Намайг жаахан байхад эмээгийн маань хийж өгдөг байсан боорцогны амт одоог хүртэл санаанаас гардаггүй юм. Олон удаагийн оролдлогын дараа тэрхүү амттай хайрсан боорцгийг хийж чадсан бөгөөд та бүхэнтэй хэрхэн хийх заавар болон жорыг хуваалцъя.
Их хэмжээтэй бас маш гоё амттай!
Хэрэг болох орц:
- Гурил – 900 гр
- Кефир – 500 мл
- Сахар – 2 хоолны халбага
- Өндөг – 2 ширхэг
- Хайлуулсан маргарин – 100 гр
- Хуурай хөрөнгө – 9 гр
- Ургамлын тос
Амтат хайрсан боорцог хийх заавар:
- Кефирийг 36 хэмд халааж, дээр нь хайлуулсан маргарин, өндөг, давс, сахар болон сүүлд нь хуурай хөрөнгийг хийнэ.
- Сайтар хутгана. Дээр нь гурил (зөөлөн зуурсан гурил) хийнэ.
- Дээр нь бага зэрэг цөцгийн тос хийж, саванд хийж тавина.
- Таглаад дулаан газар байлгана.
- 30 минутын дараа бэлэн болох ба энэ үед бөөрөнхий хэмжээтэй тасалж авч, ургамлын тос хийсэн хайруулын тавганд шарна.
Ингээд таны амтат хайрсан боорцог бэлэн боллоо! Та амтархан идээрэй.