Агуу Фредериктэй танилц! Энэ сүр жавхлант “хилэн хар азарга” ямар ч хүний харааг булааж, зүрх сэтгэлийг нь татаж чадна

Нийтлэгч: Chika

Огноо: 2020/05/04

Frederik the Great / Facebook

Total174
174

Гоо сайхан харц булаана гэсэн ойлголтыг бодит амьдрал дээр Фредерикээс харж болно. Энэ сүр жавхлант азарга Голланд улсад төрсөн бөгөөд дэлхий дээрх хамгийн гоо үзэсгэлэнтэй амьтан юм. Фредерик бол Фрисиан үүлдрийн азарга. Түүний төрөл зүйл бараг устаж, үгүй болоход ойртсон – тийм ч учраас Фредерик илүү онцгой юм.

Бид та бүхэнд Фредерикийн уулга алдмаар гоо сайхныг харуулахаар шийдлээ. Танд гайхалтай санагдана гэдэгт эргэлзэхгүй байна.

Устах аюулаас аврагдсан үүлдэр

Гайхамшигтай энэ морь Фрисиан үүлдрийн азарга бөгөөд хэд хэдэн төрөл зүйл нь устаж, үгүй болсон үүлдэр юм. Аз болоход Фредерик анхны үр удмаа 2015 онд хорвоод үлдээсэн учраас түүний залгамжлал цааш үргэлжилнэ.

Арканзасын Озарк ууланд амьдардаг Агуу Фредерик бол интернетийн од бөгөөд хүн бүр түүний сэтгэл татам, урт намирсан дэл болон төгс булчинлаг биеийг хараад шагшин биширцгээдэг.

Алдартнуудаас дутахааргүй нэр хүндтэй азарга

Фредерикт 18-р зууны үеийн Пруссын хаант улсын Агуу Фредерикийн нэрийг өгчээ. Тэр одоо 19 настай бөгөөд 6 настай байхад нь Голландын фермээс импортолж авчирч байв. Тэр цагаас хойш энэ азарга “The Late Show with Stephen Colbert”-д оролцож, кинонд тоглох урилга хүртэл хүлээж авсан байна.

Энэ гайхалтай азаргыг Stacy Nazario гэгч эрхэм эзэмшдэг бөгөөд тэрээр уулсын дунд орших Фрисианы фермд амьдардаг ажээ. “Нөхөрсөг үлэмж биетэн” гэж бас түүнийг дууддаг бөгөөд дэлхийн эргэн тойрон дахь олон жуулчид түүнийг харахаар захиалга өгдөг гэнэ.

Фредерик сошиал медиагаар дамжуулан олон нийтэд нөлөөлөгч юм

Фредерикийг дэлхий дээрх хамгийн үзэсгэлэнтэй морь гэж хэлж болно. Түүнийг Фэйсбүүкт 100,000 хүн дагадаг бол, YouTube-д 28,000 хүн сувгийг нь дагадаг байна.

Та Фредерикийг үлгэрт гардаг морьтой адилхан гэдэгтэй санал нийлж байна уу? Таны бодлоор тэр үнэхээр дэлхий дээрх хамгийн үзэсгэлэнтэй морь мөн үү? Хариултаа сэтгэгдэл бичих хэсэгт үлдээгээрэй.