Утасгүйгээр цэнэглэдэг Apple iWatch энэ 10-р сард худалдаанд гарна

Reuters агентлагаас Apple компаний ухаалаг бугуйн цагны талаарх олон мэдээллийг цацжээ. Тэдний хэлж байгаагаар 2,5 инчийн дэлгэцтэй, утасгүйгээр цэнэглэдэг энэхүү төхөөрөмж ирэх 10-р сард дэлгүүрүүдийн лангуун дээр тавиатай байх аж. Энэхүү мэдээллээр [tweetable]Apple-ын фенүүдэд гарцаагүй таалагдах iWatch[/tweetable] бугуйн цагны зарим шинэ, чухал онцлогуудын талаар дурдсаны хамт Тайваний Quanta Computer Inc. компанид энэ 7-р сараас эхлэн олон тоогоор үйлдвэрлэгдэж эхлэх тухай өгүүлжээ.

Мөн Reuters-ийн зүгээс мэдээлж байгаагаар Apple-ын ухаалаг бугуйн цаг LG-ийн дэлгэцтэй байх гэнэ. Энэ дэлгэц нь олон эх сурвалжуудын мэдээлж байсан 1,5 инчээс том буюу 2,5 инчийн хэмжээтэй аж. 1,5 инчийн дэлгэц Apple-ын 6 дахь үе болон 2010 онд гарсан анхны мэдрэгч дэлгэц бүхий iPod nano дээр суурилагдаж байсан билээ. Эх сурвалжид өгүүлснээр [tweetable]7 дахь үеийн iPod nano-гийн бүрэн мэдрэгч дэлгэц 2,5 инч хэмжээтэй байх гэнэ[/tweetable]. Мөн үл ялиг тэгш өнцөгт хэлбэрийн дэлгэц нь нуман хэлбэрийг үүсгэсэн байна хэмээн мэдээлжээ.

Урьд нь яригдаж байсан нарийвчилсан мэдээллийг баталсан зарим зүйлсийг дурдвал, мэдрэгч интерфейс болон [tweetable]Apple-ын анхны утасгүй цэнэглэгч төхөөрөмж[/tweetable] зэрэг юм. Түүнчлэн iWatch нь хэрэглэгчийн зүрхний цохилт, алхсан алхам, шатаасан илчлэг, нойр болон бусад эрүүл мэнд болон фитнесийн мэдээллийг хянах олон тооны мэдрэгчүүдтэй байх юм байна. iOS 8 үйлдлийн системийн шинэ Health апп нь iWatch-той холбогдон эрүүл мэнд болон фитнесийн мэдээллүүдийг харуулах, хянах гол үүргийг гүйцэтгэх ажээ.

Reuters-д мэдээлснээр [tweetable]Apple компани ирэх 10-р сард iWatch төхөөрөмжөө худалдаанд гаргахаар төлөвлөж байгаа[/tweetable] гэжээ.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!