“Хүн зовлонгоо ярих мөртлөө аз жаргалтай байгаагаа барагтай бол анзаардаггүй. Аз жаргалыг ихэвчлэн өнгөрсөн, ирээдүй цаг дээр л бодоод байдаг нь хачин. Яагаад ч юм хийсвэрээр бодож сэтгэдэг. Тэгвэл тэр хайгаад, алсад одсон гэж бодоод байгаа, ирээдүйд ирнэ гэж хүсээд байгаа аз жаргал үргэлж дэргэд байдаг. Цаг мөч бүрт бид аз жаргалыг амсч л байдаг. Гол нь түүнийг мэдрэх нь л чухал.”
Энэ бол нийтлэлч Д.Мөнгөндалайгийн үг. Үнэхээр гарцаагүй үнэн зүйлийг тэрээр өгүүлжээ. Аз жаргалыг алс холоос хайх бус, ирэхийг нь хүлээх бус зүгээр л түүнийг мэдрэх хэрэгтэй аж. Аз жаргалыг хүн бүр өөр өөрийнхөөрөө тодорхойлдог. Харин бид энд АНУ-ын 16 дахь ерөнхийлөгчөөс эхлээд 14-р Далай лам, зохиолч, жүжигчин, дуучин, багш сурган хүмүүжүүлэгч, яруу найрагч, философич, хөтлөгч, уран бүтээлч, улс төр нийгмийн зүтгэлтэн, эрдэмтэн мэргэд зэрэг алдартнуудын аз жаргалыг томьёолсон үгсийг хүргэлээ. Үүнтэй хамтатган дэлхий дээрх хамгийн аз жаргалтай амьтад хэмээн цохогдсон амьтдын хайр татам, аз жаргал мэдрүүлсэн зурагнуудыг хүргэж байна.
50. “Үлгэр ихэвчлэн аз жаргалаар төгсдөг.” АНУ-ын 16 дахь ерөнхийлөгч Abraham Lincoln
49. “Аз жаргалгүй байгааг анагаах эм гэж үгүй.” Колумбын зохиолч Gabriel García Márquez
48. “Хөгжилдөн баясахад зарцуулж буй цаг хугацаа нь үр дүнгүй өнгөрүүлж байгаа цаг биш юм.” Зохиолч Marthe Troly-Curtin
47. “Аз жаргал гэдэг нь ямар нэгэн бэлэн болсон зүйл биш юм. Аз жаргал нь чиний өөрийн үйл хөдлөлөөс хамаардаг.” 14-р Далай лам
46. “Амьдралаа баяр баясалтай байлгах хамгийн чухал зүйл бол ямар ч зүйл болж байсан аз жаргалтай байх.” Британий жүжигчин Audrey Hepburn
45. “Өөрийгөө баярлуулах хамгийн шилдэг арга бол бусдыг баярлуулахыг хичээх.” Америкийн зохиолч Mark Twain
44. “Сэтгэл санаагаа өөдрөг байлгахад баясаж хөгжих зүйл үргэлж ойрхон байдаг гэдгийг би мэднэ.” Канадын зохиолч L.M. Montgomery
43. “Амьдралыг өөдрөг байлгахад ямар нэгэн хязгаар байдаг гэж би боддоггүй.” Америкийн зохиолч Jonathan Safran Foer
42. “Бид бүгд аз жаргалтай байхсан гэж амьдардаг. Гэтэл бүгд адилхан атлаа өөр өөрөөр амьдардаг.” Холокостын еврей хохирогчдын нэг Anne Frank
41. “Аз жаргалтай байна гэдэг төгс өдөр байна гэсэн үг биш. Харин төгс бус байдлаас давж харж байгаа хэрэг юм.” Ямайкын дуучин Bob Marley
40. “Хэрвээ чи сайн сайхан, эерэг бодолтой байвал тэр чинь чиний нүүр царайг нарны цацраг адил гэрэлтүүлж, үргэлж хайр булаам харагдах болно.” Британий зохиолч Roald Dahl
39. “Энэ богинохон амьдралыг амттай байлгах нь чамаас өөрөөс чинь хамаарна.” Хүний эрхийн төлөө тэмцэгч Sadie Delany
38. “Би өнгөрснийг бодож баясах биш одоо байгаа зүйлдээ баярлаж, хөгжиж чаддаг төрлийн хүн байх дуртай.” Америкийн зохиолч David Foster Wallace
37. “Хэрвээ бидний олонх нь авдартай алтнаас илүүтэй хоол хүнс, хөгжил баясал, дуу хуурыг дээгүүрт үнэлдэгсэн бол хорвоо дэлхий илүү аятайхан байхсан.” Английн зохиолч J.R.R. Tolkien
