Хүн бүхэн чамд жин хасна гэдэг амаргүй зүйл гэж хэлэх байх. Тогтсон амьдралын хэв маягаа өөрчилж, янз бүрийн арга туршиж үзээд ч нэмэргүй байж мэднэ. Тэгвэл нэгэн ээж их хэмжээний жин хасах хүртлээ бууж өгөлгүй, тэмцэж чаджээ.
Teresa Venetoulis хэлэхдээ, тэр анх 101 кг жинтэй байсан ба 56 кг жинтэй болтлоо турсан байна, энэ нь юу гэсэн үг вэ гэхээр тэр 10 сарын дотор ойролцоогоор 45 кг жин хасаж чадсан гэсэн үг юм. Хамгийн гайхалтай нь Teresa зорилгодоо хүрэхийн тулд фитнесээр огтхон ч хичээллээгүй гэнэ.
Жингээ хасах аяллыг эхлэхдээ Teresa “Кето” хоолны дэглэмийг сонгосон бөгөөд үр дүнд нь түүний бүх зүйл өөрчлөгджээ. Тэр илүү их уураг, тостой хоол идэх болж, өмнө нь иддэг байсан нүүрс ус ихтэй пицца, талх болон гоймонд баяртай гэж хэлсэн байна.
Дээр дурдсан хоолны дэглэмийг баримтлах үед, Teresa-д дасгал хийх ямар ч шаардлагагүй байгаагүй болохыг хэлжээ.
Тэрээр Их Британийн “The Sun”-д өгсөн ярилцлагынхаа үеэр, 9 жилийн өмнө хүүгээ төрүүлсний дараа жин нэмж эхэлсэн бөгөөд эргээд хэвийн жиндээ ороход маш хүндрэлтэй байсан гэжээ.
Тэр энэ хугацаанд олон төрлийн хоолны дэглэм баримталж үзсэн ч, аль нь ч үр дүнгээ өгөхгүй байсан гэнэ. Жин хасах гэж хоолны дэглэм баримталж байхад, харин эсрэгээрээ эргээд жин нь нэмэгдэж байсан учраас Teresa аргаа бараад байжээ.
Эцэст нь түүний эмч нь Teresa-д “Кетогеник” хоолны дэглэм баримтлахыг санал болгож, үр дүнд нь тэр жингээ хянаж чадсан байна. Тэр эхний хэдэн сарын дотор 12 кг жин хасаж чадсан тул, үр дүнг нь хараад үнэхээр их гайхсан гэнэ.
“Эхний 2 сарын хугацаанд би овоо хэдэн кг жин хассан. Урьд өмнө нь ийм том ажилтад хүрч байсангүй.”
Энэ үр дүн түүнд урам зориг өсөн бөгөөд тэрээр үргэлжлүүлэн хоолны дэглэмийг баримталж, илүүдэл өөхөө аль болох хурдан хайлуулахыг хүсэх болжээ.
Teresa хэлэхдээ, цаг хугацаа өнгөрөх тусам өөрөөрөө улам их бахархаж, гарч буй үр дүнг хараад баярладаг байлаа гэжээ.
“Одоо надад үнэхээр гайхалтай байна, учир нь их хэмжээний жин хасаж чадлаа. Энэ нь дан ганц гоолиг болох тухай биш, эрүүл бас сайн ээж болох тухай юм шүү.”
Өөртөө тохирох жин хасахад туслах дэглэмийг олно гэдэг амаргүй зүйл, гэхдээ Teresa-ийн түүхийг харвал, зүгээр суулгүй, бүхий л боломжийг эрэлхийлж, өөрийнхөө төлөө зүтгэх хэрэгтэй гэдгийг та эндээс ойлгож авсан гэдэгт итгэлтэй байна.