Түм түжигнэж, бум бужигнасан хотын амьдрал амаргүй. Гэхдээ багахан санаачлага, сэтгэл гаргахад асуудлын тал нь өөрөө шийдэгдээд явчих жишээтэй. Тэр ажлыг хотын захиргаа юу, үүрэг хүлээсэн тусгай албаны ажилтнууд уу эсвэл жирийн ард ирдэг хийж байгаа эсэх нь огт хамаагүй – эцсийн дүндээ хотын оршин суугчдын амьдралыг л хөнгөвчилж өгч байгаа нь чухал. Хийсэн ажлын үр дүн яах аргагүй бусдын анхааралд өртөх нь мэдээж.
Бидний амьдрах орчныг сайжруулж бас аюулгүй орчныг бүрдүүлж өгч байгаа эдгээр санаачлагыг, стандарт бус шийдлийг бид сайшаах нь зүйтэй. Тиймээс бид сайтар бодож хийсэн дизайны шийдлүүдийг танилцуулахаар шийдсэн юм.
20. Гэрлэн дохион дээр явган хүний дохиог идэвхжүүлэх зайнаас мэдрэгч төхөөрөмж
19. Энэ дэлгүүрийн хүнсний тэргэн дээр цахилгаан сканер суурилуулжээ – сонгосон барааны үнийг уншуулаад шууд мэдэж болно, ингээд нийт худалдан авалтынхаа дүнг урьдчилан мэдэх боломжтой
18. Бүхээг болгон нь өөрийн гэсэн гэрэлтүүлэгтэй нийтийн бие засах газар. Аль бүхээг чөлөөтэй байгааг мэдэхийн тулд хаалга болгоныг түлхэж үзэх шаардлагагүй болжээ
17. Франц дахь автобусны буудал. Энд цагийг зөв, боловсон өнгөрөөж болно – авсаархан номын сан дэргэдээ “ажиллуулдаг” юм
16. Цусны донорын нөөцийг харуулсан гэрлэн багана – аль бүлгийн цусны нөөц хангалттай эсвэл хангалтгүй байгааг гэрлээр илэрхийлжээ
15. Энэ цэцэрлэгт хүрээлэнд тэргэнцэртэй хүүхдэд зориулсан савлуур байдаг
14. Ариун цэврийн өрөөний хаалганы бариулд гар ариутгагч суурилуулжээ
13. Хэсэгхэн зуур дэлгүүр орох хэрэгтэй бол (жишээ нь, аялах зуур уух ус ч юм уу) хайртай амьтнаа агааржуулагчтай энэ бүхээгт үлдээж болно
12. Хүмүүс хоорондын зайг барих хэнд ч ойлгомжтой арга – урсдаг шатны гишгүүр дээр зохих тэмдэглэгээг хийжээ
11. Угаалтуурын ус зайлуулах нүх яг шингэн савны доор байрлажээ. Ийм системтэй байхад савангийн үлдэгдэл угаалтуур дээр дусаж бохирдохгүй
10. Галт тэрэгний бариул шаландаа хүрэхгүй, угаахад ч их амархан
9. Данид унадаг дугуйны замын дэргэд хагас налуу хогийн сав байдаг. Дугуйтай хүмүүс явуут дундаа хогоо хаях боломжтой
8. Хүнсний дэлгүүр тухайн бараа бүтээгдэхүүний байрлалыг заах хийлсэн агаарын бөмбөлөг ашигладаг ажээ – хүссэн бараагаа амархан олж болно
7. Энэ шат хажуудаа унадаг дугуйнд зориулсан тусгай замтай – дугуйтайгаа шатаар өгсөх, буухад ямар ч төвөг алга
6. Ус уух оргилдог цоргоны зохион байгуулалт: илүү гарсан ус доошоо тусдаа саванд орно – өөр бусад амьтдыг ундлахад тустай
5. Энэ эмийн сангийн лангуунд томруулдаг шил өлгөжээ. Өндөр настай эсвэл хараа муутай үйлчлүүлэгчид эмийн заавар, үнэтэй танилцахад зориулагдсан юм
4. Бид нийтийн бие засах газрын ус зайлуулах товчлуурт гараараа хүрэх нэг их дуртай биш. Тийм учраас энэ гишгүүрийг зохион бүтээжээ – хөлөөрөө гишгээд л асуудал шийдэгдэнэ
3. Энэ дэлгүүр үүдэндээ аяганы тавиуртай юм. Дэлгүүрт орохоосоо өмнө уух зүйлээ үлдээж болох нь
2. Цахилгаан шатанд ороод гар завгүй эсвэл хүнд юм өргөж яваа бол хөлөөрөө гарах давхрынхаа тоог дараарай
1. Италийн зарим нэг хүнсний дэлгүүрт та нохойгоо аваад орж болно. Хамгийн гол нь таны нохой дэлгүүрээс бэлдсэн тусгай тэргэнд суух ёстой
Та өөрийнхөө хотод ямар нэгэн сайхан зүйл олж хараад гэрэл зургийг нь дарсан юм биш биз? Сэтгэгдэл хэсгээр бидэнтэй гэрэл зургаа хуваалцаарай.