36. “Бидний сэтгэл санааг цэцэглүүлэх сайхан цэцэглэгч шиг биднийг аз жаргалтай болгодог хүмүүст талархаж бай.” Францын зохиолч Marcel Proust
35. “Аз жаргал чиний нэрийг сонсоод чамайг олохоор гудамж хэсэн гүйж байдаг.” Персийн яруу найрагч Hafez
34. “Аз жаргалыг бусдаас хүлээх хэрэггүй. Аз жаргалын түлхүүр нь чи өөрөө юм.” Америкийн зохиолч Alice Walker
33. “Хэрээс хэтэрсэн зүйлд санаа зовохоо болих нь аз жаргалтай байх цорын ганц зам юм.” Эртний Грекийн философич Epictetus
32. “Аз жаргалын нууц нь дуртай зүйлээ хийхэд бус хийж байгаа зүйлдээ дуртай байхад оршдог.” Шотландын зохиолч J.M. Barrie
31. “Аз жаргалыг би юу ч болж байсан дотроо эрх чөлөөтэй, амар тайван байх гэж тодорхойлно.” Америкийн ток шоуны хөтлөгч Oprah Winfrey
30. “Бурхан минь, аз жаргалтай агшин. Яагаад энэ бүх амьдралын туршид үргэлжилж болохгүй гэж?” Оросын зохиолч Фёдор Достоевский
29. “Аз жаргалын агшин бүрийг барьж ав. Хайрла, хайрлуул. Хичнээн тэнэг байсан ч энэ бол дэлхий дээрх цорын ганц бодит зүйл. Энэ бол бидний хүсэж буй цорын ганц зүйл.” Оросын зохиолч Лев Толстой
28. “Таны яг одоо амьдарч байгаа үе аз жаргал, баяр баясгалангаар дүүрэн байгаа. Анзаарч чадвал үүнийг мэдэрнэ.” Вьетнамын Зен буддист лам Thích Nhất Hạnh
27. “Бид аз жаргалтай байх гэж хичээхээ болих юм бол илүү аз жаргалтай болно.” Америкийн зохиолч Edith Wharton
26. “Аз жаргал бол өхөөрдөм хөөрхөн гөлөг юм.” Америкийн хүүхэлдэйн кино бүтээгч Charles M. Schulz
25. “Хамгийн энгийн зүйлсээс гоо сайхныг олж чадах хүч нь гэр орныг аз жаргалтай, амьдралыг сэтгэл татам болгодог.” Америкийн зохиолч Louisa May Alcott
24. “Үйл хөдлөл бүхэн аз жаргал авчрахгүй ч үйл хөдлөлгүй аз жаргал гэж үгүй.” Америкийн философич William James
23. “Та өөрийн амьдралдаа илүү ихээр талархаж, баясах тусам амьдралд чинь талархаж баярлах зүйл илүү олон гарч ирдэг.” Oprah Winfrey
22. “Аз жаргал нь нэг талаараа чамайг илүү нухацтай болгодог. Баяр баясгалантай байхад цаг хугацаа зарцуулах нь үнэхээр сайн хэрэг шүү.” Ирландын зохиолч C.S. Lewis
21. “Хэнд ч чамайг аз жаргалгүйгээр орхин явах боломжийг бүү олго.” Тереза эх
20. “Юу мэдэрч байгаагаа ухаарч, ямар ихээр хайрлаж, хайрлуулж байгаагаа мэдэрч, баяр баясгалантай байж чадсанаар бид амьдралаа аз жаргалтай болгож байгаа хэрэг юм.” Кариб-Америкийн зохиолч Audre Lorde
19. “Бид аз жаргалын хувьд зөв байх ёстой гэж би бодохгүй байна. Хэрвээ аз жаргалтай байгаа бол таларх.” Германы жүжигчин Marlene Dietrich
18. “Жинхэнэ аз жаргал гэдэг нь ирээдүйд санаа зовж бухимдахгүйгээр, итгэл найдвар, айдсын алинаас нь ч хамаарахгүйгээр одоо байгаа зүйлдээ сэтгэл хангалуун байж, өөр юуг ч хүсэхгүй байх юм.” Ромын философич Seneca
17. “Аз жаргалтай байх гарцаагүй замаа мартаад өөр бусдаас аз жаргалыг эрэлхийлж байгаа бол аз жаргалтай байж чадахгүй.” Америкийн хүний эрхийн төлөө тэмцэгч Martin Luther King, Jr.
