Урьд нь зөндөө л үзсэн хэрнээ огт анзаарч байгаагүй, Зөвлөлтийн үеийн кинонууд дээр гардаг 20+ алдаа

Операция «Ы» и другие приключения Шурика / Мосфильм

Зөвлөлтийн үеийн киног дахин дахин үзэх сайхан байдаг. Гэхдээ үзэгч олон киногоо тухлан сууж үзэж байхдаа тэр болгон алдааг нь анзаардаггүй ажээ. Хэдий алдаа дутагдалтай ч гэлээ зөвлөлтийн үеийн кино өөрийн эрхгүй зүрх сэтгэлд хоногшин үлджээ.

Олон түмний үзэх дуртай кинонуудыг бид хэд дахин эргүүлж судлаад зарим нэг алдаануудыг олсон юм. Хүний мууг үзэх эсвэл домог болсон бүтээлийг гутаах гэсэндээ биш юм шүү, дуртай киногоо дахин өөр өнцгөөс үзээсэй гэж хүссэндээ тэр юм.

1. “Ы” ажиллагаа буюу Шурикт тохиолдсон явдал

• Шурик ширүүн бороонд цохиулдаг. Дээд талын зураг дээр түүний хувцас нэвт норсон нь илт. Минутын дараа автобусанд суухад хүрэм нь бараг л хуурай болчихжээ (доод талын зураг).

• Шурик “Докторская” хиаманд 4 ширхэг нойрсуулах эм хийж нохойд шидэж өгдөг. Гэхдээ хиамыг нохойд шидэж өгөхөд эм нь 5 болчихсон байдаг.

• Автобусанд болох үл ойлголцлын үеэр Шурикийн ном, Федягийн малгай цонхоор унадаг. Дараагийн үйл явдал дээр буюу цагдаагийн хэлтэс дээр газар унасан бүх зүйлсээ эзэд нь олоод авчээ.

2. Хайр ба тагтаа

• Шура эгчийг үхлээ гэж зүүдэлснээ Митя ах Надяд ярихаар ирэхэд манангүй байдаг, харин зураг солигдоод эргээд Митя ах гарахад овоо манан суусан байгааг анзаарсан уу?

3. Ийм нэгэн явдал

• Ольга Рыжова гадаа явж байхдаа гартаа дугуйрсан үзүүртэй бас бариултай шүхэр барьсан байдаг. Шатаар гараад ирсэн чинь бүгд хэлбэрээ өөрчилжээ.

• Нарийн бичиг Верочка ажилдаа хар өмдтэй ирнэ, дараагийн зураг дээр цэнхэр банзал өмсжээ.

4. Машинаас болгоомжил

• Деточкин бааранд шоо хээтэй цамцтай ирээд гарахдаа цулгуй цамцтай болоод гарна.

5. Багт наадам

• Ирина Муравьева газар унасан навч шүүрдэж байхад утасны бүхээгийн цаанаас нэг залуу харагддаг юм. Модны навчийг ихээр нь унагаахаар мод хөдөлгөж байгаа залуу.

6. Заречная гудамжны хавар

• Татьяна сургуулиас бээлийгүй гарч ирнэ, хэдхэн секундэд зураг өөрчлөгдөөд ирэхэд бээлийгээ өмсөөд “амжчихсан”, харин хэдэн минутын дараа бүр хар бээлийтэй болж өөрчлөгджээ.

7. Үгүй байлтай

• Зинулагийн даашинзны гоёл нэг бол гарч ирээд л, нэг бол алга болоод л. Бас түүний хүзүүний зүүлтийг анзаараарай, ид шидийн байдлаар бас өөрчлөгдөөд л байгаа юм.

8. Д’Артаньян болон Шадар гурван цэрэг

• Констанциягаас ирсэн өрөвдмөөр амьтны толгойг Д’Артаньян хусдаг тэр хэсэг: гутлаа уг нь зүүн хөлөндөө өмссөн байгаа, харин доошоо буугаад ирсэн чинь баруун хөлдөө угалчихаж.

9. Покровскийн хаалга

• Хоботовын сонингоор хийж өмссөн малгайг скотчоор наажээ. Цавуутай энэ наалт 1950-иад оны ЗХУ-д гараагүй байсан нь хэнд ч ойлгомжтой.

10. Охид

• Илья цаг бэлэглэхээр Тося дээр ирэхэд гитар орон дээр байдаг, кадр өөрчлөгдөөд буцсаны дараа хананд өлгөөтэй болжээ.

11. Москва нулимсанд дургүй

• Катягийн нууц амраг Владимирын гэрийн хананд өлгөөтэй байсан хивс дараа нь Гошатай салхинд гарахад нөмрөг болон өөрчлөгджээ.

• Дээрх зураг дээр Тося гартаа шпатель барьчихсан гар нь шавар болсон байгаа нь харагдана, харин 20 секундийн дараа Коля дээр ирэхэд цэв цэвэрхэн гартай барилгачин бүсгүй зогсоно.

12. Кавказад тохиолдсон адал явдал

• Лида Шурикийг уснаас гаргаж ирэхдээ судалтай футболктой байдаг, хувцсаа хатаасны дараа буцаагаад өмсөхөд цагаан футболктой болчихно.

• Аяны хөнжилтэй “живэх”-ээс өмнө Шурик гутлаа тайлаад аяны хөнжилд ордог. Нина түүнийг уснаас татаж гаргаж ирсний дараа Шурик гуталтайгаа гарч ирнэ.

13. Хувь заяаны эргүүлэг

• Лукашин Надягийн гэрт нэвтэрснийхээ дараа хаана ирснээ ойлгох гэж хичээдэг. Залуу энэ үед тавилга дээр дөхөж очиход хоёр шар бариул харагдана. Төд удалгүй Надягийн найз бүсгүй ирсний дараа нэг бариул нь алга болоод киноны төгсгөлд эргээд гараад ирнэ.

14. Хаврын арван долоон учрал

• Киноны 8 дугаар анги дээр Штирлиц машиндаа Эдит Пиафын “Milord” болон “Non, je ne regrette rien” дууг сонсдог, үнэндээ 1959 болон 1960 онд гарсан дуу юм.

• Штирлиц машиндаа унтана, харин ард нь зөвлөлтийн ЗИЛ-130 явж харагдах юм, 1962 оноос хойш үйлдвэрлэгдэж эхэлсэн машин.

Та эдгээр алдаануудыг өмнө нь олж харсан байсан уу?

5

Ха Ха

4

Бахархмаар

1

Хөөрхөн

1

Гайхмаар

0

Гоё

0

Харамсалтай

0

Тэнэглэл

0

Буруу

Баярлалаа!