Аз жаргалыг удаан хугацаанд мэдрэхгүй байна гэдэг нэг төрлийн өвчин туссан мэт хэцүү санагддаг. Зурхайн ордууд хайр сэтгэлийн харилцаа нь аз жаргалгүй санагдах үед харилцан адилгүй хандлага гаргадаг, энэ нь хажуу дахь хүнээ харилцаагаа аварч үлдэхийн тулд юу хийхийг нь мэдэхийг хүсэж байгаатай нь холбоотой байдаг.
Та хажуу дахь хүнтэйгээ хайр сэтгэлийн харилцаагаа гэрээ хэлэлцээрийн зарчмаар авч явна гэдэг байж боломгүй зүйл. Бид өдөр тутмын амьдралдаа хэрэгтэй хүмүүсийг өөрийн эргэн тойрноос хол байлгах шийдвэр гаргадаг нь нууц биш. Зарим тохиолдолд энэ шийдвэр хажуу дахь хүнээ илүү аз жаргалтай байгаасай гэж хүссэнтэй холбоотой байдаг билээ.
Хонь
Хонинууд аз жаргалыг мэдрэхээ болих үедээ таниас зайгаа барьж эхэлнэ, түүгээр ч зогсохгүй тэд хэзээ ч тантай дахин уулзахыг хүсэхгүй. Хонинууд бол төрөлхийн урагшлахыг илүүд үздэг хүмүүс ба нэгэнт та хоёрын харилцаа тиймэрхүү болж хувирсан бол та түүнийг ийм шийдвэр гаргахад нь гайхах хэрэггүй.
Үхэр
Үхрийн ордод төрсөн хүмүүст хайр сэтгэлийн харилцаа нь тааламжтай санагдахгүй байх үед тэд материаллаг зүйлд ач холбогдол өгдөг. Тухайлбал гэртээ засвар хийх, ханынхаа цаасыг солих эсвэл тусгай бэлтгэсэн жорын дагуу хоол хийх гэх мэт. Тэдний бие организм таны хажууд байж болох ч, сэтгэл санаа нь өөр газар байх болно. Хэцүү санагдаж байгаа мэдрэмжээ үхрийн ордынхон өөр зүйлд сатааруулж мартахыг хичээдэг гэж ойлгож болно.
Ихэр
Энэ нөхцөлд ихрүүд сэтгэл хөдлөлдөө автах боловч, юу мэдэрч байгаагаа ил гаргахыг илүүд үздэггүй. Өөрөөр хэлбэл ихрүүд амьдралд нь болж бүтэхгүй зүйлд анхаарал хандуулахгүй байж чадахгүй, харилцаа нь таагүй мэдрэмж төрүүлж эхлэхэд бүр ч хүндээр хүлээж авна. Өдөр тутам хийх ёстой зүйлд ач холбогдол өгөхийг хичээсэн ч, тэр ямар ч шалтгаангүйгээр уйлж, эргэн тойрон дахь хүмүүстээ гомдоллоно, яагаад гэвэл энэ ордынхон аз жаргалгүй байгаа энэ мэдрэмжээсээ хэрхэн салахаа мэддэггүй.
Мэлхий
Мэлхийнүүд сэтгэл хөдлөлөө ил гаргахдаа үнэхээр гаргууд хүмүүс, гэхдээ харилцаа нь аз жаргалгүй санагдаж эхлэхэд тэд битүүхэн дотроо гунигт автдаг. Харамсалтай нь тэд энэ мэдрэмжээ сэтгэлийн шаналал болтол нь юу ч хийж чадахгүй байсаар өөрийгөө улам зовооход хүргэдэг.
Арслан
Арслангууд хайр сэтгэлийн харилцаа нь таагүй санагдаж эхлэхэд эргэлзэх зүйлгүй өөр нэгнийг сонгоно. Тэд хажуу дахь хүнээ хуурч байгаа юм биш, ердөө болж бүтэхгүй байгаа харилцааг дуусгавар болгож, цэг тавихыг илүүд үзэж байгаа хэрэг юм. Мөн догшин ширүүн зан чанартай болж, ганцаараа байхыг эрхэмлэнэ.
