![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-03.jpg)
Орчин үеийн хүмүүс гоё сайхан харагдахын зэрэгцээ өөрийн эдэлж хэрэглэж байгаа эд зүйлс, өмсөж байгаа хувцсаа илүү их хэрэглээтэй байлгахыг хүсэх болжээ. Нарийвчлан бодож хийсэн эд зүйл гадаад үзэмжийг чимэглээд зогсохгүй мөн амьдралыг ч хөнгөвчилнө. Жишээ нь, том юм хийхэд шууд сунадаг жижиг гар цүнх, утас зэрэг эд зүйлсээ хийх жижигхэн халаастай биед эвтэйхэн легинс гэх мэт. “Ухаалаг” дизайн сэтгэл татна, иймэрхүү чанартай барааны тухай мэдээлэл хүргэхдээ бид ч дуртай.
Хөхүүл ээж нарт зориулсан футболк
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-01.jpg)
Өлссөн нялх хүүхэд ээжийгээ сандраана. Хэрвээ ээж нь ийм майктай бол сандрах ч хэрэг алга. Хөхүүл ээж нарт зориулсан энэ майк байхад хувцсаа дээш нь шуух эсвэл тайлах ч шаардлагагүй.
Гар утас цэнэглэх бугуйвч
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-02.jpg)
Дотроо цэнэглэгчтэй ийм бугуйвч зөвхөн гоёл чимэглэл байгаад зогсохгүй мөн утасны цэнэг дуусах үед жинхэнэ аминд орох эд.
Гутал хийх тасалгаатай спорт цүнх
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-13.jpg)
Спортын пүүзийг хувцастайгаа цуг цүнхэнд хийх нь ариун цэврийн хувьд нийцэхгүй, харин тусад нь гялгар уутанд хийх тухай бодоод ч хэрэг алга. Энэ цүнхний хажууд гутал хийх тусгай таславч бий, тусдаа цахилгаантай тул цүнхний үндсэн хэсгээс тусдаа.
Үнэтэй зүйлээ хийж явах бүс
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-04.jpg)
Энэ хэрэгслийг заавал ил зүүх ч шаардлага алга. Нимгэн тул хувцасны цаанаас ч мэдэгдэхгүй гээд бод доо. Аялал зугаалгаар явахдаа цүнх үүрэх хэрэггүй боллоо (гэхдээ түлхүүр, мөнгө, утсаа авч явах зайлшгүй шаардлагатай үед). Мөн шөнийн клуб, найз нарын цуглаан гээд яаралтай үед мөнгө хэрэг болдог шүү.
Урт түрийтэй гутланд зориулсан нууц түрийвч
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-05.jpg)
Бас л мөнгө болон картаа аюулгүй авч явах найдвартай арга, гэхдээ хүйтний улиралд илүү тохиромжтой юм. Хөлөнд бүсээр тогтоох нууц түрийвчийг урт түрийтэй гутланд нууна.
Хэмжээ нь томордог цүнх
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-06.jpg)
Шопинг хаашаа эргэхийг хэн ч хэлж мэдэхгүй. Ийм гар цүнхтэй байхад тусад нь илүү том цүнх, тор барьж явах шаардлага алга. Томоохон худалдан авалт хийсэн үед гар цүнхээ томсгож болно.
Хөлс шингээх наалт
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-07.jpg)
Дезодорант их хэмжээний хөлс ялгарахад бууж өгдөг. Чухал уулзалт эсвэл арга хэмжээний үеэр тусгайлан бэлдсэн наалт хэрэглэж болох юм. Футболк эсвэл гадуур хувцсандаа наахад хөлсийг өөртөө шингээж авах наалт.
Хантааз ч болно, үүргэвч ч болно – трансформер
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-08.jpg)
Энэ хувцас хүүхдүүдтэйгээ зугаалж байхад их тохиромжтой. Жишээ нь, өдрийн дулаан цагаар хүүхдүүдийнхээ хувцсыг хийгээд үүрчихнэ, харин оройн сэрүүнд хүүхдүүдээ бас өөрийгөө дулаалчихна.
Хүүхдийн халаастай хүрэм
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-09.jpg)
Хоёр хүнд зориулсан хүрэм нь хүүхэдтэй ээж нарт зориулагдав. Ээж нь хүрмээ өмсөөд хүүхдээ энгэртээ эсвэл нуруундаа ч үүрч болно.
Халаастай легинс
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-10.jpg)
Легинс нь биед маш эвтэйхэн бөгөөд үр дүнтэй спортын хувцас юм. Нэг л дутагдалтай талтай гэлцдэг бөгөөд үүнд халаас байхгүй. Харин бидний танилцуулж байгаа загвар бүсгүйчүүдийн амьдралыг ихэд хөнгөвчилж өглөө гэж бодож байгаа юм. Спортоор хичээллэх, гүйх үедээ халаастай легинс өмсөөрэй.
Нуруундаа утас хийх халаастай спорт майк
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-11.jpg)
Гүйх болон фитнесээр хичээллэх үеэр утсаа хадгалах бас нэгэн хувилбар, өөрөөр хэлбэл легинс болон майк өмсөж спортоор хичээллэдэг бүсгүйчүүдэд зориулагдлаа – халаас нь майкны нуруун дээр бий.
Bluetooth-тэй малгай
![](https://news.xopom.com/content-mn/uploads/2020/05/XopoM.com-Дизайнерууд-төгс-төгөлдөр-болгож-чадсан-12-энгийн-зүйл-12.jpg)
Малгай зөвхөн хүйтнээс хамгаалаад зогсохгүй мөн утасгүй чихэвчээр хүссэнээ сонсоод явах боломжийг олгоно.
Өдөр тутмын амьдралыг хөнгөвчилж болох ямар нэгэн санаа танд бий юу?
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
Diamond Victoria
2020/05/21 at 16:13
Д