Танд аюулгүй, найдвартай байдлыг авчрах 16 тоног төхөөрөмж

Нийтлэгч: Жаргал

Огноо: 2014/07/03

Total0
0

Хэн нэгэн өөрийнх нь хувийн орон зайд халдаж, хувийн эд зүйлсийг ашиглахад хэн ч дуртай байдаггүй. Түүнчлэн хулгай дээрмийн хохирогч болох нь ч сайхан зүйл биш. Дараах жагсаалтанд хулгайч нараас болон өрөөний хамтрагч болон хамт ажиллагсад чинь таны эд зүйлсийг дураараа авч хэрэглэхээс хамгаалах тоног хэрэгслүүдийг багтаажээ. Хэрэгжүүлээд хэрэглээд үзэхэд илүүдэхгүй зүйлсүүд байгаа гэдэгт та бүхэн эргэлзэх хэрэггүй юм шүү.

1. Хуурамч хяналтын камер

Энэ нь хуурамч ч байна уу, жинхэнэ ч байна уу ялгаагүй хулгайн гэмт хэргийн гаралтыг багасгаж чадна. Энэ санаа яг л мануухай шиг үйлчилнэ.

2. Хулгайд алдагдахаас хамгаалах унадаг дугуйн дугуй

Энэ дугуй нь эвдэрчихсэн, ямар ч хэрэггүй болсон мэт харагдана. Энэ санаа одоогоор анхны загвар бүтээх шатандаа явж байгаа. Гэхдээ унадаг дугуйг хулгайлагдахаас хамгаалах өөр төхөөрөмжүүдийг та энд дарж худалдан авах боломжтой.

3. 80-аад оны кассет тоглуулагч iPod-ыг чинь хамгаална.

Хулгайч классик зүйл хулгайлах гээгүй л бол 80-аад оны кассет тоглуулагч iPod-ыг чинь сайн хамгаална.

4. Хуучирч муудан харахад ч таагүй болсон гэрэл зургийн аппарат

Гэрэл зургийн аппарат бол зэгсэн хэрэгтэй зүйл. Үүнийг эргүүлэн худалдаж ч болдог. Энэ нь л хулгайч нар энэ зүйлийг дуртайяа авах шалтгаан болдог. Тэгвэл Бразилд шалгагдсан нэгэн арга бол хуучирч, өнгө үзэмжгүй болсон аппаратыг хулгайлах нь бага байдаг байна.

5. Биохэмжүүрт таних систем бүхий USB флаш

USB-ний дараагийн үе бол хурууны хээ танигч систем бүхий биометрик USB юм. Хүсвэл энд дарж худалдаж аваарай.

6. Ironkey USB флаш

Энэ бол цэргийн түвшний хамгаалалттай Ironkey USB флаш юм. Усны хамгаалалттай, гэмтэх эсвэл нууц үгийг 10 удаа буруу хийвэл өөрөө доторх мэдээллээ устгадаг. Худалдан авахыг хүсвэл энд дарна уу.

7. Шуудангийн дугтуй хэлбэрийн нөүтбүүкний хавтас

Хулгайч Macbook Air-ын хуучин сурталчилгааг үзэж байгаагүй бол үүнийг авъя гэж бодохгүй байх. Ер нь бол хэрэглэхэд хөгжилтэй бас хэрэглэхгүй үедээ хуйлаад аваад явчихаж болдог авсаархан эд.

8. Лаптопны сонин хэлбэрт хавтас

Элдэв шар мэдээ бүхий сонинг хэн хулгайлъя гэж бодох вэ дээ. Харахад эвхээд тавьчихсан сонин шиг харагдах энэ хавтас 5 төрлийн сонголттой.

9. Tesla машины хулгайн дохиолол

Энэхүү шинэ технологи нь хулгайч этгээд машины чинь түгжээг нээх үед цахилгаан тойрог үүсгэж, хулгайчийг гарах газаргүй болгон хорих юм. Гэхдээ одоогоор худалдаанд гараагүй байгаа.

10. Гэр орныг хулгайчаас хамгаалах будган бөмбөгний буут цамхаг

Гэр орноо хулгайчийн бузар гараас хамгаалахын тулд энэхүү Paintball Gun төхөөрөмжийг ашиглаж болно. Урилгагүй зочныг мөшгиж, будган бөмбөгөөр бөмбөгдөх учир хулгайч ум хумгүй зугтахыг л хүснэ.

11. Бохир сейф

Хэн ч хэн нэгний бохирдуулсан дотуур өмдийг оролдохгүй. Харин энэ нь эзэмшигчийн хувьд хамгийн үнэ цэнэтэй зүйлсээ хадгалах найдвартай сейф юм. Энд дарж худалдаж авах боломжтой.

12. Нүхтэй аяга

Бид хэн нэгэн нь биднийг эзгүйд аягыг маань ашигласан байхыг хараад галзуурах шахдаг. Харин энэ нүхтэй аягыг хэн ч эзгүйд чинь ашиглаж чадахгүй. Та эзгүй явах үедээ аяганыхаа бөглөөг аваад явчих.

13. Хулгайгаас хамгаалах наалт

Унадаг дугуй, мотоцикл, машинаа гэмтсэн мэт харагдуулахын тулд энэ наалтыг ашиглаж болно. Хулгайч нар илүү сайныг нь л авахыг хүснэ шүү дээ.

14. Хуурамч кассет бүхий машины хөгжим

Машины хөгжим нь хулгайч нарын анхаарлыг хамгийн их татдаг зүйлсийн нэг. Харин 90-ээд оны кассеттай хөгжмийг хэн авахыг хүсэх билээ.

15. Цахилгааны залгуур дахь нууц сейф

Гаднаас нь харахад ердийн цахилгааны залгуур хэн нэгний хамгийн нандин, нууц сейф болж болно. Худалдаж авах боломж энд байна.

16. Өдрийн хоолыг хулгайгаас хамгаалах уут

Өдрийн хоолоо ажлынхаа өрөөний хөргөгчинд хийчихсэн байтал хэн нэгэн нь танаас урьтаад зооглочихсон байх үе танд тохиолдож байсан уу? Харин энэ хөгцтэй уут зөвшөөрөлгүйгээр хүний юм авах дуртай хүмүүсийг айлгаж чадна.