Италийн хойд хэсэгт байрлах Тироль мужийн Лаго-ди-Резия нуурыг усан цахилгаан станц барих зорилгоор ширгээх шийдвэр гаргажээ. Энэ шийдвэрийн ачаар 1950 онд усанд автаж живсэн Курон тосгоныг дахин харах завшаан тохиож байна. Тэртээ он жилүүдэд далан барьж хоёр нуурыг нэгтгэн нэгэн усан сан барихад уг тосгон усанд автаж байжээ.
Тосгонд 163 байшин байсан юм. Уснаас ил ганцхан сүмийн орой л харагдаж хоцорчээ. Харин одоо нуурыг ширгээсний дараа устаж cүйдсэн олон байшингууд ил гарч ирээд байна – зоорь, чулуун довжоо, хананы үлдэгдэл зэрэг.
Хиймлээр бий болгосон Лаго-ди-Резия бол аялал жуулчлалын газар – усанд автсан түүх болон уснаас цоройж харагдах 14 дүгээр зууны үеийн сүмийн орой олон жуулчдыг татдаг.
Гэрэл зураг дээр: Курон тосгон усанд автахаас өмнө.
Энэ газар үнэхээр алдартай – Netflix хүртэл Curon гэдэг нэртэй кино бүтээсэн юм.
Усанд автсан байсан тосгоноос үлдсэн зүйл гэвэл энэ л байна
Нутгийн ард иргэд болон жуулчид энэ газраар их сэлгүүцэх болжээ, сүүлийн 70 жилд анх удаа хүний хөлөнд дарагдаж байгаа нь энэ
Хаашаа ч хүрэхгүй шат
Уншигч та уг нийтлэлд дурдагдсан Curon киног үзэж байсан уу?