Охин
Тэд өөрсдийгөө сатааруулах ямар нэгэн зүйл олж хийнэ. Охины ордыхон байгалиасаа хүсэл тэмүүлэлтэй хүмүүс боловч, заримдаа хий хоосон бодолд автах нь бий. Ямар ч нөхцөлд тайван байхыг хичээх боловч, сэтгэл дотроо хэцүү байгаа мэдрэмжээ нууж, гаднаа хэвийн байгаа юм шиг жүжиглэнэ.
Жинлүүр
Энэ ордынхон романтик харилцаа нь таагүй мэдрэмж төрүүлж эхлэхэд тэр дороо асуудалд орно. Ажил дээрээ бүтэлгүйтэж, хажуу дахь хүнтэйгээ байнга маргалдаж, эрүүл мэндийн байдал нь бага зэрэг дордоно. Хамгийн асуудалтай нь энэ ордынхон харилцаагаа аварч үлдэхийн тулд хажуу дахь хүнтэйгээ ярилцахыг хүсдэг ч, нүүр тулж асуудлаа шийдвэрлэе гэж боддоггүй.
Хилэнц
Хилэнцүүдийн хардах зан нь хөдөлж, хажуу дахь хүнийхээ талаар их зүйлийг олж мэдэхийг хүснэ. Нэг ёсондоо тэд хажуу дахь хүнээсээ ямар нэгэн сэжүүр олж, түүнээс салах шалтгаан олохыг эрхэмлэдэг байна. Хилэнцүүд ямар нэгэн асуудал гарахад тэр дор нь шийдвэрлэхийг хүсэх ба шийдвэрлэж чадахгүйд хүрвэл, удаан хугацаанд асуудалтай зууралдаж явахыг хүсдэггүй. Гэхдээ тэдэнд хажуу дахь хүнээ тавьж явуулах маш их хэцүү байх болно.
Нум
Нумын ордод төрсөн хүмүүс энэ тохиолдолд догшин ширүүн болж хувирдаг. Тэд таамаглашгүй, гэнэтийн байдлаар сэтгэл хөдлөлөө эргэн тойрныхондоо гаргаж эхэлдэг. Гэвч энэ ордынхон биеэ сайн барих чадвартай учир ямар ч нөхцөлд хэцүү байгаа мэдрэмжээ тултал нь ил гаргалгүй, ямар нэгэн үг хэлмээр санагдаж байгаа ч гэсэн хэлээ хазаад өнгөрч чадна. Эцэст нь тэр уур бухимдлынхаа үр дүнд хажуу дахь хүнээ орхихыг хүсдэг.
Матар
Тэдэнд хайр сэтгэлийн харилцаа нь тааламжгүй санагдаж эхлэхэд бүхнийг өөрийнхөө хяналтанд авна. Сэтгэл хөдлөл нь тэдэнд аз жаргалыг мэдрүүлэхгүй байгаа учир, матрууд өөрт нь тав тухгүй мэдрэмж төрүүлж байгаа зүйлээс аль болох хурдан ангижрахыг хүснэ. Хэцүү санагдах ч гэлээ өөрийгөө хянах чадварынхаа хүчинд асуудлыг даван туулж чадна.
Хумх
Хумхуудад хайр сэтгэлийн харилцаа нь тиймэрхүү санагдаж эхэлсэн бол тэд эргэлзэх зүйлгүй цагийг өөр зүйлд зарцуулахыг хүсдэг ба үүнд аяллаар явах, тогоочийн сургалтанд суух эсвэл фитнесээр хичээллэх зэрэг зүйлс батгана.
Загас
Хувиа хичээсэн зангүй загаснууд энэ тохиолдолд хувиа хичээсэн, зөвхөн өөрийгөө бодсон нэгэн болж хувирдаг. Тэдний зүрх сэтгэл хувирч, өөрийгөө эрх чөлөөтэй байлгахыг юу юунаас илүү хүсэх болно. Тэд хажуу дахь хүндээ хайртай гэдгээ хүлээн зөвшөөрөх боловч, ирээдүйг ганцаараа төлөвлөж эхэлсэн талаараа хэлэхээс өөр аргагүйд хүрнэ.
Гайхмаар
Тэнэглэл
Гоё
Буруу
Ха Ха
Хөөрхөн
Бахархмаар
Харамсалтай
