхүү ажлаа улам бүр өргөжүүлэх хүсэлтэй байгаа бөгөөд “Ngoc Like Tattoo” нэртэй Youtube сувгаараа дамжуулан хүмүүст хэрхэн өөртөө итгэх итгэлийг нь эргүүлэн өгч байгаа тухай бичлэгүүдээ хуваалцсаар байна.
Тэрээр хүмүүсийн шивээсний тухай ерөнхий ойлголтыг өөрчилж, дэлхий даяар өөрийн ажлаа чөлөөтэй хийж явахыг хүсдэг ажээ.
Түүний хувьд үйлчлүүлэгч нь бусдын өмнө бүрэн итгэлтэй байх боломжийг бүрдүүлэх нь хамгийн чухал зорилго
Тэрээр ажлаа хийж гүйцэтгэж дууссаны дараа үйлчлүүлэгчдийнхээ сэтгэл ханамжид хамгийн их анхаарал хандуулдаг бөгөөд сорвиноосоо санаа зовдог байсан хүмүүс түүнээсээ хэрхэн ангижирч байгааг харах хамгийн сайхан байдаг хэмээн ярьжээ. Түүнчлэн түүнд маш олон үйлчлүүлэгчдээс нь ахин төрсөн мэт өөртөө итгэлтэйгээр алхаж чадах болсондоо талархаж байгаа тухай зурвасууд ч тогтмол ирдэг нь түүнд аз жаргалыг мэдрүүлдэг хэмээжээ.
Гоё
Хөөрхөн
Ха Ха
Гайхмаар
Бахархмаар
Харамсалтай
Тэнэглэл
Буруу
