Эрүүл шүдтэй байх нь эрүүл мэндийн хувьд чухал асуудал билээ. Гэсэн хэдий ч хүмүүс шүдээ өвдсөний дараа л шүдэндээ анхаарал хандуулж байгаа нь ажиглагддаг. Ямар витамин болон микро элементүүдийг агуулсан хоол хүнс хэрэглэх нь шүдийг улам бэхжүүлж, гоё сайхан болон эрүүл харагдуулахаас гадна өвчлөхөөс сэргийлдэг вэ?
Витамин А
Энэ витамин цор ганц нүдний хараанд сайнаар нөлөөлөхгүй. Мөн шүлсийг хэвийн ялгарахад туслахаас гадна амны хөндийд бактери үржихээс сэргийлдэг. Үр дүнд нь таны буйл үрэвсэхгүй, бас шүд өвчлөхгүй. Яншуй, лууван болон байцаа идэж витамин А амин дэмээ нөхөж аваарай.
B төрлийн витаминууд
B витаминууд амны хөндийн өвчнүүдээс хамгаална. Хэрэв танд энэ төрлийн витаминууд хангалттай байвал та хэл, буйл болон эрүүгээ өвчлөх, үрэвсэх гэх мэт асуудлуудаас бүрэн хамгаалагдсан гэж ойлгоход буруудахгүй. Хэрэв ямар нэгэн асуудал дээр дурдсан эрхтнүүдэд ажиглагдвал, яншуй, буйлс самар болон шошийг хоол хүнсэндээ хэрэглээрэй.
Витамин C
Буйлаа бэхжүүлж, шүдээ хорхой идэхээс сэргийлэхийн тулд та зайлшгүй витамин C хэрэглэх шаардлагатай. Энэ витамины дутагдалд орвол шүд тэр дорхноо өвчилнө. Исгэлэн жимс, байцаа идэхийг танд зөвлөж байна.
Кальци
Кальци бол яс болон шүд бэхжилт сайтай байх гол үндэс юм. Шүдний пааланд кальци чухал нөлөө үзүүлдэг. Навчит ургамал, шош болон буйлс самрыг хоол хүнсэнд тогтмол хэрэглэснээр эрүүл шүдтэй байх ямар ч асуудалгүй.
Витамин D
Витамин D бол чухал амин дэмээс гадна шүдний эрдэс бодисыг нэмэгдүүлж, кальцийг шүдэнд уусахад хүргэдэг утгаараа онцлогтой витамин юм. Кальци энэ витамингүйгээр үр өгөөжөө өгнө гэж байхгүй. Нарнаас энэхүү витаминыг авч болно эсвэл нэмэлт бүтээгдэхүүн байдлаар эмийн сангаас худалдан авч хэрэглээрэй.
Фосфор
Ясны эрдэс бодисыг хангаж, шүдний паалан болон амны хөндийг өвчлөхөөс сэргийлэх ач тустай. Фосфор болон кальцийн тусламжтай амны хөндий дэх хүчлийн хэмжээг хянах боломжтой байдаг. Фосфорыг цагаан идээ, самар, хулуу эсвэл бүхэл үрээс авч болно.
Фтор
Буйл болон шүдэнд хэрэгтэй чухал эрдэс бодис бөгөөд шүд цоорохоос сэргийлж, шүдний пааланг хүчлээс хамгаалдаг. Фторыг найрлагандаа агуулсан хоол хүнсэнд төмс, өргөст хэмх, улаан лооль, навчит ургамал, үргүй үзэм болон цагаан будаа хамаарна.
Эрүүл шүдэнд зориулагдсан сайн чанарын бүтээгдэхүүнүүд
- Найрлагандаа яс болон шүдийг бэхжүүлэх үйлчилгээтэй кальци агуулсан бяслаг болон цагаан идээ
- Амны хөндийг өвчлөхөөс сэргийлсэн ногоон өнгийн хүнсний ногоонууд
- Эслэг болон витамин А амин дэмээр баялаг лууван. Лууван шүлсийг ялгаруулж, амны хөндийг өвчлөхөөс сэргийлдэг.
- Цоохор майлз буйланд дэмжлэг үзүүлнэ.
Таны харж байгаачлан дан ганц кальци ч биш, өөр олон амин дэм болон эрдэс бодисууд шүдний эрүүл мэндэд хэрэгтэй. Иймд та өдөр тутмын хоол хүнсэндээ дээр дурдсан эрдэс бодис, витаминуудыг агуулсан бүтээгдэхүүн хэрэглэж байгаарай гэж зөвлөе.
Гоё
Бахархмаар
Хөөрхөн
Буруу
Тэнэглэл
Гайхмаар
Ха Ха
Харамсалтай
