Италид нэгэн нохой тод ногоон өнгийн гөлөг төрүүлжээ.
Фермерийн аж ахуй эрхэлдэг Cristian Mallocci Сардиниагийн газар дундын тэнгистэй ойролцоох арал дээр амьдардаг бөгөөд түүний тэжээдэг Spelacchia гэх нэртэй нохой нь гөлөглөжээ. Ингэхдээ тэр 5 гөлөг төрүүлсэн бөгөөд тэдний нэг нь бусдаасаа эрс онцгой байв – ногоон үстэй. Бусад гөлөгнүүд ээжтэйгээ адилхан цагаан үстэй байсан гэнэ.
Фермер ногоон үстэй гөлгийг үснийх нь өнгөнөөс шалтгаалаад Pistachio гэж нэрлэсэн талаар “Reuters” агентлаг мэдээлжээ. Тэр гөлгийг өсгөж, хонь хариулахдаа өөртөө туслуулахын тулд тэжээхээр болсон байна.
Ногоон үстэй гөлөг хорвоод мэндлэнэ гэдэг маш ховор тохиолдол юм. Гэхдээ эмэгчин нохойн хэвлийд үр тогтсон үед “мекониум” гэх бодис ялгардаг бөгөөд үүнээс нь болоод энэ гөлөг бусдаасаа өөр өнгөтэй болсон байж магадгүй гэж үзэж байгаа бололтой.
Түүнчлэн, эм нохойн хэвлийд “биливердин” гэх нэртэй ногоон пигмент байдагтай ч холбож тайлбарлах хүмүүс байгаа ажээ. Энэ нь ногоон өнгө үүсгэдэг нэг төрлийн пигмент юм. Эмэгчин нохой гөлөглөж, гөлөгнүүд нь өсч томрохын хэрээр энэ өнгө аажим аажмаар бүдгэрч, хэвийн болдог байна.
Фермер Mallocci коронавирусын тархалт дэгдсэн энэ хүнд хэцүү цаг үед ногоон өнгө итгэл найдвал болон аз билэгдэж байгаа талаар хэлжээ. Иймд түүний үзэж буйгаар Pistachio олон хүний нүүрэнд инээмсэглэл авчрах нохой болох гэнэ.
Өнгөрсөн 1-р сард Немц овчаркны гөлөг дээрх үйл явдалтай нэгэн адилаар ногоон өнгөтэй хорвоод мэндэлжээ. АНУ-ын Хойд Каролинад төрсөн энэ гөлгийг “Hulk” гэж нэрлэсэн байна.
Хөөрхөн
Гоё
Гайхмаар
Ха Ха
Бахархмаар
Харамсалтай
Тэнэглэл
Буруу
Uuganbayr Erdenejaw
2020/10/25 at 15:10
ymar ioi
Zaya Zayana
2020/10/25 at 19:58
Пистачио гэнээ
AzkaAzka AzkaAzka
2020/10/27 at 13:07
gaihaltai
Төмөрбаатар Гоёлмаа
2020/10/27 at 20:20
бэлэн