Хүүхэлдэйн киног зөвхөн хүүхдүүдэд л зориулж бүтээдэг гэж бодож байвал та андуурч байна. Хурц өнгөтэй ч жирийн үйл явдалтай хүүхэлдэйн кино үзэх үнэхээр сонирхолтой. Зарим нэг хүүхэлдэйн кинонд зөвхөн томчууд л ойлгох хэсэг хүртэл байдаг. Хүүхэлдэйн киноны зарим бүтээгчид өөр бусад алдартай уран сайхны болон олон ангит киноноос хуулбарлах явдал ч бий. Тухайн үед хүүхэлдэйн киног үзэж байхдаа таны анзаараагүй эсвэл ач холбогдол өгөөгүй хэсгүүдийг танилцуулахаар бэлдлээ.
1. “Toy Story 3” болон “Mission: Impossible”
Вуди тоглоом модноос унахад ар нуруунд нь байдаг уяа түүнийг авардаг. Том Крузийг ч гэсэн шалны дохиоллоос нуруунаас нь татсан олс авардгийг та санаж байгаа биз ээ.
2. “Ratatouille” болон “Rocky”
Хархнууд гал тогоонд хоол хийж байх үеэр нэг нь стейкний махыг боксын мешок шиг цоxиж байгааг харж болно. Энэ нь боксчин Рокки хөлдүү үхрийн мах цохиж байгаад хүндэтгэл үзүүлж байгаа хэрэг юм.
3. “Finding Nemo” болон “The Shining”
“The Shining” аймшгийн киноны Жек Торренс толгойгоо хаалганы цоорхойгоор гаргаад: “Here’s Johnny!” гэж хэлдэг. Энэ хэсгийг “Finding Nemo” хүүхэлдэйн кинонд мөн ашигладаг юм. Брюс нэртэй махчин загас хошуугаа нүхээр гаргаад “Брюс ирлээ” гэж хэлнэ.
4. “The Angry Birds Movie” болон “The Shining”
“The Shining” киноны хэсэг нэг биш хүүхэлдэйн кинонд давтагджээ. Жишээ нь, “The Angry Birds Movie” хүүхэлдэйн кинонд айлгадаг ихрийг мөн нэмсэн байна – бүрэн хэмжээний кино шигээ л.
5. “Finding Nemo” болон “The Birds”
Альфред Хичкокийн “The Birds” кинонд шувууд гэнэт л хүн рүү дaйрдаг. Хүмүүс рүү дaйрах сүрэг шувуудыг мөн “Finding Nemo” хүүхэлдэйн киноноос харж болно. Сүрэг цахлай амандаа загас хийсэн хотон шувуу руу дaйрна.
6. “Toy Story” болон “Indiana Jones and the Raiders of the Lost Ark”
“Toy Story” хүүхэлдэйн киноны нэг хэсэг дээр Базз Лайтер өөр рүү нь өнхрөх бөмбөрцгөөс зугтаадаг. Юу ч санагдуулахгүй байна уу? Зөв, Индиана Жонсын тэр л хэсэгт хүндэтгэл үзүүлжээ.
7. “Toy Story 2” болон “2001: A Space Odyssey”
“Toy Story 2” дээр “2001: A Space Odyssey” киноны хонгилтой яг адилхан хонгил гардаг юм.
8. “Brave” болон “Mononoke-hime”
Аль алинд нь гол дүрийн охин мориор гарамгай давхиж нyм сyм чадамгай хaрвадаг хэсэг бий.
9. “The Incredibles” болон “Die Hard with a Vengeance”
“The Incredibles” бараг тэр чигтээ “Die Hard” киног дуурайсан. Цагдаа Сэмюэл Л.Жексоны дүр рүү бyy тулгаж байхад (хүүхэлдэйн кинонд ч мөн дуу оруулсан) тэр тайван гэгч нь өөртөө ус аягалдаг – эсвэл гартаа утасны харилцуур авдаг.
10. “Zootopia” болон “Breaking Bad”
“Zootopia” хүүхэлдэйн кинонд шар хамгаалалтын хувцас өмссөн хонь нэгэн лабораторид цэнхэр бодис найруулж байгаа нь гарна. Яг л “Breaking Bad” олон ангит кинонд гардаг шиг.
11. “Zootopia” болон “The Godfather”
“Zootopia”-гийн ноён Биг – мaфийн босс ба “The Godfather”-ийн киноны Вито Карлеоны костюмтай яг адилханыг өмссөн байдаг. Ярихдаа хүртэл яг л түүн шиг ярьдаг даа.
12. “Rango” болон “Fear and Loathing in Las Vegas”
Хүүхэлдэйн киноны нэг хэсэг дээр Ранго гүрвэл “Fear and Loathing in Las Vegas” хэсэг дээр гардаг машины шилэн дээр наалддаг. Сонирхуулж хэлэхэд, уг киноны Рауль Дюкийн дүрийг Жонни Депп бүтээжээ. Тэр мөн хүүхэлдэйн киноны гол дүр Рангогийн дүрд ч дуу оруулсан гэдэг.
13. “Shrek” болон “The Matrix”
“Shrek” хүүхэлдэйн кинонд Гүнж Фиона дээpэмчидтэй тyлалддаг хэсэг гардаг. Түүний хөдөлгөөн – “The Matrix” киноны Тринитид хүндэтгэл үзүүлжээ.
14. “Shrek 2” болон “The Lord of the Rings: The Fellowship of the Ring”
Бөгж дээрээс унахдаа яг хуруунд орж сайхан таарна. Энэ үзэгдэл “Shrek 2” хүүхэлдэйн кинонд ч гарсан бас “The Lord of the Rings: The Fellowship of the Ring” кинонд ч бий.
15. “Shrek 2” болон “Spider-Man”
“Spider-Man” киноны үнсэлцдэг алдартай хэсгийг Шрек, Фиона хоёр давтжээ.
Үнэхээр анхааралтай үзэгч л анзаарч харах тийм нарийн ширийн зүйл кинонд байдаг.
Ха Ха
Бахархмаар
Гайхмаар
Гоё
Хөөрхөн
Харамсалтай
Тэнэглэл
Буруу
