Хулуу нь эрүүл хүнсэнд тооцогддог, тэр ч бүү хэл хүүхдийн хоол болон тусгай хоолны дэглэм барьж байгаа хүмүүс ч өргөнөөр хэрэглэдэг хүнс. Уг ногооны зөөлөн эдээс гадна үрийг нь эмчилгээний зориулалтаар ашигладаг байна. Бүрэн болсон, зохих технологийн дагуу хатаасан үр байх ёстой шүү.
Хулууны үр тосны хүчил, органик хүчил, В болон С амин дэм, амин хүчлүүд, каротин агуулдаг. Ойролцоогоор хальсгүй 150 ширхэг үр хэрэглэхэд хүн өөрийн бие махбодод шаардлагатай уураг, К амин дэм, магни, фосфор, төмөр, зэс, цинк зэргээ бүрэн авч чадна. Хулууны үр нь тэр чигтээ амин дэм, ашигтай микро элементийн сан л гэсэн үг.
Хулууны үрийг зүрхний үйл ажиллагааг дэмжих, түрүү булчирхайн өвчнийг анагаах зорилгоор өргөн хэрэглэдэг байна. Мөн муу холестериноос салгана, цусан дахь сахарын түвшинг бууруулах үйлчилгээтэй.
Тус ногооны үрийг хоол боловсруулах эрхтний үйл ажиллагааг дэмжих, үрэвслийн үйл явцыг дарангуйлах, ходоодны, хөхний, уушгины, түрүү булчирхайн болон бүдүүн гэдэсний хорт хавдрын эрсдэлийг багасгах зорилгоор хэрэглэхийг зөвлөдөг.
Хулууны үрийг түүхийгээр нь мөн шарж хэрэглэж болно. Салатанд, тарганд, нарийн боовонд хийх эсвэл тусдаа зууш хэлбэрээр ч хэрэглэх боломжтой. Жишээ нь, хулууны үртэй дараах хоолнуудын хувилбарууд байна:
- Ногооны салатыг шаржигнуур болгохын тулд салатандаа цацаж хэрэглэнэ.
- Өглөөний хоолны мюслид самар, хатаасан жимстэй хольж таргаар зуурч иднэ.
- Оливын тос цацаад гоньдоор амтлан шарах шүүгээнд шараарай.
- Нухаш хийж болно: үрийг блендерт хийж бутална, хэтэрхий хуурай байвал багахан ус нэмээрэй.
Өөрийн хоолны цэсэндээ хулууны үр нэмснээр эрүүл мэнддээ анхаарал тавьж байна гэсэн үг юм.