Гэрийн өдөр тутмын цэвэрлэгээ их амархан. Тоосоо арчина, зуух болон угаалтуураа цэвэрлэнэ, шалаа шүүрдээд арчина. Заримдаа бид жижиг сажиг зүйлд анхаарал хандуулалгүй орхидог. Хэрвээ өдөр тутмын цэвэрлэгээний үеэр гэрлийн бүрхүүл, паар зэргээ арчаад байвал дараа нь их цэвэрлэгээ хийхэд амар л байх болно. Даанч энэ бүгдийг хойш тавих нь харамсалтай. Үүний үр дагаварт гэр тоос шороондоо дарагдаж тав тух алдагддаг ажээ.
Бид гэр орноо цэвэр цэмцгэр байгаа эсэхийг тодорхойлоход туслах 17 шинж тэмдгийг танилцуулахаар бэлдлээ. Цэвэрлэгээ хийж байхдаа эдгээр жижиг сажиг зүйлд анхаарлаа хандуулж байхад л жилийн эцсээр их цэвэрлэгээ хийх ажлыг эрс хөнгөвчилж чадна.
Тостой хоол хийсний дараа тавилгын гадаргуу, хана зэргийг цэвэрхэн алчуураар арчаад байхад зууралдсан тоос шороо болж дагтаршихгүй
Гал тогооны цахилгаан хэрэгслийг хоол хийдэг сав шигээ л нарийн угаах хэрэгтэй, эс бөгөөс тос, хоолны үлдэгдэл амархан салахгүй
Аяга таваг угаадаг порлоныг долоо хоног болгон сольж байх хэрэгтэй, мөн тусдаа тавиурт хатаана
Гал тогоонд хэрэглэдэг гарын болон ширээний алчуурыг ч гэсэн долоо хоногтоо нэг удаа угааж солино
Хоолны савыг угаагаад тэр дор нь арчаад байвал байнга цэвэрхнээрээ гялалзах болно
Ус буцалгагчны өнгөр өнгө үзэмжийг гутаахаас гадна усны амтыг муутгадаг. Хэрэглэх болгондоо шинэ усаар зайлж байгаарай, долоо хоногтоо нэг удаа савангаар угааж цэвэрлэнэ
Хогийн сав сонгохдоо тагтайг нь худалдаж ав, ингэснээр хогийн савнаас үнэртэх эвгүй үнэрээс зайлсхийж болно
Буйдан, креслоны бүрээс, дэрний уутыг жилд хоёр удаа хими цэвэрлэгээнд өгч заншаарай
Ширээний тоосоо арчиж байхдаа хаалганы бариул, унтраалга, залгуурын тоосыг ч арчахаа мартаж болохгүй, бүх зүйл цэвэрхэн харагдана
Ханан дээр өлгөөтэй байгаа жаазтай уран зураг болон гэрэл зураг ч мөн адил. Жаазны дотор буланд илүү их анхаарал хандуул. Тэнд тоос шороо ихээр хуримтлагддаг
Ихэнх айлын тагт хэрэггүй эд хогшлын агуулах болж хувирдаг. Үүний оронд нэмэлт орон зай болгож зохион байгуулаарай, жишээ нь спортын эсвэл ажлын хэсэг
Угаалгын өрөөгөө цэвэрлэхдээ холигчоо арчихаа мартаж болохгүй. Усны дусал зэргийг цэвэрлэнэ
Шүршүүрийн цэвэрхэн хөшиг нь ажилтай гэрийн эзэгтэй мөн эсэхийг тодорхойлно. Тиймээс байнга угааж цэвэрлэхээ мартаж болохгүй
Химийн гаралтай цэвэрлэгээний бодисыг ванн доогуур тусгай тавиурт өрсөн нь дээр, ил тавиуруудыг чимэглэлд ашиглаарай
Угаах хувцас хийх сагс тагтай байвал эмх цэгцтэй харагдана, бохир хувцас энэ тэндээс нь цухуйхгүй
Савангийн тавиурт үлдсэн савангийн үлдэгдлийг байнга цэвэрлэж бай
Угаалгын машины резинэн зөөлөвчөөс гэнэтийн бэлэг байнга л гарч ирдэг. Тиймээс байнга цэвэрлэж байгаарай
Та ямар жижиг сажиг зүйлд анхаарал хандуулдаг вэ? Гэрийн цэвэр цэмцгэр байдалдаа яаж хандах уу?
Bayr Batsukh
2020/07/03 at 23:10
🌷