Нийгмийн тусгаарлалт, хөл хорио дэлхийн ихэнх улс орнуудад одоог хүртэл үргэлжилж байгаа бөгөөд үүний үр дүнд байгаль эх түүхэнд байгаагүй сонирхолтой хариу үйлдэл үзүүлж байна.
Хүмүүс завиар явахаа больж, усны бохирдол буурсантай холбоотойгоор хун шувууд болон дельфинүүд Италийн Венецийн сувагт эргэн иржээ. Үүнээс хүн төрөлхтөн байгальд хэр их хор хохирол учруулдаг болохыг харж болох юм.
“Epicalyptic” фэйсбүүк хуудасны мэдээлснээр 14 заан Хятадын Юнан тосгонд хүрч ирж, хоол хүнс хайх үеэрээ 30 кг эрдэнэшишийн дарс олж, бүгдийг нь ууж орхижээ. Удалгүй заануудыг цай тариалдаг цэцэрлэгийн хажууханд нүүрэндээ мишээл тодруулан согтчихсон хэвтэж байхад нь хүмүүс олсон байна.
Болсон үйл явдлыг харсан хүмүүс ийн бичжээ, “Хүмүүс тусгаарлалтад ороод байгаа энэ үед 14 заан Юнан мужид орших тосгонд хүрч ирж, хоол хүнс хайжээ. Тэдний энэ хайгуул эцэст нь 30 кг эрдэнэшишийн дарс ууж согтоод, цайны цэцэрлэгийн хажууханд унтсанаар өндөрлөжээ.”
Эдгээр заануудын нүүрэнд тодорч буй инээмсэглэлийг харахад өхөөрдөм санагдах боловч, тэдний ойгоо орхиж, хүний хөлийн газраас хоол хүнсээ хайхад хүргэж байгаа нь хүмүүсийн буруутай үйл ажиллагаатай холбоотой гэж бодохоор үнэхээр харамсалтай мэдрэмж төрж байгааг хэлэх хэрэгтэй болов уу.
Хөл хорио аюулт өвчнийг даван гарахад их, бага хэмжээгээр нөлөө үзүүлж байгаа билээ, гэхдээ бид хойшдоо ан амьтдын амьдрах орчинг бага сүйтгэх хэрэгтэйг эндээс ойлгох хэрэгтэй. Илүү их мод тарьж, ямар ч шаардлагагүйгээр байгаль дэлхийг сүйтгэхээ зогсоох ёстой.
Вирусын халдварын тархалт бидэнд хүмүүс бид байгальд ямар их хор хохирол учруулж байсан юм бэ гэдгийг ойлгуулж байх шиг байна.
Заануудын тухайн мэдээг одоогийн байдлаар фэйсбүүкт 113,000 SHARE хийжээ.
Хөөрхөн
Ха Ха
Бахархмаар
Гоё
Буруу
Харамсалтай
Гайхмаар
Тэнэглэл
Хандмаа Сарантуяа
2020/03/22 at 20:49
Хөөрхөн юм бэ.
Зочин
2020/04/06 at 09:10
hoooooooooooorhooooon