Дэлхий дээр нийт 450,000 орчим төрөл зүйлийн ургамал байдгаас 35,000-70,000 орчим төрөл зүйлийн ургамлыг эмнэл зүйн зориулалтаар хэрэглэж байна. Манай сайт уншигч танд өрөө, тасалгаандаа тарьж ургуулахад тохиромжтой хүний эрүүл мэндэд эерэг нөлөө үзүүлдэг 7 төрлийн ургамлыг танилцуулж байна.
1. Гинкго Билоба буюу Пагодын мод
Хятадын анагаах ухаанд өргөнөөр хэрэглэгддэг энэхүү ургамал нь дэлхий дээрх хамгийн эртний модлог ургамлуудын нэг юм. Өөртөө үл исэлдүүлэгч болон үрэвслийн эсрэг агууламж өндөр агуулах тул ядарч сульдсан үед хэрэглэхэд нэн тохиромжтой. Түүнчлэн хүний сэтгэцэд эерэгээр нөлөөлж, ясыг хурдан нөхөн төлжихөд тустай.
2. Алтан товч цэцэг
Өдгөө цайнд ихээр хэрэглэгддэг алтан товч цэцэг нь нойргүйдлийг арилгаж, цусан дахь чихрийн хэмжээг бууруулж, бамбай булчирхайн хавдрыг анагаахад хэрэглэгдсээр иржээ.
3. Хуруувчин цэцэг
Үл исэлдүүлэгч ихээр агуулдаг хуруувчин цэцэг нь хүний дархлааны тогтолцоог дэмжиж, олон төрлийн вирус, нянгаар халдварладаг өвчний эсрэг эерэг нөлөө үзүүлдэг. Түүнчлэн ядаргаа тайлж, сэтгэл санааг тогтворжуулна.
4. Feverfew буюу өд цэцэг
Алтан товч цэцэгтэй тун адилхан энэхүү цэцэг нь халуун бууруулж, өвчин намдаах болон хавдрын эсрэг үйлчилгээ үзүүлдэг.
5. Цагаан гаа
Олон төрлийн хоолны амтлагч болон хэрэглэгддэг цагаан гаа нь жин хасч буй хүнд туйлын хэрэгцээтэй гэдгээрээ онцлог. Түүнчлэн жирэмсний үеийн дотор муухайрах явдлыг бууруулахаас гадна сарын тэмдгийн өвдөлтийг намжаахад ч хэрэглэгддэг ажээ.
6. Розмарин
Цагаан гааны нэгэн адил хүнсэнд өргөнөөр хэрэглэгддэг розмарин нь үл исэлдүүлэгчээр баялаг тул дархлааны тогтолцоог нэмэгдүүлж, сэтгэл санааг тайвшруулж, ой санамжид сайнаар нөлөөлнө.
7. Зуун наст
Олон мянган жилийн туршид хүмүүсийн хэрэглэж ирсэн зуун наст нь судалгаагаар тvлэгдэлт, арьс улайлт, батгашилтаас үүдэлтэй арьсны үрэвслийг намжаадаг нь тогтоогдсон байдаг.
Та гэртээ эдгээр ургамлуудаас тарьж ургуулдаг уу?