16. “Би нэгэн удаа аз жаргал бол эрүүл мэнд, богинохон дурсамж гэсэн тодорхойлолтыг сонссон юм. Энэ бол туйлын үнэн юм.” Audrey Hepburn
15. “Аз жаргал болон утга учиргүй зүйл нь зоосны хоёр тал. Эд тусдаа байх боломжгүй.” Франц-Алжир гаралтай зохиолч Albert Camus
14. “Аз жаргалтай байхад их зүйл хэрэггүй. Энэ нь чиний бодлоос хамаардаг.” Ромын эзэнт гүрний удирдагч Marcus Aurelius
13. “Аз жаргал бол байгалийн эндэгдэл. Үзэсгэлэнтэй бөгөөд өө сэвгүй гажиг юм.” Америкийн зохиолч Pat Conroy
12. “Тэнэг хүн л аз жаргалыг алсаас хайдаг. Ухаантай хүн үүнийг өлмий доороосоо л ургуулдаг.” Америкийн зохиолч James Oppenheim
11. “Инээмсэглэл нь өчүүхнийг гаргах атлаа яг л нарны туяа харанхуйг гийгүүлж, өдөр болдогтой адил их зүйлийг өгдөг зүйл юм.” Америкийн зохиолч F. Scott Fitzgerald
10. “Би өдөр бүр зөв байхаасаа илүү аз жаргалтай байхыг эрхэмлэнэ.” Английн зохиолч Douglas Adams
9. “Аз жаргал, баяр баясгалан нь өдөр бүрт янз бүрийн хэлбэрээр нуугдаж байдагт итгэдэг би тэнэг хүн.” Америкийн зохиолч Kurt Vonnegut
8. “Аз жаргал нь цаг хугацааны уртад дутагдаж байгаа зүйлийг өсгөдөг.” Америкийн яруу найрагч Robert Frost
7. “Энэ бол би болоод хорвоогийн амар амгалангийн хоорондох ялгаа. Миний хувьд аз жаргал хангалтгүй байна. Би баясал цэнгэлийг шаардаж байна.” Америкийн зохиолч Bill Watterson
6. “Аз жаргал бол амьдралын утга учир, зорилго, хүн төрөлхтөн оршин байхуйн үндэс юм.” Грекийн философич Aristotle
5. “Аз жаргал гэж арайхийн нэрлээд бусадтай хуваалцаагүй аз жаргал нь ямар ч амтгүй.” Английн зохиолч Charlotte Bronte
4. “Би агаар, уулс, модод, хүмүүс зэрэг зүйлсээс ирэх дайралтанд уушиг минь хийлэгдэж байгааг мэдэрдэг. Тэгээд энэ чинь л аз жаргал юм шүү гэж боддог.” Америкийн зохиолч Sylvia Plath
3. “Хайрлаж байгаа бүхэн чинь аз жаргал.” Charles Schulz
2. “Аз жаргал биднээс өөрсдөөс маань хамаардаг.” Aristotle
1. “Аз жаргал бол зорилго биш. Энэ бол бидний сайн сайхан амьдарч байгаагийн үр дүн.” Америкийн улс төрч Eleanor Roosevelt
mendee
2014/08/10 at 19:39
Сэтгэгдэл *
Зочин
2015/12/20 at 01:42
Enehuu niitlel dr setgegdel bhgui bga ni haramsaltai. Ene niitlellig update hiiged dahij tavival az jargalaa haij bga hichneen hund zuv oilgoltiig uguh boloo.tanai site iin hamt olond bayrlalaa.bi ih zuiliig oilgoloo