Таныг хаагуураа илүү их таргалж байгаагаас чинь хамаарч хэрхэн зөв турахыг хэлж өгье

Илүүдэл жингээсээ салах олон арга бий. Нэгэнд нь үр дүнтэй байхад нөгөөд нь ямар ч нэмэргүй байх тохиолдол ч байдаг. Үүнд хүн болгоны бие махбодийн өөрийн гэсэн онцлог нөлөөлж байгаа юм: бид өөрсдийнхөөрөө жин нэмж бас өөрсдийнхөөрөө жингээ хасна. Судалгааны үр дүнгээс харахад 6 төрлийн өөхлөлт байдаг байна – илүүдэл жин хамгаас түрүүнд хуримтлагдаж байгаа тэр хэсгээр тодорхойлогдоно.

Бид та бүхэндээ хэрхэн үр дүнтэй турахыг танилцуулахаар бэлдлээ: өөрийн бие махбодийн тогтолцоог л сайтар ойлгох хэрэгтэй.

1. Биеийн дээд хэсгээр эхэлж таргална

Шалтгаан:

Шатааж чадахаасаа илүү их калори авч байгаа учраас та энэ хэсгээр жин нэмж байна. Үүний үндсэн шалтгаан нь хэтрүүлэн идэх, хөдөлгөөн дутагдахтай холбоотой.

Хэрхэн турах вэ:

• Аэробикаар хичээллээрэй, ингэснээр та их калори шатааж чадна. Гадуур зугаал, гүй, өдөрт багаар бодоход 30 минутаар усанд сэл.
• Хоол хүнснээсээ сахар, чихэрлэг ундааг хас.

 

2. Гэдэсний доод хэсгээр эхэлж таргална

Шалтгаан:

Стресс, депресс болон ядаргаанаас болж таргалж байна.

Хэрхэн турах вэ:

• Стресст оруулах нөхцөл байдлаас зайлсхий: эс бөгөөс кортизол дааврын илүүдэл хэмжээ хэвлийгээр бүхэлдээ таргалахад хүргэнэ.
• Ногоон цай ахиухан ууж бай, уг цай нь сэтгэл санаа тайвшруулж, өөх хайлуулдаг. Бясалгал хий бас амьсгалын дасгалууд хийж байх хэрэгтэй.

 

3. Биеийн доод хэсгээр эхэлж таргална

Шалтгаан:

Биеийн энэ хэсгээр таргалаад байгаагийн нэг үндсэн шалтгаан нь – хоол хүнсэнд агуулагдах глютенийн хэмжээ нөлөөлж байна. Тиймээс глютенийн агууламжгүй хоолны цэс сонирхоорой.

Хэрхэн турах вэ:

• Лифтээр бус шатаар явган явж бай. Ингэснээр хөлийн булчинг ажиллуулна.
• Өглөөний хоол идэхээ мартаж болохгүй. Өглөөний эхний хоол бодисын солилцоог идэвхжүүлэхэд нөлөөлдөг. Өдөр хүртэл их өлсөхгүй, өөрөөр хэлбэл өдрийн хоолоо ч гэсэн бага идэхэд хүргэнэ.

 

4. Гэдсээр эхэлж таргална

Шалтгаан:

Согтууруулах төрлийн ундааны хэт их хэрэглээ – энэ бол гэдсээр таргалаад байгаагийн үндсэн шалтгаан мөнөөс мөн.

Хэрхэн турах вэ:

• Архины хэрэглээг багасга, согтууруулах төрлийн ундаа нь маш их калорийн агууламжтай бас хортой.
• Бага багаар ойрхон хооллохыг хичээ: бодисын солилцоог сайжруулна, бас гэдсийг ч арилгана.

 

5. Хөлөөрөө эхэлж таргалах

Шалтгаан:

Жирэмсний үед эсвэл судас бүдүүрлийн үед эмэгтэйчүүд хөлөөрөө таргалах хандлагатай байдаг.

Хэрхэн турах вэ:

• Давсны хэрэглээг багасга эсвэл бүрмөсөн татгалзах хэрэгтэй: давс нь бие дэх усыг барьдаг муу үр дагавартай.
• Нэг байрандаа 30-аас илүү минут суух хэрэггүй, босож биеийн хөдөлгөөн хийж чилээгээ гаргана. Хэрвээ боломжтой бол хөл дээрээ босож суух дасгал хийнэ: энэ дасгал нь хөл хавагнах эрсдэлийг багасгана.

 

6. Гэдэс болон нуруугаараа эхэлж таргалах

Шалтгаан:

Хэрвээ та ийм байдлаар таргалаад байвал хөдөлгөөн багатай амьдралын хэв маягийг баримталж байгааг илтгэнэ.

Хэрхэн турах вэ:

• Бүтэн нойртой хононо. Дутуу нойр нь хоолны дуршлыг идэвхжүүлж илүү их идэхэд хүргэнэ.
• Ширхэглэгээр баялаг хоол хүнс иднэ – калорийг шатаахад оролцдог буюу таны бэлхүүсийг нарийхан болгоно.

Мэдээж амьдралын эрүүл хэв маяг болон биеийн идэвхтэй хөдөлгөөн нь гуалиг байхад нөлөөлнө.