Нейл-салбар эрчимтэй өөрчлөгдөж байна. Өчигдөр моод байсан зүйл өнөөдөр зохимжгүй харагдах болжээ. Азаар дурласан ч гэлээ хуучирсан загварыг орлох шинэ дизайн хүч түрэн гарч ирнэ. Эдгээр нь илүү өнгөлөг, хумсыг улам ч гоёмсог харагдуулах ажээ.
Уншигч авхай нартаа зориулж маникюрын салбарт хийгдсэн шинэчлэлтийг танилцуулахаар бэлдлээ. Эдгээр нейл-дизайныг хараад таны нүд баясах биз ээ.
Муурын нүд
“Муурын нүд” хэмээгдэх хурц зураастай хумсны дизайн үеэ өнгөрөөжээ. Оронд нь гэрэл ойлгогчтой хумсны будаг ирсэн байна – одод гэрэлтэж байгаа юм шиг л харагдана.
Хумсыг нилэнхүйд нь нэг өнгөөр будах
Моодноос гарсан металл өнгөлгөөнд дуртай бүсгүйчүүдэд мэргэжилтнүүд өөр нэгэн хувилбарыг санал болгож байна – толин мөнгөлөг болон алтан өнгөөр тодосгох. Энэ нь шулуун байж болно, тодорхой нэг хумсан дээр тавьсан цэг ч байж болох юм.
Хурц анималист хээ
Анималист тренд хэвээрээ байгаа, гэхдээ илүү тайван, бусад загвартайгаа зохицохоор болж таарлаа. Ирвэс, тахийн арьсны хээтэй, тэр ч бүү хэл үхрийн арьсыг ч дуурайлгаж буддаг болоод байна. Хурц, неон зэрэг өнгүүдээс татгалзсан нь дээр: эдгээр нь одоо моод биш.
Цагаан френч
Сонгодог загварын френч маникюр түр зууртаа моодноос гарчих шиг боллоо. Нейл-дизайны мэргэжилтнүүд хумсны үзүүрийг цагаанаар будахын оронд хурц өнгөөр будахыг санал болгож байна. Мөн хэд хэдэн өнгийг ч хослуулах боломжтой, өөрөөр хэлбэл френч дээр зөөлөн хээ нэмэхийг зөвлөжээ.
Хэтэрхий урт хумс
Жил, магадгүй хоёр жилийн өмнө жүжигчид, загвар өмсөгчид урт хумсаараа гайхагдаж байлаа. Ийм “зэрлэг хумсгүй” л бол моодны бүсгүй болох боломжгүй мэт санагдаж байсан үе ч бий. Харин 2021 онд стилистүүд өөр өнцгөөс харж эхэлжээ, одоо богино, өөрт эвтэйхэн хумс илүү моод болоод байна. Орчин үеийн загвар нь тийм байгааг ойлгоорой.
Утга учиртай хээ хуар
Геометрийн хүнд дүрс, хээ хуарны оронд хөнгөхөн зураасаар л хязгаарлагдах боллоо. Мэргэжилтнүүд танд өнгөний өргөн сонголт санал болгоно: абстракц пастель өнгө, зуны хурц өнгө…
“Сахаран” болон “үслэг” хумс
Үслэг эдлэлийг санагдуулам цацлагатай хумс үнэндээ амьдралд нийцэхгүй байсан юм шүү. Ийм загвар тэтгэвэртээ гарсан нь ч дээр. Үүний оронд мэргэжилтнүүд гантиг загварыг санал болгож байна. Мөн хумсан дээрээ сувд шигтэхэд болохгүй зүйлгүй.
Хүүхэлдэйн киноны баатрууд
Хайр татам хүүхэлдэйн киноны баатруудын дүрсийг өнгөлөг абстракциар орлуулж болох юм. Мөн “хүүхэлдэйн баатар”-ын оронд нейл-мастерууд жимс, жимсгэнэ, тэгээд мэдээж таны зүрх сэтгэлийг эзэмдсэн смайл зуруулахыг санал болгожээ.
Хүнд чимэглэл
Даруухан загвар маникюрт моод болоод байгааг бид дурдсан. Тийм учраас хумсан дээрх пирсинг, хүнд наалт зэргийг нэг хэсэгтээ мартсан нь дээр. Жигд хэлбэр, минималист загвар – одоогийн тренд болоод байгаа зүйл.
Свитер болон дунгийн хясаа
Нэхээсний хээ эсвэл дунгийн хясааны хээ биднийг өвлийн улиралд дулаацуулдаг байж дээ, харин одоо ийм загварыг хоцрогдсон гэж үзэх болоод байна. Ийм дүрс шинэ хувилбарт шилжжээ: тусдаа бичилт, этгээд хачин тэмдэг эсвэл үелсэн арьсыг санагдуулам наалт моод болсон.
Неон
Неоноос бүрмөсөн татгалзана гэсэн үг биш л дээ, гэхдээ аль болох багасгахаар болж байна. Неон френч, xүчиллэг зураас, толбо, зөөлөн сүүн түрхлэг эсвэл өнгөгүй будаг нь зуны улиралд гоёмсог харагдана.
Та шинээр гарч ирсэн нейл-трендэд ямар ханддаг вэ? Өөрийнхөө хумсанд аль дизайныг сонгохоор шийдэв?